31-Jan-2024

(ଡୋଲେସ୍ବର ଵାଗ )
  ନୂଆପଡ଼ା ଜିଲ୍ଲା ବୋଡ଼େନ ବ୍ଲକ ଅନ୍ତର୍ଗତ ବୋଡ଼େନ ରାଜୀବ ଗାନ୍ଧୀ ସେବା କେନ୍ଦ୍ର ଠାରେ  ସମ୍ମନ୍ବିତ ଶିଶୁ ବିକାଶ ପ୍ରକଳ୍ପ ବୋଡ଼େନ ତରଫରୁ ପଞ୍ଚାୟତ ସ୍ତରୀୟ କିଶୋରୀ ମେଳା ଅନୁଷ୍ଠିତ ହୋଇଯାଇଛି। ବୋଡ଼େନ କ୍ଳସ୍ତର ମହିଳା ସୁପର ଭାଇଜର ଅହଲ୍ୟା ଜଗତଙ୍କ ସଭାପତିତ୍ବରେ ଆୟୋଜିତ କାର୍ଯକ୍ରମ ର ମୁଖ୍ୟ ଅତିଥି ଭାବେ ବୋଡ଼େନ ସିଡିପିଓ ଶାନ୍ତା କମାର ବାରିକ,ମୁଖ୍ୟ ବକ୍ତା ଭାବେ ସ୍ଥାନୀୟ ସରପଞ୍ଚ ରଶ୍ମିତା ସିଂହ୍ନା , ଓ ସମ୍ମାନିତ ଅତିଥି ଭାବରେ ବୋଡ଼େନ ପଞ୍ଚାୟତ ର  ଅଙ୍ଗନୱାଡ଼ି କର୍ମୀ ସସ୍ମିତା ବାଗ, ଘନିତା ନାଗ , ପଙ୍କଜିନି ମାଝୀ ,ଧରିତ୍ରୀ ମାଝୀ, ନର୍ମଦା ତାଣ୍ଡି, ଛବିତା ଜଗତ ପ୍ରମୁଖ   ଉପସ୍ଥିତ ରହି  କିଶୋରୀ ଅବସ୍ଥା ର ଗୁରୁତ୍ଵ ଉପରେ ଆଲୋକପାତ କରି କିଶୋରୀ ମାନେ ଅପପୃଷ୍ଠି ର ଶିକାର ନ ହେବା ପାଇଁ ସରକାର ନେଇଥିବା ବିଭିନ୍ନ ପଦକ୍ଷେପ ଉପରେ ଆଲୋକପାତ କରିଥିଲେ । ସୁପର ଭାଇଜର ଅହଲ୍ୟା ଜଗତ  ବାଲ୍ୟ ବିବାହ ର କୁପରିଣତି ଓ ପୁଷ୍ଟିହୀନତାର ପ୍ରଭାବ  ଉପରେ ବିଭିନ୍ନ ଉଦାହରଣ ମାଧ୍ୟମରେ ଉପସ୍ଥିତ କିଶୋରୀ ମାନଙ୍କୁ ବୁଝାଇଥିଲେ ।ଏହି କାର୍ଯ୍ୟକ୍ରମ ରେ ବୋଡ଼େନ ଗ୍ରାମ ପଞ୍ଚାୟତ ର ୨୦ ଗୋଟି ଅଙ୍ଗନୱାଡ଼ି କେନ୍ଦ୍ର ଅଧିନରୁ ୧୫୦ ରୁ ଉର୍ଦ୍ଧ କିଶୋରୀ ଅଂଶ ଗ୍ରହଣ କରିଥିଲେ। ମୁଖ୍ୟ ମନ୍ତ୍ରୀ ସମ୍ପୂର୍ଣ୍ଣ ପୁଷ୍ଟି ଯୋଜନା ରେ କିଶୋରୀ ମାନଙ୍କ ସ୍ବାସ୍ଥ୍ୟ ରକ୍ଷା ପାଇଁ ମିଲୁ ଥିବା ପୁଷ୍ଟି ଯୁକ୍ତ ଖାଦ୍ୟ ଉପରେ ସୂଚନା ଦିଆଯାଉଥିଲା ।ପରେ କିଶୋରୀ ମାନଙ୍କ ମଧ୍ୟରେ ନୃତ୍ୟ ଓ ବକୃତା ପ୍ରତିଯୋଗିତା ସହ ପୁଚି ଖେଳ ପ୍ରତିଯୋଗିତା ମଧ୍ୟ ଅନୁଷ୍ଠିତ ହୋଇଥିଲା। ଅନୁଷ୍ଟିତ କାର୍ଯ୍ୟକ୍ରମରେ ଉପସ୍ଥିତ ଅତିଥି ମାନଙ୍କ ଦ୍ଵାରା  ବିଭିନ୍ନ ପତିଯୋଗିତାରେ ପ୍ରଥମ, ଦ୍ଵିତୀୟ ଓ ତୃତୀୟ ସ୍ଥାନ ହାସଲ କରିଥିବା କୃତି କିଶୋରୀ ମାନଙ୍କୁ ପୁରସ୍କାର ସହ ମାନପତ୍ର ପ୍ରଦାନ କରାଯାଇଥିଲା । ଏହି କିଶୋରୀ ମେଳା ରେ ସୁନାପୁର ପଞ୍ଚାୟତର ୨୦ ଗୋଟି ଅଙ୍ଗନୱାଡ଼ି କେନ୍ଦ୍ର ର ସମସ୍ତ ଅଙ୍ଗନୱାଡ଼ି କର୍ମୀ ଉପସ୍ଥିତ ରହି  କାର୍ଯକ୍ରମ ଟିକୁ ସରସ ସୁନ୍ଦର କରିବା ରେ ପୂର୍ଣ୍ଣ ସହଯୋଗ କରିଥିଲେ । ସସ୍ମିତା ବାଗ ମଞ୍ଚ ପରିଚାଳନା କରିଥିବା ବେଳେ ଘନୀତା ନାଗ ଧନ୍ୟବାଦ ଅର୍ପଣ କରିଥିଲେ ।