29-Dec-2023

ବୀରମହାରାଜପୁର, (ବିନୋଦ ପାଣ୍ଡେ): ସୁବର୍ଣ୍ଣପୁର ଜିଳ୍ଲା ଜଳ ବିଭାଜିକା ମିଶନ କାର୍ଯ୍ୟlଳୟ ତରଫରୁ ବୀରମହାରାଜପୁର ବ୍ଳକ ର ଜଟେସିଂହା ଗ୍ରା.ପ ରେ ପୁର୍ବରୁ କାଗଜ ପତ୍ରରେ କମ ଜମି କୁ ଅଧିକ କହି ବୃକ୍ଷରୋପଣ ନାମରେ ଲକ୍ଷାଧିକ ଟଙ୍କା ଚଳୁ କରିବା ପରେ ଏବେ ପୁରୁଣା ପୋଖରୀ କୁ ନୁଆ ଦର୍ଶାଯାଇ ଲକ୍ଷାଧିକ ଟଙ୍କା ଲୁଟ ହୋଇଥିବା ଅଭିଯୋଗ ହୋଇଛି । ଅଭିଯୋଗ ଅନୁସାରେ ଉକ୍ତ ପଞ୍ଚାୟତ ଅନ୍ତର୍ଗତ ଚନ୍ଦଳି  ପାହାଡ ପାଖରେ ଗତ ୨୦୨୨-୨୩ ରେ ମନରେଗା ଯୋଜନା ରୁ ଗାଁ ରେ ଏକ କ୍ଷେତ୍ର ପୋଖରୀ ପାଇଁ କୋଡ ନମ୍ବର ୨୪୨୭୦୦୨/ଆ.ଏଫ/୧୦୭୬୦୯୪୮ ରେ କାର୍ଯ୍ୟ ଅନୁମୋଦନ କରି ୨ ଲକ୍ଷ ଟଙ୍କା ମଞ୍ଜୁର କରିଥିଲେ କିନ୍ତୁ ଉକ୍ତ ସ୍ଥାନରେ ପୁର୍ବରୁ ବହୁ ପୁରୁଣା ପୋଖରୀ ଥିଲା ଉକ୍ତ ପୋଖରୀ ନିକଟରେ ଏକ ସୂଚନା ଫଳକ ଦେଇ, ତାହା ପୁଣି ଲୋକ ଙ୍କୁ ଅନ୍ଧାରରେ ରଖିବାକୁ ଭୁଲ ସୁଚନା ଦେଇ ମଞ୍ଜୁର ହୋଇଥିବା ଟଙ୍କା କୁ ଲୁଟ କରିଛନ୍ତି ବିଭାଗୀୟ କର୍ମଚାରୀ । ସୁଚନା ଥାଉ କି ଏହି ପାହାଡ ପାଖରେ ଥିବା ପୁରୁଣା ପୋଖରି କୁ ଜଳବିଭାଜିକା କାର୍ଯ୍ୟାଲୟ ତରଫରୁ ଏକ ନୁତନ ପୋଖରୀ ଖୋଲିବାକୁ ବିଭାଗ ତରଫରୁ ମନରେଗା ଯୋଜନାରୁ ଟଙ୍କା ମଞ୍ଜୁର କରିଥିଲେ । ଟଙ୍କା ମଞ୍ଜୁର ହେବା ପରେ ଜଳବିଭାଜିକା କାର୍ଯ୍ୟାଳୟ ର ବୀରମହାରାଜପୁର ଦାୟିତ୍ୱରେ ଥିବା ଓଭରସିୟର ହରେଶ କୁମାର ପଧାନ କିଛି ସ୍ଥାନୀୟ ଦଲାଲ କୁ ନେଇ ଉକ୍ତ ପୁରୁଣା ପୋଖରୀ କୁ ସମ୍ପୁର୍ଣ୍ଣ ନୁଆ ଦର୍ଶାଯାଇ ୨ ଲକ୍ଷ ଟଙ୍କାରୁ ପ୍ରାୟ ୧ଲକ୍ଷ୬୮ହଜାର ଟଙ୍କା ଲୁଟ କରିଥିବା ଜଣାଯାଇଛି । ଉକ୍ତ ପୋଖରି ନିଟରେ ଦେଇଥିବା ସୁଚନା ଫଳକରେ ୨୦୨୨-୨୩ କାମ କୁ ଭୂଲ ସୁଚନା ଦେଇ ୨୦୨୧-୨୨ ଲେଖାଯାଇଥିବା ରୁ ପୁରୁଣା ପୋଖରୀ କହି ପୋଖରୀ ଟଙ୍କା କୁ ଓଭରସିୟର ଶ୍ରୀଯୁକ୍ତ ପଧାନ ଓ ସ୍ଥାନୀୟ ଦଲାଲ ଚଳୁ କରିଥିବା ବେଳେ ଏ ନେଇ ବୀରମହାରାଜପୁର ଦାୟିତ୍ୱରେ ଥିବା ସହକାରି ଯନ୍ତ୍ରୀ ଶମ୍ଭୁ ଭୂଷଣ ଭୋଇ ଙ୍କୁ ଯୋଗାଯୋଗ କରାଯିବା ରୁ ଆମ ପାଖରେ ସେ ନେଇ ଖବର ନାହିଁ ଆପଣ ଙ୍କ ଠାରୁ ଖବର ପାଇଁ କଣ ହୋଇଛି ତଦନ୍ତ ପରେ ଜଣାପଡିବ l ପରେ ଜିଲ୍ଲା ମୁଖ୍ୟ ତଥା ବିଭାଗୀୟ ପ୍ରକଲ୍ପ ନିର୍ଦ୍ଦେଶକ ଙ୍କୁ ଯୋଗାଯୋଗ କରାଯିବା ରୁ ତାଙ୍କ ନମ୍ବର ଟି ସୁଇଚ ଅଫ ରହିଥିଲା ।  ଜିଲ୍ଲା ପ୍ରଶାସନ ଏଥିପ୍ରତି ଦୃଷ୍ଟି ଦେବା ସହ ବିହିତ ପଦକ୍ଷେପ ନେବାକୁ ଦାବି ହେଉଛି।