29-Dec-2023

ଝାରସୁଗୁଡା, (ପ୍ରେରଣା ଖବର) ପ୍ରାକୃତିକପ୍ରାକୃତିକ ବିପର୍ଯ୍ୟୟ ପରିଚାଳନା ବିଭାଗ ଦ୍ଵାରା ପ୍ରାକୃତିକ ଭାବରେ ମୃତ୍ୟୁବରଣ କରୁଥିବା ବ୍ୟକ୍ତି ମାନଙ୍କୁ ସ୍ଵତନ୍ତ୍ର ରିଲିଫ୍ ପାଣ୍ଠିରୁ ତୁରନ୍ତ ରିଲିଫ୍ ପ୍ରଦାନ ଏବଂ ଉଦ୍ଧାର କାର୍ଯ୍ୟ, ବିପର୍ଯ୍ୟୟ ପରିଚାଳନା ବିଭାଗ ଦ୍ଵାରା ପ୍ରାକୃତିକ ଭାବରେ ମୃତ୍ୟୁବରଣ କରୁଥିବା ବ୍ୟକ୍ତି ମାନଙ୍କୁ ସ୍ଵତନ୍ତ୍ର ରିଲିଫ୍ ପାଣ୍ଠିରୁ ତୁରନ୍ତ ରିଲିଫ୍ ପ୍ରଦାନ ଏବଂ ଉଦ୍ଧାର କାର୍ଯ୍ୟ, ପୁନର୍ବାସ କାର୍ଯ୍ୟ ଏବଂ ବିଭିନ୍ନ ସରକାରୀ ଯୋଜନା ଅଧୀନରେ ଲୋକଙ୍କୁ ମିଳିବାକୁ ଥିବା ସହାୟତା ରାଶି ପ୍ରଦାନ କରିବା ପାଇଁ ସରକାର ଓ ଜିଲ୍ଲା ପ୍ରଶାସନ ସହିତ ସମନ୍ୱୟ ରକ୍ଷା କରି  ସରକାର ଯୋଗ୍ୟ ହିତାଧିକାରୀ ଙ୍କୁ ରିଲିଫ୍ ପ୍ରଦାନ କରିଥାଏ କିନ୍ତୁ ଅନେକ କ୍ଷେତ୍ରରେ ଜିଲ୍ଲା ପ୍ରଶାସନର ଅପାରଗତା ଯୋଗୁଁ ସରକାର ଙ୍କ ବିଭିନ୍ନ ଯୋଜନାର ଲାଭ ପାଇବାରୁ ବଞ୍ଚିତ ହୁଅନ୍ତି ହିତାଧିକାରୀ l ଝାରସୁଗୁଡ଼ା ଜିଲ୍ଲା କୋଲାବିରା ତହସିଲ୍ ଅଧିନସ୍ଥ ଝିର୍ଲାପାଳି ଗ୍ରାମ ର ୨୨ ବର୍ଷୀୟ କଳ୍ପନା ମାଝୀ ନିଆଁରେ ପୋଡ଼ି ଯାଇ ଗତ ୨୬/୦୫/୨୦୨୦ ରେ ମୃତ୍ୟୁବରଣ କରିଥିଲେ l ଲଇକେରା ପୋଲିସ ଶବ ବ୍ୟବଚ୍ଛେଦ କରି କେଶ୍ ନମ୍ବର ୧୪/୨୦ ରେ ଅପମୃତ୍ୟୁ ମାମଲା ରୁଜୁ କରିଥିଲା l ତାଙ୍କ ସ୍ଵାମୀ ପ୍ରକାଶ ମାଝୀ ଏ ବାବଦ କୁ ଫର୍ମ ପୂରଣ କରିଥିଲେ ମଧ୍ୟ ଆଜି କୁ ତିନି ବର୍ଷ ସହାୟତା ରାଶି ପାଇ ନାହାନ୍ତି l ଲଇକେରା ତହସିଲ୍ ଅଧିନସ୍ଥ ରଙ୍ଗିଆଟିକ୍ରା ଗ୍ରାମ ର ୨୩ ବର୍ଷୀୟ ଯୁବକ ମଳୟ କିଶାନ କୁ ମଧ୍ୟ ନିଆଁ ଲାଗି ଯିବାରୁ ଚିକିତ୍ସାଧୀନ ଅବସ୍ଥାରେ ବୁର୍ଲା ଡ଼ାକ୍ତରଖାନା ରେ ୨୫/୦୩/୨୦୨୧ ମୃତ୍ୟୁବରଣ କରିଥିଲେ l ବୁର୍ଲା ପୋଲିସ ଶବ ବ୍ୟବଚ୍ଛେଦ କରି କେଶ୍ ନମ୍ୱର୍ ୩୧୮/୨୧ ରେ ଅପମୃତ୍ୟୁ ମାମଲା ରୁଜୁ କରିଥିଲା l