03-Feb-2024

ବଲାଙ୍ଗୀର, ଆଜି ସ୍ଥାନୀୟ ଟାଉନ୍ ବାଳିକା ଉଚ୍ଚ ବିଦ୍ୟାଳୟ ଠାରେ ନାଗରିକ କମିଟିର ୨୭ତମ ସାଧାରଣ ପରିଷଦ ବୈଠକ ଅନୁଷ୍ଠିତ ହୋଇଯାଇଛି । ସାଧାରଣ ସଂପାଦକ ମନୋରଂଜନ ସାହୁଙ୍କ ଆବାହକତ୍ୱରେ ସଭାପତି ଇଂ. ବେଲାରସିଂ ଭୋଇ ସଭାପତିତ୍ୱ କରିଥିଲେ । ସଭା ପ୍ରାରମ୍ଭରେ ବିଶିଷ୍ଟ ଚଳଚ୍ଚିତ୍ର ଅଭିନେତା ତଥା ନିର୍ଦ୍ଦେଶକ ପଦ୍ମଶ୍ରୀ ସାଧୁ ମେହେରଙ୍କ ବିୟୋଗରେ ଏହି ଅମର ଆତ୍ମାର ସଦ୍ ଗତି ପାଇଁ ଦୁଇ ମିନିଟ୍ ନୀରବ ପ୍ରାର୍ଥନା କରାଯାଇଥିଲା l ନିର୍ବାଚନ ଅଧିକାରୀ ତଥା ଆଇନଜୀବୀ ଅଶୋକ କୁମାର ମିଶ୍ର  ଆସନ୍ତା ଫେବୃୟାରୀ ୨୫  ରେ ନାଗରିକ କମିଟିର ହେବାକୁ ଥିବା ନିର୍ବାଚନ ସମ୍ବନ୍ଧରେ ସୂଚନା ପ୍ରଦାନ କରିଥିଲେ । ଆଜି ଆବେଦନ ଫର୍ମ ଗ୍ରହଣ କରାଯାଇଥିଲା । ସେହିପରି ୧ଠ ତାରିଖରେ ମଧ୍ୟ ଆବେଦନ ଫର୍ମ ନେଇ ବିଭିନ୍ନ ପଦବୀ ପାଇଁ ଆବେଦନ କରିପାରିବେ ।

ଏହି ସମସ୍ତ କାର୍ଯ୍ୟକ୍ରମ ଟାଉନ ବାଳିକା ଉଚ୍ଚ ବିଦ୍ୟାଳୟ ଠାରେ ଆନୁଷ୍ଠିତ ହେବ ବୋଲି ସର୍ବସମ୍ମତିକ୍ରମେ ସ୍ଥିରୀକୃତ ହୋଇଛି । ନିର୍ବାଚନ ଓ ସାଂଗଠନିକ ବିଷୟକୁ ନେଇ କମିଟିର ବରିଷ୍ଠ ସଭ୍ୟ ଜୟରାମ ମିଶ୍ର, କିଶୋର ମୋହନ ମିଶ୍ର, ଶତୃଘ୍ନ ସିଂହ, ଋତୁରାଜ ସିଂହ, ଶ୍ରୀକର ମିଶ୍ର, ଅଶୋକ ମିଶ୍ର, ଗୋପ ପୁରୋହିତ, ଗୋପଭୂଷଣ ନାଥ ପ୍ରମୁଖ ଆଲୋଚନାରେ ଅଂଶଗ୍ରହଣ କରିଥିଲେ । ଶେଷରେ କମିଟିର ସଂପାଦକ ମନୋରଂଜନ ସାହୁ ଧନ୍ୟବାଦ ଅର୍ପଣ କରିଥିଲେ ।