11-Feb-2024

ପାଟଣାଗଡ଼ (ପୁର୍ଣ୍ଣ ଶଶୀ ଶେଖର ରାଓ) ବଲାଙ୍ଗିର ଜିଲ୍ଲା ବେଲପଡା ବ୍ଲକ ରେ କାର୍ଯ୍ୟରତ ଗ୍ରାମ ପଞ୍ଚାୟତ ଉନ୍ନୟନ ଅଧିକାରୀ ଶ୍ରୀ ଗୋବିନ୍ଦ ଭୁଏଙ୍କ ଚାକିରୀ କାଳ ସରିଯାଇଥିବା ବେଳେ ତାଙ୍କୁ ଶନିବାର ଦିନ ହରିଶଙ୍କର ଠାରେ ବେଲପଡା କାର୍ଯ୍ୟାଳୟ ର ସମସ୍ତ କର୍ମଚାରୀ ଙ୍କ ଦ୍ବାରା ଅବସରକାଳୀନ ସମ୍ବର୍ଦ୍ଧନା ଦିଆଯାଇଛି। ସୂଚନାଯୋଗ୍ୟ ଯେ ସେ ତୁରେକେଲା ବ୍ଲକ ରୁ ବଦଳି ହୋଇ ୩.୯.୨୨ ରେ ବେଲପଡା ବ୍ଳକ କାର୍ଯ୍ୟାଳୟ ଠାରେ ଯୋଗଦାନ କରିଥିଲେ।ସେ ନିଜର କାର୍ଯ୍ୟ ଶୈଳୀ ରେ ଦକ୍ଷତା ଦେଖାଇବା ସହ ଭଲ ବ୍ୟବହାର ପ୍ରଦର୍ଶନ କରି ସମସ୍ତ କର୍ମଚାରୀ ଓ ସାଧାରଣ ଜନତା ଙ୍କ ପ୍ରିୟ ଭାଜନ ହୋଇପାରିଛନ୍ତି। କିନ୍ତୁ ସେ ୨୦୨୪ ମସିହା ଜାନୁଆରୀ ୩୧ ତାରିଖ ଦିନ ତାଙ୍କ ଚାକିରି କାର୍ଯ୍ୟକାଳ ସାରିଥିବା ବେଳେ

ପିଇଓ ଦେବେନ୍ଦ୍ର ସାହୁ ଙ୍କୁ ଜିପିଇଓ ଚାର୍ଜ ଦିଆଯାଇଛି। ଉକ୍ତ ଅବସରକାଳୀନ ସମ୍ବର୍ଦ୍ଧନା ରେ ବେଲପଡା ବ୍ଳକ ଉପାଧ୍ୟକ୍ଷ ଦୁର୍ଯ୍ୟୋଧନ କୁମ୍ଭାର, ବିଡ଼ିଓ ରାଜେଶ କୁମାର ମେହେର, ଏବିଡିଓ ସାରଥି ସାହୁ,ଏଇଇ ଭୁବନ ସିଂ, ପ୍ରତ୍ୟେକ କନିଷ୍ଠ ଯନ୍ତ୍ରୀ, ପ୍ରତ୍ୟେକ କାର୍ଯ୍ୟ ନିର୍ବାହୀ ଅଧିକାରୀ, ପ୍ରତ୍ୟେକ ଗ୍ରାମ ରୋଜଗାର ସେବକ, ପ୍ରତ୍ୟେକ ଯୋଗାଣ ସହାୟକ ଏବଂ ପ୍ରତ୍ୟେକ ବ୍ଳକ କର୍ମଚାରୀ ଉପସ୍ଥିତ ଥିଲେ। ଏଭଳି ଜଣେ ସଚ୍ଚୋଟ, ପରୋପକାରୀ, ମେଳାପି, ମିଷ୍ଟଭାଷୀ ମଣିଷ ର ଅବସରପ୍ରାପ୍ତ ହୋଇଥିବା ବେଳେ ବେଲପଡା ଅଞ୍ଚଳବାସୀଙ୍କ ମନରେ ଖୁସି ର ଲୁହ ଗଡିଯାଉଛି ।