11-Feb-2024

ତୁଷୁରା(ପଞ୍ଚାନନ ନାଏକ ): ତୃତୀୟ ତୋଷାଳୀ ମହୋତ୍ସବ ଉପଲକ୍ଷେ ରବିବାର ଅପରାହ୍ନ ରେ ସରସ୍ଵତୀ ଶିଶୁ ବିଦ୍ୟା ମନ୍ଦିର,ତୋଷରା ର ବୌଦ୍ଧିକ ମଣ୍ଡପ ଠାରେ ନିଷାନ୍ କୁଟୁମ୍ ଆନୁକୂଲ୍ୟରେ ବହୁଭାଷୀ କବିତା ଆସର ଅନୁଷ୍ଠିତ ହୋଇଥିଲା। ପ୍ରଥମ ଅଧିବେଶନରେ ନିଷାନ୍ ର ସଭାପତି ଶ୍ଯାମ ସୁନ୍ଦର ପ୍ରଧାନଙ୍କ ଅଧ୍ୟକ୍ଷତାରେ ଅନୁଷ୍ଠିତ ସଭାରେ ନିଷାନ୍ ର ସଂପାଦକ ଆଶୁକବି ହେମନ୍ତ ଦାଶ ସଭା ସଞ୍ଚାଳନ କରିଥିଲେ। ମୁଖ୍ୟ ଅତିଥି ଭାବେ ବିଶିଷ୍ଟ ସାହିତ୍ୟିକ ତଥା ସ୍ତମ୍ଭକାର ତୁଳସୀ ଜୈନ ଯୋଗ ଦେଇ କୋସଲି ଭାସାର୍ ବୃଦ୍ଧି ସକାଶେ ନିଷାନ୍ ସାହିତ୍ୟ ସଂସଦ ର ଭୂମିକାକୁ ଭୂୟସୀ ପ୍ରଶଂସା କରିଥିଲେ। ସମ୍ମାନିତ ଅତିଥି ଭାବେ କୋସଲ ସାହିତ୍ୟ ଏକାଡେ଼ମୀ ର ସଭାପତି ଦେବେନ୍ଦ୍ର ନାଏକ, ତୋଷାଳୀ ମହୋତ୍ସବ କମିଟୀର ସଭାପତି ବ୍ରହ୍ମାନନ୍ଦ ପାଣ୍ଡିଆ,ଉପ ସଭାପତି ଦେବବ୍ରତ ପାଣିଗ୍ରାହୀ, ସଂପାଦକ ଜିତେନ୍ଦ୍ର ମହାପାତ୍ର, ୟୁଥ୍ ଏକସନ୍ କମିଟିର ସଭାପତି ଲିସନ୍ କୁମାର୍ ପ୍ରଧାନ
ଯୋଗ ଦେଇଥିଲେ। ମୁଖ୍ୟବକ୍ତା ଭାବେ   ବିଶିଷ୍ଟ ବାଗ୍ମୀ ରାଜମଣି ସାହୁ ଯୋଗ ଦେଇ କୋସଲି ଭାଷାର ଐତିହାସିକ ପୃଷ୍ଠଭୂମି ଉପରେ ଆଲୋକପାତ କରିଥିଲେ। 
     ନିଷାନ୍ ସାହିତ୍ୟ ସଂସଦ, ତୁଷୁରା, ବଲାଙ୍ଗିର ତରଫରୁ ୨୦୨୪ ବର୍ଷ ପାଇଁ ବିଭିନ୍ନ କ୍ଷେତ୍ରରେ ଉତ୍କର୍ଷତା ହାସଲ କରିଥିବା ପ୍ରତିଭାଙ୍କୁ ଉପଢୌକନ ଓ ମାନପତ୍ର ପ୍ରଦାନ କରି ସମ୍ବର୍ଦ୍ଧିତ କରାଯାଇଥିଲା। 

