29-Dec-2023

 
ରେଢ଼ାଖୋଲ- ସମ୍ବଲପୁର -(ସଂଜୀବପାଣିଗ୍ରାହୀ) - ଲୋକ ମହୋତ୍ସବ 2024 ହେବାକୁ ଥିବା ବେଳେ ଆରମ୍ଭ ହୋଇଯାଇଛି ଉପଖଣ୍ଡ ସ୍ତରୀୟ ଲୋକ ମହୋତ୍ସବ କାର୍ଯ୍ୟକ୍ରମ l ଆଜି ରେଢ଼ାଖୋଲ ବ୍ଳକ ସ୍ଥିତ ରାଜୀବ ଭବନ ଠାରେ ରେଢ଼ାଖୋଲ ଉପଖଣ୍ଡ ସ୍ତରୀୟ ଲୋକ ମହୋତ୍ସବ କ୍ରମରେ ଏକ ଆଲୋଚନା ଚକ୍ର ଅନୁଷ୍ଠିତ ହୋଇଯାଇଛି l ସମ୍ବଲପୁର ଲୋକ ମହୋତ୍ସବ ର ଆଲୋଚନା ଚକ୍ର ଉପସମିତି ର ଆବାହକ  ମାହେଶ୍ୱରୀ ପ୍ରସାଦ ପାଣିଗ୍ରାହୀ ଙ୍କର ଅଧ୍ୟକ୍ଷତା ରେ ଆୟୋଜିତ ଆଲୋଚନା ଚକ୍ର ରେ ମୁଖ୍ୟଅତିଥି ଭାବରେ ରେଢ଼ାଖୋଲ ବି.ଡି.ଓ. ମନୋଜ କୁମାର ନାୟକ ଯୋଗ ଦେଇଥିବା ବେଳେ ସମ୍ମାନିତ ଅତିଥି ଭାବରେ ରେଢ଼ାଖୋଲ ବ୍ଳକ ଅଧ୍ୟକ୍ଷ ପ୍ରଦୀପ ପ୍ରଧାନ, ରେଢ଼ାଖୋଲ ବ୍ଳକ ଗ୍ରାମ ପଞ୍ଚାୟତ ଅଧିକାରୀ ପଞ୍ଚାନନ ବେହେରା ଓ ମୁଖ୍ୟ ବକ୍ତା ଭାବରେ ସଂସ୍କୃତିବିତ ସୂର୍ଯ୍ୟ ପାଣିଗ୍ରାହୀ ଯୋଗ ଦେଇଥିଲେ l ଲୋକକଳା ସଂସ୍କୃତି ର ସଂରକ୍ଷଣ ରେ ଗଣମାଧ୍ୟମ ଓ କଳାକାର ର ଭୂମିକା ଶୀର୍ଷକ ଆଲୋଚନା ଚକ୍ର ରେ ରେଢ଼ାଖୋଲ ବ୍ଳକ, ରେଢ଼ାଖୋଲ ଏନ.ଏ.ସି., ଯୁଯୁମୁରା ବ୍ଲକ, ନାକଟିଦେଉଳ ବ୍ଳକ ର କଳାକାର ଓ ସଂସ୍କୃତି ପ୍ରେମୀ ତଥା ସାମ୍ବାଦିକ ମାନେ ଯୋଗ ଦେଇଥିଲେ l
ପ୍ରାରମ୍ଭ ରେ ମାଁ ସମଲେଶ୍ୱରୀ ଙ୍କ ପ୍ରତିକୃତି ରେ ପୂଜା ଅର୍ଚନା ପରେ ଗତକାଲି ରେଢ଼ାଖୋଲ ସଡ଼କ ଦୁର୍ଘଟଣା ରେ ମୃତ୍ୟବରଣ କରିଥିବା ବ୍ୟକ୍ତି ଙ୍କର ଆତ୍ମା ର ସଦଗତି ନିମନ୍ତେ ନିରବ ପ୍ରାର୍ଥନା କରାଯାଇଥିଲା l ଆଲୋଚନା ଚକ୍ର ରେ ଆଲୋଚନା ଚକ୍ର ଉପସମିତି ର ଆବାହକ ଶ୍ରୀ ପାଣିଗ୍ରାହୀ ପ୍ରାରମ୍ଭିକ ସୂଚନା ପ୍ରଦାନ ଓ ଅତିଥି ପରିଚୟ ପ୍ରଦାନ କରି ଲୋକ ସଂସ୍କୃତି ର ସଂରକ୍ଷଣ ହେବା ବିଷୟରେ ସୂଚନା ଦେଇଥିଲେ l ମୁଖ୍ୟଅତିଥି ଶ୍ରୀ ମେହେର