24-Dec-2023

ବୀରମହାରାଜପୁର, (ବିନୋଦ ପାଣ୍ଡେ ): ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର ବ୍ଲକ ଜଟେସିଂହା ପଞ୍ଚାୟତ ଅନ୍ତର୍ଗତ ବଡ଼ଖମାର ସ୍ଥିତ ୧୦ ତମ ଲାଲ ବାହାଦୁର କ୍ରିକେଟ କପ ଉଦଘାଟିତ ହୋଇଯାଇଛି। ଉଦଘାଟନୀ ଉତ୍ସବରେ ମୁଖ୍ୟ ଅତିଥି ଭାବେ ବ୍ଲକ ଅଧ୍ୟକ୍ଷା ଶାନ୍ତି ଲୁହା, ଜିଲ୍ଲା ଏନଆଇସିଇଟି  ଡିରେକ୍ଟ ରମଣ କୁମାର ପଧାନ ଓ ଆଶିଷ କୁମାର ସାହୁ ପ୍ରମୁଖ ସମ୍ମାନିତ ଅତିଥି ଭାବେ ଯୋଗଦେଇ ଶୁଭ ଉଦଘାଟନ କରିଥିଲେ। ଏଥିରେ ୧୬ ଗୋଟି ଦଳ ଅଂଶଗ୍ରହଣ କରିଥିବା ବେଳେ ପ୍ରଥମ ଦିବସରେ ଚନ୍ଦଲି ଓ ଲୁଦୁମୁଣ୍ଡା ମଧ୍ୟରେ ଅନୁଷ୍ଠିତ ହୋଇଥିଲା।‌ ୧୦ ଅଭର ବିନିମୟରେ  ଲୁଦୁମୁଣ୍ଡା ଉପଯୁକ୍ତ ରନ ସଂଗ୍ରହ କରି ବିଜୟୀ ହୋଇଥିଲା।‌ ଦ୍ବିତୀୟ ମ୍ୟାଚ  ଚମ୍ପାମାଲ ଓ ରକସା ମଧ୍ୟରେ ଆୟୋଜିତ ହୋଇଥିବା ବେଳେ ରକସା ଦଳ ୧୦ ଅଭର ଖେଲି ୭୩ ରନ ସଂଗ୍ରହ ବିଜୟୀ ହୋଇଥିଲା। ତୃତୀୟ ଫର୍ମାଟ ରେ ରକସା ସହ ଉଦୁମୁଣ୍ଡା ମଧ୍ୟରେ ଅନୁଷ୍ଠିତ ହୋଇଥିଲା ଏଥିରେ ଉଦୁମୁଣ୍ଡ ଦଳ ଉପଯୁକ୍ତ ରନ ସଂଗ୍ରହ କରି ସେମିଫାଇନାଲରେ ପ୍ରବେଶ କରିଥିଲା। ଏଥିରେ ସଞ୍ଜିବ ସାହୁ,ସଚ୍ଚିଦାନନ୍ଦ ମହାକୁର ଓ ପୂର୍ଣ୍ଣ ଚନ୍ଦ୍ର ନାଏକ ଖେଳ ପରିଚାଳନା କରିଥିବା ବେଳେ ଚନ୍ଦନ ବାରିକ ଓ ଦୀପକ ଭୋଇ ସ୍କୋର ଦାଇତ୍ୱ ତୁଲାଇଥିଲେ।  ଯୁବକ ସଂଘର ସଭାପତି ଆମ୍ବରୀଶ ବାରିକ ଧାରା ବିବରଣୀ ପ୍ରଦାନ କରିଥିଲେ। ଲାଲା ବାହାଦୁର ଯୁବକ ସଂଘର ସମସ୍ତ ସଦସ୍ୟ ଉପସ୍ଥିତ ରହି ସହଯୋଗ କରିଥିଲେ।