କିନ୍ତୁ ଦୀର୍ଘ ଦିନ ହେଲା ସ୍ଥାନୀୟ ଆର୍. ଆଇ ପରିଚୟ ପତ୍ର ତଥା ଅନ୍ୟ କାଗଜପତ୍ର ଦାଖଲ କରିନେଇ ଚୁପ୍ ରହି ବସିଛନ୍ତି l ଝାରସୁଗୁଡ଼ା ସହର ମୁନ୍ସିପାଳିଟି ୱାର୍ଡ ନମ୍ୱର୍ ୭ ରହୁଥିବା ସୁଶାନ୍ତ ନାଏକ ଙ୍କ ସ୍ତ୍ରୀ ୩୬ ବର୍ଷୀୟ ମମତା ପଟେଲ ଘର ଅଗଣା ସଫା କରି ଶୁଖିଲା ପତ୍ର ପୋଡୁ ଥିବା ବେଳେ ନିଆଁ ସଂସ୍ପର୍ଶରେ ଆସି  ୨୪/୦୨/୨୦୧୮ ରେ ଜିଲ୍ଲା ମୁଖ୍ୟ ଚିକିତ୍ସାଳୟ ରେ ମୃତ୍ୟୁବରଣ କରିଥିଲେ l ତାଙ୍କ ସ୍ଵାମୀ ସୁଶାନ୍ତ ନାଏକ ଜନଶୁଣାଣୀ ପୋର୍ଟାଲ ରେ ଅଭିଯୋଗ ନମ୍ୱର୍ CMO2023358152 ରେ ପଞ୍ଜିକରଣ କରିଥିଲେ ମଧ୍ୟ ସହାୟତା ରାଶି ପାଇ ନାହାନ୍ତି l ଲଖନପୁର ତହସିଲ୍ ଅନ୍ତର୍ଗତ ଝାର୍ ଗାଁର ୩୬ ବର୍ଷୀୟ ଅବିବାହିତ ଭାଗବତିଆ ପଧାନ ୨୭/୦୫/୨୦୨୩ ରେ ସାପ କାମୁଡା ରେ ମୃତ୍ୟୁବରଣ କରିଥିଲେ l ରେଙ୍ଗାଲି ଥାନା ରେ ଅପମୃତ୍ୟୁ ମାମଲା ନମ୍ୱର୍  ୦୮/୨୩ ରୁଜୁ କରିଥିଲା ରେଙ୍ଗାଲି ପୋଲିସ। ତାଙ୍କ ପରିବାର ସଦସ୍ୟ  ପ୍ରାକୃତିକ ବିପର୍ଯ୍ୟୟରେ ରିଲିଫ୍ ପାଣ୍ଠି ରେ ଆବେଦନ ପରେ ସହାୟତା ରାଶି ଆଯାଏ ମିଳିନି ସେହିପରି ୫୩ ବର୍ଷୀୟ କଳାକାର କିଶାନ୍ ବିଲ ରେ କାମ କରୁଥିବା ୦୨/୦୯/୨୦୨୩ ଅପରାହ୍ନ ୧୨ଟା ସମୟ ରେ ବିଷଧର ସାପ କାମୁଡି ଥିଲା l ଗତ ତା ପରଦିନ ବୁର୍ଲା ହସପିଟାଲ ଠାରେ ଚିକିତ୍ସାଧୀନ ଅବସ୍ଥାରେ ମୃତ୍ୟବରଣ ହୋଇଥିଲା।ପରିବାର ଲୋକେ ଆବେଦନ କରିଥିଲେ ମଧ୍ୟ ସହାୟତା ରାଶି ପାଇ ନାହାନ୍ତି। ଲଖନପୁର ତହସିଲ୍ ବାଳିଆମୁଣ୍ଡା ଗାଁ ର ୨୦ ବର୍ଷୀୟ ମହେନ୍ଦ୍ର ଓରାମ୍ ଶୌଚ ଯିବା ସମୟ ରେ ପୋଖରୀ ପାଣି ରେ ବୁଡି ପ୍ରାଣ ହରାଇ ଥିଲେ।ପରିବାର ଲୋକେ ଆବେଦନ କରି ସହାୟତା ରାଶି ର ଅପେକ୍ଷା ରେ ଅଛନ୍ତି l ପ୍ରଶାସନ ତୁରନ୍ତ ସମସ୍ତ ହିତାଧିକାରୀ ଙ୍କୁ ସହାୟତା ରାଶି ପ୍ରଦାନ କରିବାକୁ ପରିବାର ଲୋକେ ପ୍ରଶାସନ କୁ ଦାବି ଜଣାଇଥିବା ସୂଚନା ରୁ ପ୍ରକାଶ l