11-Feb-2024

ସୁବର୍ଣ୍ଣପୁର (ମନୋରଞ୍ଜନ ତ୍ରିପାଠୀ)
 ସହରର ସୁରେଶ୍ଵରୀ ଫୁଟବଲ ଏକାଡେମୀ ଦ୍ଵାରା ସ୍ଥାନୀୟ ସୋନପୁର କଲେଜ ପଡିଆ ଠାରେ ଆୟୋଜିତ ଏକ ଦିବସୀୟ ଲିପୁ ମେମୋରିଆଲ ଭେଟେରାନ୍ ଫୁଟବଲ ଟୁର୍ଣ୍ଣାମେଣ୍ଟ ଉଦଯାପିତ ହୋଇଯାଇଛି।ଏଥିରେ ଓଡିଶାର ବଛାବଛା ଭେଟେରାନ୍ ଦଳର ଖେଳାଳୀମାନଙ୍କୁ ନେଇ ଆୟୋଜିତ ଏହି ଟୁର୍ଣ୍ଣାମେଣ୍ଟରେ ଏସ୍ଏସ୍ଏଫ୍ଏ ସୋନପୁର,ବରଗଡ, ବଲାଙ୍ଗୀର,ଏମ୍ସିଏଲ୍ ବୁର୍ଲା, ରେଢ଼ାଖୋଲ, ବୁର୍ଲା ସହର ,ରାମଧୁନ କ୍ଲବ୍ ସୋନପୁର, ବ୍ରଜରାଜନଗର, ସମ୍ବଲପୁର ପ୍ରମୁଖ ଦଳ ମାନଙ୍କୁ ନେଇ ଚାଲିଥିବା ମ୍ୟାଚର ଫାଇନାଲ ଖେଳ ରେ ବିଜୟୀ ଦଳଭାବରେ ସମ୍ବଲପୁର ଉଇନର ହୋଇ ଥିବା ବେଳେ ରନର୍ସ ଭାବରେ ବୁର୍ଲା ଭେଟେରାନ୍ ଦଳ ବିଜୟୀ ହୋଇ   ମୁଖ୍ୟ ଅତିଥି ଙ୍କଠାରୁ ଟ୍ରଫି ଗ୍ରହଣ କରିଥିଲେ। ମ୍ୟାଚ ସମୁହ ର ବେଷ୍ଟ ଡିଫେଣ୍ଡର ଭାବରେ ସମ୍ବଲପୁର ର ବିବେକାନନ୍ଦ ମହାନ୍ତି, ବେଷ୍ଟ ସ୍କୋରର୍ ଅଶୋକ ଖଡିଆ, ବେଷ୍ଟ ଗୋଲକିପର ବୁର୍ଲା ର ମହମ୍ମଦ ଜିଲାନି,ହିରୋ ଅଫ୍ ଦି ମ୍ୟାଚ୍ ଭାବରେ ବୁର୍ଲା ର ଅରୁଣ ମେହେର ଓ ସୁରଟି ଦୀପ୍ ଙ୍କୁ ବେଷ୍ଟ ପ୍ଲେଆର୍ ଭାବରେ  ଟ୍ରଫି ପ୍ରଦାନ କରାଯାଇଥିଲା। ମୁଖ୍ୟ ଅତିଥି ଭାବରେ ସୁବର୍ଣ୍ଣପୁର ର ଭେଟେରାନ୍ ଫୁଟବଲ ଖେଳାଳୀ ତଥା ଜିଲ୍ଲା ସାମ୍ବାଦିକ ସଂଘ ସଭାପତି ଗୋରେଖନାଥ ସାହୁ, ଜିଲ୍ଲା ଠିକାଦାର ସଂଘ ସଭାପତି ଜୟମାଧବ ମିଶ୍ର, ଜିଲ୍ଲା ବ୍ୟବସାୟୀ ସଂଘର ଉପଦେଷ୍ଟା ଗୁଣନିଧି ମେହେର, ବିବେକାନନ୍ଦ ମହାନ୍ତି  ପ୍ରମୁଖ ଅତିଥି ଭାବରେ  ଯୋଗଦେଇ ସ୍ୱର୍ଗତ ଲିପୁ ମହାନ୍ତି ଙ୍କ ସ୍ମୃତି ଚାରଣ କରିଥିବାବେଳେ ଉପସ୍ଥିତ ଭେଟେରାନ୍ ଫୁଟବଲ ଖେଳାଳୀ ମାନଙ୍କ ଖେଳ ର  ଉଚ୍ଚ ପ୍ରଶଂସା କରିଥିଲେ। ଆଜିର ସମସ୍ତ ଖେଳକୁ ଅଭି ମହାନନ୍ଦ,ବିଜୁ  ସାହୁ,ବିକାଶ ସେଠି, ପ୍ରହଲ୍ଲାଦ ଭୁକ୍ତା, ଲିପୁନ ପ୍ରଧାନ ପରିଚାଳନା କରିଥିବା ବେଳେ ପିତବାସ ଭୋଇ, ସଞ୍ଜୟ ସାହୁ, ଦିଲିପ ପାତ୍ର ପ୍ରମୁଖ ମ୍ୟାଚର ଧାରାବିବରଣୀ  ପ୍ରଦାନ କରିଥିଲେ। ସୁରେଶ୍ଵରୀ ଫୁଟବଲ ଏକାଡେମୀ ର ମୁଖ୍ୟ ନିଶାନ୍ତ କୁମାର ମହାନ୍ତି, ସୁବ୍ରତ ସେଠି, ସଞ୍ଜୟ କୁମାର ସାହୁ,ଜ୍ୟୋତିର୍ମୟ ମିଶ୍ର, ସ୍ଵରୁପ ପାତ୍ର,   ହରିହର ପଟ୍ଟନାୟକ,ସୁରେନ୍  ବାରିକ ,ସନ୍ତୋଷ ନାଏକ,ଅନିଲ ସାହୁ, ବିଶ୍ଵାମିତ୍ର ନାଏକ ପ୍ରମୁଖ ସମସ୍ତ କାର୍ଯ୍ୟକ୍ରମକୁ ପରିଚାଳନା କରିଥିଲେ।