20-Dec-2023

(କେଶବ ମେହେର)                                     ପଶ୍ଚିମ ଓଡିଶା ବିକାଶ ପରିଷଦ ଅଧ୍ୟକ୍ଷ ମାନ୍ୟବର ଅସିତ ତ୍ରିପାଠୀ ଙ୍କ କେସିଙ୍ଗା ବ୍ଲକ ର ବିଭିନ୍ନ ଅଞ୍ଚଳ ପରିଦର୍ଶନ ପ୍ରଥମେ କେସିଙ୍ଗା ଗୋଶାଳା ରେ ୮ ଲକ୍ଷ ଟଙ୍କା ରେ ନବନିର୍ମିତ ଗୋଶାଳା କୋଠରୀ ଉଦ୍ଘାଟନ କରି ନୂତନ ଗୋଶାଳା କୁ ଦେଖି ଖୁସି ହୋଇ ଟଙ୍କା ର ଉପଯୁକ୍ତ ବିନିଯୋଗ ହୋଇଛି କହି ଖୁସି ପ୍ରକଟ କରିଥିଲେ। ପରେ ଅଧ୍ୟକ୍ଷ ମହୋଦୟ   କେସିଙ୍ଗା ଜଗନ୍ନାଥ ମନ୍ଦିର ପ୍ରାଙ୍ଗଣରେ ୧୯ ଲକ୍ଷ ଟଙ୍କା ନବ ନିର୍ମିତ ମୁଖ୍ୟମନ୍ତ୍ରୀ ସଭାଗୃହ (କଲ୍ୟାଣ ମଣ୍ଡପ)ଉଦ୍ଘାଟନ କରିଥିଲେ।ଏତେ କମ ପଇସା ରେ ଏତେ ସୁନ୍ଦର କଲ୍ୟାଣ ମଣ୍ଡପ ଦେଖି ପଶ୍ଚିମ ଓଡିଶା ବିକାଶ ପରିଷଦ ର ଟଙ୍କା ବିନିଯୋଗ ଉପରେ ସନ୍ତୋଷ ପ୍ରକାଶ କରିଥିଲେ।ଏହି କଲ୍ୟାଣ ମଣ୍ଡପ ରେ ସହରର ଜନସାଧାରଣ ନିଜର ପୁଅ ଝିଅ ର ବିବାହ ବ୍ରତ ରେ ଭଡ଼ା ସୂତ୍ରରେ ନେଇ ନିଜର କାର୍ଯ୍ୟକ୍ରମ ସମ୍ପାଦନ କରିପାରିବେ। ଡ ହେମସାଗର ସାହା ଙ୍କ ସଭାପିତ୍ୱରେ ଅନୁଷ୍ଟିତ ଉକ୍ତ  ଉଦ୍ଘାଟନୀ କାର୍ଯ୍ୟକ୍ରମରେ ଅନ୍ୟ ମାନଙ୍କ ମଧ୍ୟରେ ପଶ୍ଚିମ ଓଡିଶା ବିକାଶ ପରିଷଦ ର ମୂଖ୍ୟ କାର୍ଯ୍ୟନିର୍ବାହୀ ଅଧିକାରୀ ମାନ୍ୟବର ଅଜିତ ମିଶ୍ର ଓ କଳାହାଣ୍ଡି ଜିଲ୍ଲାପାଳ ପି ଅନ୍ୱେଷା ରେଡ୍ଡୀ ଓ କଳାହାଣ୍ଡି ମୂଖ୍ୟ ବିକାଶ କାର୍ଯ୍ୟନିର୍ବାହୀ ଅଧିକାରୀ ପାୱାର ସଚିନ ପ୍ରକାଶ , ପଶ୍ଚିମ ଓଡିଶା ବିକାଶ ପରିଷଦ ସଦସ୍ୟ ଅଭିନାଶ ଠାକୁର ମୂଖ୍ୟ ଅତିଥି ଭାବରେ ଯୋଗଦେଇ ଥିବା ବେଳେ,  କେସିଙ୍ଗା ବିଡ଼ିଓ ପଦ୍ମନାଭ ପୁରୋହିତ, ବିଜେଡି ବରିଷ୍ଟ ଉପ ସଭାପତି ମଣ୍ଟୁ ନାଏକ,ନଗର ପାଳ ନୃପ ରାଜ ଯାଦବ,ବ୍ଲକ୍ ଅଧ୍ୟକ୍ଷ ଚନ୍ଦନ ସେନାପତି,ଯୁବନେତା ସିଲୁ ପରିଡ଼ା,ନଗର ବିଜେଡି ସଭାପତି ରମେଶ ପଟ୍ଟନାୟକ,ସୁରେଶ ମହାନନ୍ଦ ଓ ଅନ୍ୟାନ୍ୟ ବିଜେଡି କର୍ମକର୍ତ୍ତା ପ୍ରମୁଖ ଉପସ୍ଥିତ ଥିଲେ।ମଞ୍ଚ ପରିଚାଳନା କରିଥିଲେ ଅଞ୍ଚଳ ର ସୁନାମଧନ୍ୟ ଲେଖିକା ଯାଜ୍ଞସିନି ସାହା।