୧) ସ୍ବର୍ଗତ ରମେଶ ପ୍ରଧାନ ସ୍ମୃତି ସମ୍ମାନ-ବାଳୁକା ଶିଳ୍ପୀ ଶ୍ରୀ ଓମ୍ ପ୍ରକାଶ ସାହୁ, କଳାହାଣ୍ଡି 
୨) ନିଷାନ୍ ଏକପଦି କବିତା ସମ୍ମାନ-କବୟିତ୍ରୀ ସାବିତ୍ରୀ ସାହୁ, ବଲାଙ୍ଗିର
୩) ନିଷାନ୍ ଏକପଦି ଧାରାବାହିକ ସମ୍ମାନ - ଶ୍ରୀ ଉମେଶ ପ୍ରଧାନ, ବରଗଡ
୪) ନିଷାନ୍ ଯୁବକବି ସମ୍ମାନ - ଶ୍ରୀ ସତ୍ଯ ଭୁଷଣ ସାହୁ, ବରଗଡ
୫) ନିଷାନ୍ ନାଟକ୍ ସମ୍ମାନ- ଶ୍ରୀମତୀ ଚନ୍ଦ୍ରାବତୀ ପାଣ୍ଡେ, ସୋନପୁର
୬) ନିଷାନ୍ କଥାନି ସମ୍ମାନ୍-ଶ୍ରୀ ଧର୍ମେନ୍ଦ୍ର ପ୍ରଧାନ, ବରଗଡ
୭) ନିଷାନ୍ କଳାକାର୍ ସମ୍ମାନ୍- ସୁଶ୍ରୀ ଲିପ୍‌ସା ମହାରଣା, କଳାହାଣ୍ଡି
୮) ନିଷାନ୍ କଲାପଟା ସାହିତ୍ୟ ସମ୍ମାନ୍- ଘଣ୍ଟି ସାହିତ୍ୟ ଅନୁଷ୍ଠାନ, ସମଲ୍‌ପୁର୍ 
୯) ନିଷାନ୍ ସମ୍ବାଦିକ ସମ୍ମାନ୍-ଶ୍ରୀ ସୁନିଲ ଜୈନ (ସମ୍ବାଦ ପ୍ରତିନିଧି)
୧୦) ମନସ୍ଵିନୀ ସମ୍ମାନ- ଶ୍ରୀମତୀ ସବିତା ମହରା, ବଲାଙ୍ଗିର 
୧୧) ମନସ୍ବିନୀ ସମ୍ମାନ- ଶ୍ରୀ ଦେବଦତ୍ତ ପଣ୍ଡା, ସୋନପୁର
     ଦ୍ବିତୀୟ ଅଧିବେଶନରେ   କବୟିତ୍ରୀ ସବିତା ମହରା ଓ ଚନ୍ଦ୍ରାବତୀ ପାଣ୍ଡେଙ୍କ ସଂଯୋଜନା ରେ ବହୁଭାଷୀ କବିତା ଆସର ଅନୁଷ୍ଠିତ ହୋଇଥିଲା। ବଲାଙ୍ଗିର, କଳାହାଣ୍ଡି, ସୁବର୍ଣ୍ଣପୁର, ବରଗଡ, ସମ୍ବଲପୁର ଓ ବୌଦ୍ଧ ଆଦି ଜିଲ୍ଲାରୁ ଆସିଥିବା କବି ଓ କବୟିତ୍ରୀମାନେ ସ୍ବରଚିତ କବିତା ପାଠ କରି ଉପସ୍ଥିତ ଶ୍ରୋତାଙ୍କୁ ମନମୁଗ୍ଧ କରି ଦେଇଥିଲେ। ସଭା ପ୍ରାରମ୍ଭରେ  କବୟିତ୍ରୀ ତୃପ୍ତିମୟୀ ତ୍ରିପାଠୀ ସ୍ବାଗତ ସଂଗୀତ ପରିବେଷଣ କରିଥିବା ବେଳେ ଶେଷରେ କବୟିତ୍ରୀ ବବିତା ନାୟକ ଧନ୍ୟବାଦ ଅର୍ପଣ କରିଥିଲେ।