13-Jan-2024

ସୋନପୁର(ମନୋରଞ୍ଜନ ତ୍ରିପାଠୀ ): ଗତକାଲି ରାତି ରେ ସୋନପୁରର ପରିଚିତ ଖ୍ରୀଷ୍ଟିଆନ ପାଷ୍ଟର ପ୍ରଭାତ କୁମାର ଦିଗାଲ ( ୫୪) ଙ୍କ ପରଲୋକ ଘଟି ଥିବାରୁ ଖ୍ରୀଷ୍ଟିଆନ ସମ୍ପ୍ରଦାୟ ସମେତ ସୋନପୁର ଅଞ୍ଚଳରେ ଶୋକର ଛାୟା ଖେଳି ଯାଇଛି l ସ୍ବର୍ଗତ ଦିଗାଲ ଦୀର୍ଘ ୨୩ ବର୍ଷ ଧରି ଖ୍ରୀଷ୍ଟିଆନ ଧର୍ମ ପ୍ରଚାର ସହିତ ବୃଦ୍ଧା ଶ୍ରମ ଓ ଶିଶୁ ଶ୍ରମ ରେ ନିଷ୍ଠା ର ସହ ସେବା ଯୋଗାଇ ଆସିଥିଲେ l ଏବଂ ସ୍ଵଚ୍ଛ ଭାରତ ସଂଗଠନ, କୋଶଳ ହାଇସ୍କୁଲ ସମେତ ବିଭିନ୍ନ ସାମାଜିକ ସଂଗଠନ ରେ ସାମିଲ ରହି ଜଣେ ଶୃଙ୍ଖଳିତ ସଭ୍ୟ ଭାବେ କାର୍ଯ୍ୟ କରି ସବୁଠି ପରିଚୟ ସୃଷ୍ଟି କରି ଥିଲେ l ଜିଲ୍ଳା ପ୍ରଶାସନର ଗାନ୍ଧୀ ଜୟନ୍ତୀ ଓ ବିଭିନ୍ନ ଉତ୍ସବ ସମେତ ବେସରକାରୀ ସଂସ୍ଥା ମାନଙ୍କ ରେ ମଧ୍ଯ ଶ୍ରୀ ଦିଗାଲ ସର୍ବ ଧର୍ମ ପ୍ରାର୍ଥନା କାର୍ଯ୍ୟକ୍ରମରେ ସକ୍ରିୟ ସାମିଲ ରହି ସାରା ବିଶ୍ଵକୁ ସର୍ବ ଧର୍ମର ଏକତା ଓ ଏକ ଭାଇଚାରାର ବାର୍ତ୍ତା ପହଞ୍ଚାଇବାରେ ଉଲ୍ଲେଖନୀୟ ଭୂମିକା ରଖି ପାରିଥିଲେ l  ଗତକାଲି ପଟlଭାଡ଼ି ଚର୍ଚ୍ଚ ର ସଭାପତି ପୁର୍ଣ୍ଣ ଚନ୍ଦ୍ର ଲିମା, ସମ୍ପାଦକ ଏଲ ପ୍ରେମlନିଧି,  ରାକେଶ ନାଗ, ସରୋଜ ବାଗ, ବଲାଙ୍ଗିର ର ପlଷ୍ଟର ସିଂ, ଙ୍କ ସମେତ ପାଖ ପଡୋଶୀ ଜିଲ୍ଲା ର ଖ୍ରୀଷ୍ଟିଆନ ଓ ବିଭିନ୍ନ ଧର୍ମର ଶହ ଶହ ଲୋକେ ଯୋଗ ଦେଇ ସ୍ୱର୍ଗୀୟ ଦିଗାଲଙ୍କ ଅନ୍ତିମ୍ ଦର୍ଶନ କରିଥିଲେ l