11-Feb-2024

ବରଗଡ଼ (ପ୍ରେରଣା ଖବର ) : ଭାରତୀୟ ରେଡକ୍ରସ ସୋସାଇଟି  ଓଡ଼ିଶା ରାଜ୍ୟ ଶାଖା ଆନୁକୁଲ୍ୟରେ ରାଜ୍ୟ ଜୁନିଅର୍ ରେଡକ୍ରସର ଭୁବନେଶ୍ୱର ଠାରେ ପଞ୍ଚ ଦିବସୀୟ ଶିକ୍ଷା ତଥା ପ୍ରଶିକ୍ଷଣ ଶିବିରରେ  ବରଗଡ଼ ଜିଲ୍ଲାର ଜୁନିଅର୍ ରେଡକ୍ରସ୍ ସ୍ଵେଚ୍ଛାସେବୀମାନେ  ସଫଳତା ସହ ଯୋଗଦାନ କରି ବରଗଡ଼ ଜିଲ୍ଲା ପାଇଁ ଗୌରବ ଆଣିଛନ୍ତି । ଉଦଯାପନୀ ଉତ୍ସବରେ ମୁଖ୍ୟ ଅତିଥି ଭାବେ ପୂର୍ବତନ ଓଡ଼ିଶା ରାଜ୍ୟ ଶାଖା ରେଡକ୍ରସ୍ ସୋସାଇଟିର ସମ୍ପାଦକ ଡ. ମେଜର କଳ୍ପନା ଦାସ, ରଜ୍ୟ ରେଡକ୍ରସ୍ ଅବୈତନିକ ସମ୍ପାଦକ ବିଭୂତି ଭୂଷଣ ପଟ୍ଟନାୟକ, ଓଲିଓଡ଼ ସିନେ ଅଭିନେତା ସବ୍ୟସାଚୀ ମିଶ୍ର, ଓଡ଼ିଶା ରାଜ୍ୟ ଶାଖାର ଜୁନିଅର୍ ରେଡକ୍ରସ୍ ଅଫିସର ଲକ୍ଷ୍ମଣ ସ୍ୱାଇଁ ପ୍ରମୁଖ ମଞ୍ଚାସିନ ରହି ବକ୍ତଵ୍ୟ ରଖିଥିଲେ ଓ କୃତି ଛାତ୍ରଛାତ୍ରୀ ଜୁନିଅର୍ ମlନଙ୍କୁ ପୁରସ୍କୃତ କରିଥିଲେ।

ଆୟୋଜିତ ହୋଇଥିବା ନଅ ଗୋଟି ପ୍ରତିଯୋଗୀତାରୁ ଦୁଇ ଗୋଟି ପ୍ରତିଯୋଗୀତାରେ ବରଗଡ଼ ଜିଲ୍ଲା ଅନ୍ତର୍ଗତ ବଡବ୍ରlହ୍ମଣି ହାଇସ୍କୁଲର ସ୍ଵେଚ୍ଛାସେବୀ ପ୍ରଭାତ ରଞ୍ଜନ ଖମାରୀ ବକ୍ତୃତା  ପ୍ରତିଯୋଗୀତାରେ ପ୍ରଥମ ସ୍ଥାନ ଅଧିକାର କରିଥିଲେ ଓ ଦଳଗତ ପ୍ରତିଯୋଗିତାରେ  ତେନ୍ତୁଳି ଟିକିରl ହାଇସ୍କୁଲର  ଶ୍ରୀଲକ୍ଷ୍ମୀ ଜାଲ, ହଂସିନି ଜାଲ, ଅଞ୍ଜୁ ଜାଲ ଏବଂ ଝଂlସି ପଧାନ ନୃତ୍ୟ ପ୍ରତିଯୋଗିତାରେ ଦ୍ଵିତୀୟ ସ୍ଥାନ ଅଧିକାର କରିଥିବାରୁ ଅତିଥିଙ୍କ ଠାରୁ ପ୍ରମାଣ ପତ୍ର ଓ  ବିଜୟ ସ୍ମାରକ ପାଇ ପୁରସ୍କୃତ ହୋଇଛନ୍ତି। ଏହି ଜୁନିଅର୍ ମାନଙ୍କୁ କ ବିଜେପୁର ବ୍ଲକ ପଞ୍ଚାୟତ ଉଚ୍ଚ ବିଦ୍ୟାଳୟ, ଗଣ୍ଠିଆପାଲି ର ଜୁନିଅର୍ ରେଡକ୍ରସ୍ ସଂଯୋଜକ ତଥା ଫାଷ୍ଟ ଏଡର ହେମନ୍ତ କୁମାର ସାମଲ ଓ ମାନପୂର୍ ହାଇସ୍କୁଲର ଗାଇଡ ଜୁନିଅର୍ କାଉନସିଲର ସବିତା ପାଣିଗ୍ରାହୀଙ୍କ ନେତୃତ୍ୱରେ ରାଜ୍ଯ ସ୍ତରୀୟ ଶିବିରରେ ଯୋଗ ଦେଇଥିଲେ। ନୈତିକ ପାଧlନ, ସୁପ୍ରୀତି ସାହୁ, ସମୀକ୍ଷା କୁଅଁର, ବୈଶାଳୀ ବେହେରା,ସୋନମ୍ ବେହେରା ଏବଂ  ସୀତୁ ସରlପ ବିଭିନ୍ନ ପ୍ରତିଯୋଗିତାରେ ଭାଗ ନେଇ ବରଗଡ ଜିଲ୍ଲାରୁ ପ୍ରତିନିଧିତ୍ଵ କରିଥିଲେ । ଜିଲ୍ଲା ଶିକ୍ଷା ଅଧିକାରୀ ତଥା ଜିଲ୍ଲା ଜୁନିଅର୍ ରେଡକ୍ରସ୍ ଅଧ୍ୟକ୍ଷ ଶ୍ରୀଯୁକ୍ତ ମିତ୍ରଭାନୁ କଚ୍ଛପ, ଅତିରିକ୍ତ ଜିଲ୍ଳା ଶିକ୍ଷା ଅଧିକାରୀ ତଥା ଜିଲ୍ଲା ଜୁନିଅର୍ ରେଡକ୍ରସର ସମ୍ପାଦକ ଶ୍ରୀଯୁକ୍ତ ରାଧାକାନ୍ତ ଛତ୍ରୀ, ଜିଲ୍ଲା ଜୁନିୟର ରେଡ଼କ୍ରସ୍ ଅଫିସର ଶ୍ରୀଯୁକ୍ତ ମହେନ୍ଦ୍ର ଆଚାର୍ଯ୍ୟ,ପୂର୍ବତନ ଖେଳ ନିରୀକ୍ଷକ ଶ୍ରୀଯୁକ୍ତ ଆଶୁତୋଷ ଦେ,ଜୁନିୟର ରେଡ଼କ୍ରସ୍ ପରାମର୍ଶ ଦାତା ଶ୍ରୀଯୁକ୍ତ ଧର୍ମରାଜ୍ ପ୍ରଧାନ,ମନୋଜ କୁମାର ସାହୁ ତଥା ଅନ୍ୟାନ୍ୟ ବୁଦ୍ଧିଜୀବୀଗଣ ସଫଳତା ନିମନ୍ତେ ଜୁନିଅର ମାନଙ୍କୁ ଶୁଭେଛା ଜଣାଇଛନ୍ତି ।