07-Jan-2024

ବଲାଙ୍ଗୀର,(ପ୍ରେରଣା ଖବର) ଗତକାଲି ବଲାଙ୍ଗୀର ନାଗରିକ କମିଟିର ସାଧାରଣ ପରିଷଦ ବୈଠକ ସ୍ଥାନୀୟ ଟାଉନ ବାଳିକା ଉଚ୍ଚ ବିଦ୍ୟାଳୟ ଠାରେ ଅନୁଷ୍ଠିତ ହୋଇଯାଇଛି । ନାଗରିକ କମିଟିର ସଭାପତି ଇଂ ବେଲାରସିଂ ଭୋଇଙ୍କ ସଭାପତିତ୍ୱରେ  ସାଧାରଣ ସଂପାଦକ ମନୋରଂଜନ ସାହୁ ବିଭିନ୍ନ ପ୍ରସ୍ତାବ ଆଗତ କରିଥିଲେ । ଏଥିରେ କମିଟି ତରଫରୁ ପ୍ରକାଶିତ ସ୍ମରଣିକା ଉପରେ ସମୀକ୍ଷା ହେବା ପରେ ଆସନ୍ତା ଫେବୃୟାରୀ ମାସରେ କମିଟିର ନୂତନ କର୍ମକର୍ତ୍ତା ନିର୍ବାଚନ ପାଇଁ ସର୍ବସମ୍ମତି କ୍ରମେ ନିଷ୍ପତ୍ତି ହୋଇଥିଲା । ଆଇନଜୀବୀ ଅଶୋକ ମିଶ୍ରଙ୍କୁ ନିର୍ବାଚନ ଅଧିକାରୀ ଭାବରେ ଦାୟିତ୍ୱ ଅର୍ପଣ କରାଯାଇଥିଲା ।  ଏହା ବ୍ୟତିତ ବଲାଙ୍ଗୀର ମୁନିସିପାଲିଟି ଓ ସରକାରୀ ଡାକ୍ତରଖାନାର ସମସ୍ୟା ସଂପର୍କରେ ଆଲୋଚନା ହୋଇଥିଲା । ଆଲୋଚନାରେ କମିଟିର କିଶୋର ମୋହନ ମିଶ୍ର, ଗୋପଭୂଷଣ ନାଥ, ଡ. ଶ୍ରୀକର ମିଶ୍ର, ରାହାସବିହାରୀ ମାଝୀ, ଜୟରାମ ମିଶ୍ର,  ରିତୁରାଜ ସିଂହ, ପ୍ରଶାନ୍ତ ପଟ୍ଟନାୟକ, ନରେଶ ଦାଶ, ଧର୍ମବ୍ରତ ରଥ, ପ୍ରଭାକର ମିଶ୍ର, ମନୋରଂଜନ ପୁରୋହିତ, ଗୋପବନ୍ଧୁ ପୁରୋହିତ, ଆର୍ତ୍ତତ୍ରାଣ ମିଶ୍ର, ନରେନ୍ଦ୍ର ଆଚାର୍ଯ୍ୟ, ବିଶ୍ୱନାଥ ତ୍ରିପାଠୀ ପ୍ରମୁଖ ଆଲୋଚନାରେ ଅଂଶଗ୍ରହଣ କରିଥିଲେ ।  ଅନ୍ୟାନ୍ୟ ମାନଙ୍କ ମଧ୍ୟରେ ଉପସଭାପତି ନିତ୍ୟାନନ୍ଦ ମିଶ୍ର, କୋଷାଧ୍ୟକ୍ଷ ଗଜେନ୍ଦ୍ର ଭ୍ରମର, ବିମଳ ଚୋପଦାର, ଦିବାକର ହୋତା, ସଲିମ୍ ଖାନ୍  ଓ ଲୋକନାଥ ନେପାକଙ୍କ ସହଯୋଗରେ ସହସଂପାଦକ ଚକ୍ରପାଣି ଦାଶ ଧନ୍ୟବାଦ ଅର୍ପଣ କରିଥିଲେ ।