14-Jan-2024

ବଲାଙ୍ଗୀର(ଚିତ୍ରସେନ ବେହେରା ): ଦେଓଗାଁ ବ୍ଲକ ଅର୍ଜୁନପୁର ଗ୍ରାମ ହାଇସ୍କୁଲ ପଡିଆରେ ବିକେଏମ୍‌ପି ତରଫରୁ ଫୁଟବଲ ପ୍ରତିଯୋଗିତା ଅନୁଷ୍ଠିତ ହୋଇଯାଇଛି । ଗତ ୧୦ ତାରିଖରୁ ଏହି ଫୁଟବଲ ଟୁର୍ଣ୍ଣାମେଣ୍ଟ ଆଜି ଚତୁର୍ଥ ଦିବସରେ ପହଞ୍ôଚଛି । ଆଜି ଅନୁଷ୍ଠିତ ହୋଇଥିବା ଏହି ଟୁର୍ଣ୍ଣାମେଣ୍ଟରେ ମୁଖ୍ୟ ଅତିଥି ରୂପେ ଆନ୍ତର୍ଜାତୀୟ କରାଟେ ସ୍ୱର୍ଣ୍ଣପଦକ ବିଜେତା, ଜାତିୟ ସ୍ତରୀୟ କରାଟେ କୋଚ ତଥା ରାଜ୍ୟ ସରକାରଙ୍କ ଠାରୁ ପ୍ରକୃତିମିତ୍ର ପୁରସ୍କାର ପ୍ରାପ୍ତ ଅସୀମ କୁମାର ଭୋଇ ମୁଖ୍ୟ ଅତିଥି ରୂପେ ଯୋଗଦାନ ଦେଇ ତାଙ୍କ ବକ୍ତବ୍ୟରେ କହିଛନ୍ତି ଯେ ଆଜି ଦିନରେ ରାଜ୍ୟ ସରକାର କ୍ରୀଡାର ବିକାଶ ପାଇଁ ଭିତ୍ତିଭୂମି ଯୋଗାଇ ଦେଇଛନ୍ତି ଯାହା କ୍ରୀଡାପ୍ରେମୀକୁ ଉତ୍ସାହିତ କରିବା ସଙ୍ଗେ ସଙ୍ଗେ ସମାନଙ୍କ ଭବିଷ୍ୟତ ଗଠନ କରିବାରେ ସାକାର ହୋଇଛି । ଏଥିରେ ଅନ୍ୟତମ ଅତିଥି ଭାବରେ ସରପଞ୍ଚ ପ୍ରତିନିଧି ଅଭିମନ୍ୟୁ ଛତ୍ରିଆ, ଉପଦେଷ୍ଟା କେଶର କୁଅଁର, ସମାଜସେବୀ ଭାଗବତ ପ୍ରକାଶ ସାହୁ, ଗୋପିନାଥ ନାଗ ଯୋଗ ଦେଇଥିବା ବେଳେ ହେମନ୍ତ ଦିପ, ଗୋବିନ୍ଦ ସେଠ, ପ୍ରଦୀପ ବଢିଆ, ରୋହିତ ନାଗ, ଲିକୁନ ସାହୁ, ରମେଶ ନାଏକ, ଜିବନ ଛତ୍ରିଆ ପ୍ରମୁଖ ସହଯୋଗ କରିଥିଲେ । ଆଜି କମସରା ଓ ଫାସଡ, ସମଲେଶ୍ୱରୀ କ୍ଲବ ଗଇଁନ୍ତଲା ଓ ମୁରସିଂ ମଧ୍ୟରେ ପ୍ରତିଯୋଗିତା ହୋଇଥିବା ବେଳେ ଫାସଡ ଟିମ୍ ସେମିଫାଇନାଲ କୁ ପ୍ରବେଶ କରିଥିବା ଅର୍ଗନାଇଜିଂ କମିଟି ତରଫରୁ ସୂଚନା ଦିଆଯାଇଛି ।