11-Feb-2024

ତରଭା ( ପ୍ରେରଣା ଖବର )- ତରଭା ବ୍ଲକ ଅନ୍ତର୍ଗତ  ମେଣ୍ଡା ହାଇସ୍କୁଲରେ ପ୍ରଧାନଶିକ୍ଷକ ଝସକେତନ ମେହେରଙ୍କ ସଭାପତିତ୍ୱରେ ବାର୍ଷିକ ଉତ୍ସବ ଅନୁଷ୍ଠିତ ହୋଇଯାଇଛି । ମୁଖ୍ୟଅତିଥି ଭାବରେ ତରଭା ପଂଚାୟତ ସମିତିର ଅଧ୍ୟକ୍ଷ ସରୋଜ କମ୍ପ,  ମୁଖ୍ୟବକ୍ତା ଭାବରେ ଓଡିଶା ଆଦର୍ଶବିଦ୍ୟାଳୟ, ପଚରଚେପାର ଅଧ୍ୟକ୍ଷ କ୍ଷମାନିଧି ଝାଙ୍କର , ସମ୍ମାନୀତ ଅତିଥି ଭାବରେ ମୋ ସ୍କୁଲ ଅଭିଯାନର ସଭାପତି ନାରାୟଣ ଝାଙ୍କର, ବିଦ୍ୟାଳୟ ପରିଚାଳନା ପରିଷଦ ସଭାପତି ତଥା ବିଦ୍ୟାଳୟର ବରିଷ୍ଠ ଶିକ୍ଷକ ଅଶୋକ  ବିଶି, ଶିକ୍ଷକ ଶ୍ରୀନିଳକାନ୍ତ ବେହେରା ଯୋଗଦେଇ ଛାତ୍ରଛାତ୍ରୀ ମାନଙ୍କୁ ଜୀବନ ଯାତ୍ରାରେ କୃତିତ୍ୱ ହାସଲ କରିବା ତଥା ମା ମାଟିର ସମ୍ମାନ ରକ୍ଷାକରି ବିଦ୍ୟାଳୟର ଗୌରବ ଆଣିବା ପାଇଁ ଅତିଥି ଗଣ ମତବ୍ୟକ୍ତ କରିଥିଲେ । 

ଶିକ୍ଷକ ଚିତରଂଜନ ବଣକୀ ଅତଥି ପରିଚୟ ପ୍ରଦାନ କରିଥିବା ବେଳେ ଶିକ୍ଷକ ଭୋଜରାଜ ପ୍ରଧାନ ବାର୍ଷିକ ବିବରଣୀ  ପାଠ କରିଥିଲେ । ବିଗତ ମ୍ୟାଟ୍ରୀକ ପରୀକ୍ଷାରେ ଏ ୧ ଗ୍ରେଡ ପାଇଥିବା ଛାତ୍ର୍ ଅନୁରାଗ ପାଣିଗ୍ରାହୀ , ସୁମନ୍ତ କର୍ମି ଓ ଛାତ୍ରୀ ରୋଜୀ ମେହେର ଙ୍କୁ ସମ୍ବର୍ଦ୍ଧିତ କରାଯାଇଥିଲା । 

ଏହି ଅବସରରେ ବିଦ୍ୟାଳୟରେ ଛାତ୍ରଛାତ୍ରୀ ମାନଙ୍କ ଦ୍ୱାରା ରଙ୍ଗାରଙ୍ଗ ସାଂସ୍କୃତିକ କାର୍ଯ୍ୟକ୍ରମ ଆୟୋଜିତ ହୋଇଥିଲା । କାର୍ଯ୍ୟକ୍ରମରେ ଶିକ୍ଷକ ମଧୁସୁଦନ ନାଏକ, ନରସିଂହ ପଟେଲ, ଧ୍ରୁବାନନ୍ଦ ସେଠି , ଭାଗ୍ୟବାନ ଝାଙ୍କର, ବଭୀଷଣ  ରଣା, ଶିକ୍ଷୟିତ୍ରି ି ସୁପ୍ରିୟା ନାୟକ, ବୀଣାପାଣି ପାଣିଗ୍ରାହୀ, ମିନତୀ ି ନାୟକ, ଶବ୍ୟା ସେଠ, କର୍ମଚାରୀ ଗୋବିନ୍ଦ ଦଣ୍ଡସେନା, ଚମ୍ପେଶ୍ୱର ଭୋଇ, ସମାଜସେବୀ ବିଶ୍ୱରଂଜନ ଦଳବେହେରା, ପଦ୍ମନାଭ ମଲ୍ଲୀକ ତଥା ଗ୍ରାମବାସୀ ଉପସ୍ଥିତ ରହି       ସହଯୋଗ କରିଥିଲେ । କାର୍ଯ୍ୟକ୍ରମ ଶେଷରେ ଶିକ୍ଷକ ସନ୍ତୋଷ କୁମାର ସାହୁ ଧନ୍ୟବାଦ ଅର୍ପଣ କରିଥିଲେ ।