14-Jan-2024

ବଲାଙ୍ଗିର(ଚିତ୍ରସେନ ବେହେରା ): ସ୍ଥାନୀୟ କଲେଜ ଛକ୍ ସରସ୍ଵତୀ ଶିଶୁ ବିଦ୍ୟା ମନ୍ଦିରର ସଭା ଗୃହରେ ୧୪ ତାରିଖ ଅପରାହ୍ନ ରେ ଶ୍ରୀଚନ୍ଦନ ସାହିତ୍ୟ ସଂସ୍କୃତି ଏକାଡେମୀ, କଟକ ଓ ରାଜବୈଦ୍ୟ ଚିନ୍ତାମଣି ବେହେରା ସ୍ମୃତି ପରିଷଦ, ବଲାଙ୍ଗିରର ମିଳିତ ଆନୁକୂଲ୍ୟରେ କବିତା ପାଠ ଓ ସମ୍ବର୍ଦ୍ଧନା ସଭା ଅନୁଷ୍ଠିତ ହୋଇଯାଇଛି। ଡ. ଚିତ୍ତରଞ୍ଜନ ମିଶ୍ରଙ଼କ ସଭାପତିତ୍ବରେ ଅନୁଷ୍ଠିତ ସଭାରେ  ଆଶୁକବି ହେମନ୍ତ ଦାଶ ସଭା ସଞ୍ଚାଳନ କରିଥିଲେ। ମୁଖ୍ୟ ଅତିଥି ଭାବେ ଦେଓଗାଁ ଡିଗ୍ରୀ କଲେଜର ଅଧ୍ୟକ୍ଷ ରମେଶ ଚନ୍ଦ୍ର ପ୍ରଧାନୀ,  ସମ୍ମାନିତ ଅତିଥି ଭାବେ ଡ. ସୁମନ୍ତ ପାଢୀ, ଝସକେତନ ଗୁରୁ ଯୋଗ ଦେଇଥିଲେ। ଇଂରାଜୀ ପ୍ରଧ୍ୟାପକ ଦୁର୍ବାଦଳ ଘିଭେଲା ସ୍ବାଗତ ଅଭିଭାଷଣ ପ୍ରଦାନ କରିଥିଲେ। ରାଜବୈଦ୍ୟ ଚିନ୍ତାମଣି ବେହେରା ସ୍ମୃତି ପରିଷଦ ର ସଂପାଦକ କବି ନବକିଶୋର ବେହେରା ଅତିଥି ପରିଚୟ ପ୍ରଦାନ କରିଥିବାବେଳେ ପ୍ରଧ୍ୟାପକ ରଞ୍ଜନ କୁମାର ପାଣିଗ୍ରାହୀ ଧନ୍ୟବାଦ ଅର୍ପଣ କରିଥିଲେ। ସାହିତ୍ୟ ଓ କଳା କ୍ଷେତ୍ରରେ ଉଲ୍ଲେଖନୀୟ ଅବଦାନ ପାଇଁ ରାଜବୈଦ୍ଯ ଚିନ୍ତାମଣି ବେହେରା ସ୍ମୃତି ସମ୍ମାନ ପ୍ରଧାନ ଆଚାର୍ଯ୍ୟ ରବିନ୍ଦ୍ର ମିଶ୍ରଙ୍କୁ ଓ ରାଜ୍ଯ ସ୍ତରୀୟ ପ୍ରଜ୍ଞାପ୍ରାଣ ସମ୍ମାନ ଡ. ଚିତ୍ତରଞ୍ଜନ ମିଶ୍ରଙ୍କୁ ଓ ଡ. ସୁମନ୍ତ ପାଢୀଙ୍କୁ ବାଣୀପୁତ୍ର ସମ୍ମାନ ଓ ସମ୍ବାଦିକ ଫିରୋଜ କୁମାର ସାହୁଙ୍କୁ ସମ୍ବର୍ଦ୍ଧିତ କରାଯାଇଥିଲା। କବୟିତ୍ରୀ ନିରୁପମା ମିଶ୍ର ଓ କ୍ଷୀରେଶ୍ଵର ଦଳବେହେରା ସହଯୋଗ କରିଥିଲେ ।