07-Jan-2024

ବଲାଙ୍ଗୀର, ଆଜି ସ୍ଥାନୀୟ ଫରେଷ୍ଟ ନର୍ସରୀ ଠାରେ ୧୯୮୯ ପି.ପି ଏକାଡେମୀ ମେଟ୍ରିକ ବେଚ୍‌ର ଏକ ବନ୍ଧୁ ମିଳନ ଓ ବଣଭୋଜି କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି ।  ବଲାଙ୍ଗୀର ପି.ପି ଏକାଡେମୀରେ ୧୯୮୯ ରେ ମେଟ୍ରିକ ପାସ୍ କରିଥିବା ସମସ୍ତେ ବର୍ତ୍ତମାନ ୫୦ ବର୍ଷରେ ପଦାର୍ପଣ କରିଥିବାରୁ ଏହି ବଣଭୋଜିର ଏକ ସ୍ୱତନ୍ତ୍ରତା ରହିଥିଲା ଓ ଏହି କାର୍ଯ୍ୟକ୍ରମ ସମସ୍ତ ଙ୍କ ପାଇଁ ସ୍ମରଣୀୟ ହୋଇ ରହିଥିଲା ।  ୧୯୮୯ ପି.ପି

ଏକାଡେମୀ ମେଟ୍ରିକ ବେଚ୍‌ର ପ୍ରାୟ ୫୦ ଜଣ ପୂରାତନ ଛାତ୍ର ଏହି ବଣଭୋଜିରେ ଯୋଗ ଦେଇ ଭାବର ଆଦନ ପ୍ରଦାନ କରିବା ସହ ହାଇସ୍କୁଲ ଜୀବନର ପୂୁରୁଣା ରୋମାଂଚକର ସ୍ମୃତିକୁ ମନେ ପକାଇଥିଲେ । ପ୍ରାରମ୍ଭରେ ୧୯୮୯ ପି.ପି ଏକାଡେମୀ ମେଟ୍ରିକ ବେଚ୍‌ର ପୂରାତନ ଛାତ୍ର ତଥା ସୁନାମଧନ୍ୟ ଗାୟକ ଜିତୁ କୁମ୍ଭାରଙ୍କ ଅକାଳ ବିୟୋଗରେ ଏକ ମିନିଟ ନିରବ ପ୍ରାର୍ଥନା କରାଯାଇଥିଲା ।  ଏହି ଅବସରରେ ଡାଏଲୁକ ଅକେଷ୍ଟ୍ରା ଦଳ ପରିବେଷଣ କରିଥିବା ସମ୍ବଲପୁରୀ ନୃତ୍ୟରେ ପୂରାତନ ଛାତ୍ର ମାନେ ଝୁମିଥିଲେ । ପୂରାତନ ଛାତ୍ର ସୁଶୀଳ ଶତପଥୀଙ୍କ ସମ୍ବଲପୁରୀ ଭଜନ ଓ ଗୀତ ବେଶ ମନଛୁଆଁ ହୋଇଥିଲା । ବଣଭୋଜିକୁ ସଫଳ ଭାବେ ଆୟୋଜନ କରିଥିବା ଏବଂ ଦୂରଦୂରାନ୍ତରୁ ଆସିଥିବା କିଛି ପୁରାତନ ଛାତ୍ର ଯଥା ସମୀର ବିଶୋଇ,ଦାରାସିଂ ମେହେର, ଦିଲୀପ ପାଢ଼ୀ, ନିରାକାର ସାଏ, ସନତ ତ୍ରିପାଠୀ ଓ ଆଦିକନ୍ଦ ଧରୁଆଙ୍କୁୁ ମାନପତ୍ର ପ୍ରଦାନ କରି ସମ୍ବର୍ଦ୍ଧିତ କରାଯାଇଥିଲା । ଏହି ବନ୍ଧୁ ମିଳନ କାର୍ଯ୍ୟକ୍ରମରେ ୧୯୮୯ ପି.ପି ଏକାଡେମୀ ମେଟ୍ରିକ

ବେଚ୍‌ର ପ୍ରାୟ ୯ଠ ଜଣ ପୂରାତନ ଛାତ୍ର ଯୋଗ ଦେଇଥିଲେ । ଏହି ସମସ୍ତ କାର୍ଯ୍ୟକ୍ରମକୁ ପୂରାତନ ଛାତ୍ର ରିତୁରାଜ ସିଂହ ପରିଚାଳନା କରିଥିବା ବେଳେ ସନ୍ତକ ବହିଦାର, ଅନୀଲ ନନ୍ଦ, ସରଜନ ଆଚାର୍ଯ୍ୟ, କମ୍ବୁପାଣି ପୂଝାରୀ, , ଗୌରାଙ୍ଗ ବଗର୍ତ୍ତି, ରମେଶ ବେହେରା, ଅଜିତ ପଣ୍ଡା, ବାବୁ ପୂଝାରୀ, ସତ୍ୟ ରଂଜନ ମିଶ୍ର, ଶ୍ରୀମନ୍ତ ପଣ୍ଡା ଓ ଅନ୍ୟ ମାନେ ସକ୍ରିୟ ସହଯୋଗ କରିଥିଲେ ।