09-Feb-2024

ପାଟଣାଗଡ଼(ପୂର୍ଣ ଶଶୀ ଶେଖର ରାଓ ): ସାରା ରାଜ୍ୟରେ ମୋ ଓଡ଼ିଶା ନବୀନ ଓଡ଼ିଶା କାର୍ଯ୍ୟକ୍ରମ ଚାଲିଥିବା ବେଳେ ୭ ତାରିଖ ରୁ ବଲାଙ୍ଗିର ଜିଲ୍ଲା ବେଲପଡା ବ୍ଲକ ରେ ଆମ ଓଡ଼ିଶା ନବୀନ ଓଡ଼ିଶା କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି। ଆଜି ସଲଣ୍ଡି ରେ ଚାଲିଥିବା ବେଳେ ପଣ୍ଡ୍ରିଜୋର ପଞ୍ଚାୟତ ପଣ୍ଡ୍ରିଜୋର ରୁ କର୍ଲାବାହାଲି ରାସ୍ତା ମଧ୍ୟ ସ୍ଥଳୀ ଖେଳପଡିଆ ଠାରେ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା। ଏଥିରେ ମୁଖ୍ୟ ଅତିଥି ଭାବେ ବେଲପଡା ବ୍ଳକ ଅଧ୍ୟକ୍ଷା କୁମାରୀ ଟିନା କୁମ୍ଭାର, ସମ୍ମାନୀତ

ଅତିଥି ଭାବେ ଉପାଧ୍ୟକ୍ଷ ଦୁର୍ଯ୍ୟୋଧନ କୁମ୍ଭାର, ନୋଡାଲ ଅଫିସର୍ ପାଣ୍ଡବ ମଲ୍ଳିକ, ସରପଞ୍ଚ ଶୁଶିଲା ମେହେର, ସମିତି ସଭ୍ୟ ଶକ୍ତି ବନଛୋର,ପିଇଓ ସୁଧୀର ମେହେର ମଞ୍ଚାସୀନ ଥିଲେ। ପ୍ରଥମେ ଦୀପ ପ୍ରଜ୍ବଳନ କରି କାର୍ଯ୍ୟ ର ଶୁଭାରମ୍ଭ କରାଯାଇଥିବା ବେଳେ ପାଲା ମାଧ୍ୟମରେ ନବୀନ ପଟ୍ଟନାୟକଙ୍କ ବିକାଶ ଉପରେ ବୁଝାଯାଇଥିଲା। ଅଞ୍ଚଳର କୁନି କୁନି ଝିଅ ମାନଙ୍କ ଦ୍ବାରା ନୃତ୍ୟ ପରିବେଷଣ କରାଯାଇଥିଲା।ପରେ ଅତିଥି ମାନେ ରାଜ୍ୟ ସରକାରଙ୍କ ଲୋକାଭିମୁଖୀ ଯୋଜନା ବିଷୟରେ ଲୋକମାନଙ୍କୁ ସଚେତନ କରାଇଥିଲେ। ସରକାରୀ ଯୋଜନା ରେ ପଣ୍ଡ୍ରିଜୋର ପଞ୍ଚାୟତ କିଏ କିଏ ଉପକୃତ ହୋଇସାରିଛନ୍ତି ସେମାନଙ୍କ ଉଦାହରଣ ଦିଆଯାଇଛି। ତନ୍ମୟ ମଧ୍ୟରେ ଦୁର୍ଯ୍ୟୋଧନ ବଗର୍ତ୍ତି ବିଜୁ ସ୍ବାସ୍ଥ୍ୟ କଲ୍ୟାଣ ଯୋଜନା ରେ ଲାଭ ଉଠାଇଥିବା ବେଳେ ପଣ୍ଡ୍ରିଜୋର ପଞ୍ଚାୟତ ମୁଣ୍ଡାପଲା ଗ୍ରାମ ର ଗୋଲାପୀ ଦୀପ କାଳିଆ ଯୋଜନାର ଲାଭ ଉଠାଇଛନ୍ତି। ପଣ୍ଡ୍ରିଜୋର ପଞ୍ଚାୟତ ରେ ଅନେକ ଦିନରୁ ଉଚ୍ଚ ବିଦ୍ୟାଳୟ ପାଇଁ ଦାବି ହେଉଥିବାବେଳେ  ସରପଞ୍ଚ ଶୁଶିଲା ମେହେର ଓ ସମିତି ସଭ୍ୟ ଶକ୍ତି ବନଛୋରଙ୍କ ପ୍ରଚେଷ୍ଟାରେ ପଣ୍ଡ୍ରିଜୋର ଠାରେ ଏକ ହାଇସ୍କୁଲ ନିର୍ମାଣ କରାଯାଇଛି।କେନ୍ଦ୍ର ଅର୍ଥ ମିଶନ ପାଣ୍ଠିରୁ ଏକ ଗୋଷ୍ଠୀ ଶୌଚାଳୟ ନିର୍ମାଣ କରାଯାଇଛି। ଉଦ୍ୟାନ କୃଷି ବିଭାଗ ପାଣ୍ଠିରୁ ପଣ୍ଡ୍ରିଜୋର ରେ ପିଜୁଳି ଚାଷ, ମନରେଗା ଯୋଜନାରେ ପୋଖରୀ ଖନନ,୫ ଲକ୍ଷ ଟଙ୍କା ବିନିମୟ ରେ ବିଛୁବାହାଲି ପଣ୍ଡ୍ରିଜୋର ପୋଲ ନିର୍ମାଣ। ବିଛୁବାହାଲି ବିଦ୍ୟାଳୟ ରେ ନୂତନ ଶ୍ରେଣୀ ଗୃହ

ନିର୍ମାଣ,୫ ଲକ୍ଷ ଟଙ୍କା ବିନିଯୋଗରେ ପଣ୍ଡ୍ରିଜୋର ଅଙ୍ଗନୱାଡ଼ି କେନ୍ଦ୍ର ନିର୍ମାଣ, ପଞ୍ଚାୟତ ମିଶନ ଶକ୍ତି ଗୃହ ନିର୍ମାଣ, ବିଛୁବାହାଲି କଂକ୍ରିଟ ରାସ୍ତା ନିର୍ମାଣ, ଗ୍ରାମପଞ୍ଚାୟତ କାର୍ଯ୍ୟାଳୟ ସମ୍ମୁଖରେ ଗେଟ୍ ନିର୍ମାଣ କରାଯାଇଛି। ଉକ୍ତ କାର୍ଯ୍ୟକ୍ରମରେ ନୋଡାଲ ଅଫିସର୍ ପାଣ୍ଡବ ମଲ୍ଳିକ ମଞ୍ଚ ପରିଚାଳନା କରିଥିବା ବେଳେ ଅଞ୍ଚଳର ସମସ୍ତ ମିଶନ ଶକ୍ତି ମହିଳା ମାନେ, ଅନେକ ଗୁଡ଼ିଏ ପ୍ରଶାସନିକ ଅଧିକାରୀ ଉପସ୍ଥିତ ଥିଲେ।