31-Jan-2024

ତୁଷୁରା (ପଞ୍ଚାନନ ନାଏକ) ତୁଷୁରା ଅବକାରୀ ବିଭାଗ ପକ୍ଷରୁ   ୪୮ଲିଟର ଦେଶୀ ମଦ ଓ ୩୨ କେଜି ୩୮୦ ଗ୍ରାମ ଗଞ୍ଜେଇ ସହ ତିନୋଟି ବାଇକ ଜବତ, ଚାରିଜଣ ଜଣ ଗିରଫ  କରି କୋର୍ଟଚାଲାଣ କରାଯାଇଥିବା ତୁଷୁରା ଅବକାରୀ ଅଧିକାରୀ ଶ୍ରୀକାନ୍ତ ପାଣିଗ୍ରାହୀ ସୂଚନା ପ୍ରଦାନ କରିଛନ୍ତି। ପେଟୋଲିଙ୍ଗ ସମୟରେ ଡୁଙ୍ଗିବାହାଳ ଛକଠାରେ ଏକ ବାଇକରେ ତୁଷୁରା ଥାନା ଅନ୍ତର୍ଗତ ଡୁଙ୍ଗିବାହାଳ ଗ୍ରାମର ସୂର୍ଯ୍ୟମଣି ରଣା(୩୭ ବର୍ଷ)  ଆସୁଥିବା ବେଳେ ସନ୍ଦେହ କରି ତାକୁ ଅବକାରୀ ବିଭାଗର ଅଧିକାରୀ ମାନେ ଅଟକାଇ ଥିଲେ।  ଯାଞ୍ଚ ପରେ ୪୮ଲିଟର ଦେଶୀ ମଦ ବାହାରିଥିଲା। ବଡବାହାଲ ଛକ ପାଖରେ ଦୁଇଟି ବାଇକରେ ତିନି ଜଣ ଯୁବକ ଏକ ଜରି ପାକିଟ ଅଦଳବଦଳ କରୁଥିବା ବେଳେ ଅବକାରୀ ବିଭାଗ ପକ୍ଷରୁ ସନ୍ଦେହ କରି ଯାଞ୍ଚ କରିଥିଲା। ଉକ୍ତ ଯୁବକଙ୍କ ଠାରୁ ୩୨ କେଜି ୩୮୦ଗ୍ରାମ ଗଞ୍ଜେଇ ଜବତ କରି କୋର୍ଟଚାଲାଣ କରିଥିଲେ। ଉକ୍ତ ଯୁବକ ମାନେ ଗୌରଗୋଠ ଗ୍ରାମର ବ୍ରଜରାଜ କୁମ୍ଭାର (୨୯), ଓମପ୍ରକାଶ ରଣା(୩୬) ଓ ତରଭା ଥାନା ଅନ୍ତର୍ଗତ କମସରା ଗ୍ରାମର ରାଜୀବ ବେହେରା (୩୫) । ଏହି ପେଟୋଲିଙ୍ଗରେ ବିଭାଗର ଡୁଲେଶ୍ବର କୁମ୍ଭାର, ମଧୁସୂଦନ ସେଠ, ବିଭୂତି ଭୋଇ,  ଭୋଜରାଜ ବଢାଇ ଆଦି ସାମିଲ ଥିଲେ ।