ଉପଖଣ୍ଡ ସ୍ତରୀୟ ଲୋକ ମହୋତ୍ସବ ଦ୍ୱାରା ସ୍ଥାନୀୟ କଳାକାର ଉପକୃତ ହେବେ ବୋଲି କହିଥିଲେ l ସମ୍ମାନିତ ଅତିଥି ବ୍ଳକ ଅଧ୍ୟକ୍ଷ ଶ୍ରୀ ପ୍ରଧାନ ଲୋକ ସଂସ୍କୃତି ଓ ଲୋକ କଳାକାର ଙ୍କର ଉନ୍ନତି ପାଇଁ ଗୁରୁତ୍ୱ ର ଆବଶ୍ୟକତା ରହିଛି ବୋଲି ମତ ରଖିଥିଲେ l
ମୁଖ୍ୟବକ୍ତା ଭାବରେ ଯୋଗଦେଇ ଶ୍ରୀ ପାଣିଗ୍ରାହୀ ଲୋକ କଳା ସଂସ୍କୃତି ର ସଂରକ୍ଷଣ ଯେଉଁ ସ୍ତରରେ ହେବାର ଆବଶ୍ୟକତା ରହିଛି ତାହା ହେଉନାହିଁ ଓ ଏହାର ସଂରକ୍ଷଣ ଓ ପ୍ରଚାର ପ୍ରସାର ରେ ଗଣମାଧ୍ୟମ ର ଭୂମିକା ରହିଛି, କଳାକାର ମାନଙ୍କର ମଧ୍ୟ ସେତିକି ଦାୟିତ୍ୱ ରହିଛି ବୋଲି କହିଥିଲେ l ସେହି ଲକ୍ଷ୍ୟ ରେ ହିଁ 1997 ମସିହା ରେ ସମ୍ବଲପୁର ଲୋକ ମହୋତ୍ସବ ଆରମ୍ଭ ହୋଇଥିଲା, ହେଲେ   ସମାଜ ର ତଳସ୍ତରରେ ଯେତିକି କାର୍ଯ୍ୟ ହେବା କଥା ହୋଇପାରିନାହିଁ l
ଆଲୋଚନା ଚକ୍ର ରେ ରେଢ଼ାଖୋଲ ର ସାମ୍ବାଦିକ ପ୍ରସନ୍ନ ପ୍ରଧାନ, ରମାକାନ୍ତ ମହାନନ୍ଦ, ସୁଶାନ୍ତ ନାଗ ତଥା ରେଢ଼ାଖୋଲ ବ୍ଳକ ବି.କେ.ଏସ.ଏସ ର ଉପସଭାପତି ଡ଼. ସାଲେଗ୍ରାମ ନାଏକ ପ୍ରମୁଖ  ଅଂଶଗ୍ରହଣ କରି ରେଢ଼ାଖୋଲ ଅଞ୍ଚଳ ର କଳାକାର ଙ୍କୁ ଗୁରୁତ୍ୱ ଦେବାର ଆବଶ୍ୟକ ରହିଛି ବୋଲି ମତ ରଖିଥିଲେ l ଶେଷରେ ସମ୍ବଲପୁର ଲୋକ ମହୋତ୍ସବ ର ଆଲୋଚନା ଚକ୍ର ଉପସମିତି ର ଯୁଗ୍ମ ଆବାହକ ଜୟକୃଷ୍ଣ ବେହେରା ଧନ୍ୟବାଦ ଅର୍ପଣ କରିଥିଲେ ଏହି ଆଲୋଚନା ଚକ୍ର ରେ ଅନ୍ୟମାନଙ୍କ ମଧ୍ୟରେ ଜିଲ୍ଲା ପରିଷଦ ସଭ୍ୟ ଶରତ କୁମାର ପ୍ରଧାନ, ବୁର୍ଡ଼l ସରପଞ୍ଚ ରାଜା ପାଳ,ସାମ୍ବାଦିକ ଦେବାନନ୍ଦ ପ୍ରଧାନ, ସୁଶାନ୍ତ କୁମାର ପ୍ରଧାନ, ଅଚ୍ୟୁତ କୁମାର ପୁରୋହିତ, ରଂଜିତ କୁମାର ଦେହୁରୀ, ଶଙ୍କର ପୃଷ୍ଟି, ରଶ୍ମି ରଞ୍ଜନ ଖଡ଼ିରତ୍ନ, ଦୁଷ୍ମନ୍ତ ପ୍ରଧାନ ଓ ଅନିଲ ପୃଷ୍ଟି ପ୍ରମୁଖ ଉପସ୍ଥିତ ଥିଲେ l