12-Dec-2023

ବଲାଙ୍ଗିର (ପ୍ରେରଣା ଖବର ): ଇତି ମଧ୍ୟରେ ହାଇଦ୍ରାବାଦ୍ ସ୍ଥିତ ପ୍ରବାସୀ ପଶ୍ଚିମ ଓଡିଶା ବାସୀଙ୍କ ଅଗ୍ରଣୀ ଅନୁଷ୍ଠାନ "ଓସାକା" ହାଇଦ୍ରାବାଦ ର ବାର୍ଷିକ ସଭା ଅନୁଷ୍ଠିତ ହୋଇଯାଇଛି l ଏହି ଅବସରରେ ଆଗାମୀ ଦୁଇ ବର୍ଷ ପାଇଁ ନୂତନ କର୍ମକର୍ତ୍ତା ଚୟନ ଏବଂ  ନୂଆଁ କାର୍ୟକାରୀ କମିଟି ଗଠନ ହୋଇଥିଲା l ପୂର୍ବତନ ସଭାପତି ରାମକୃଷ୍ଣ ବାରିକ୍ ଙ୍କ ଅଧ୍ୟକ୍ଷତାରେ ଅନୁଷ୍ଠିତ ଏହି ସଭାରେ ସାଧାରଣ ସମ୍ପାଦକ ଦେବେନ୍ଦ୍ର ସାମଲ ଏବଂ ଉପ ସଭାପତି ଶଙ୍କର ସାହୁ ଅନୁଷ୍ଠାନ ର ବାର୍ଷିକ ବିବରଣୀ ପାଠ କରିଥିଲେ l ଏହି ସଭାରେ ସର୍ବସମ୍ମତି କ୍ରମେ ଓସାକା ର ସଭାପତି ଭାବେ ସୁନୀଲ କୁମାର ଗଡ଼ତ୍ୟା , ସାଧାରଣ ସମ୍ପାଦକ ଭାବେ ସନ୍ଦୀପ ପାଣିଗ୍ରାହୀ ଏବଂ ଉପ ସଭାପତି ଭାବେ ସୁଧାଂଶୁ ତ୍ରିପାଠୀ ଓ ବିଘ୍ନରାଜ ମେହେର୍ ନିଯୁକ୍ତ ହୋଇଛନ୍ତି l ଏହା ସହିତ ଇଶ୍ଵର କୁମ୍ଭାର,  ସମୀର ପାଢି,  ଜିତେନ୍ଦ୍ରିୟ ପ୍ରଧାନ,  ନୀଳାଚଳ ପ୍ରଧାନ,  ମହେଶ୍ ଦାସ,  ପ୍ରତ୍ୟୁଷ ମିଶ୍ର,  ବିଘ୍ନେଶ୍ ସାହୁ, ମନୋଜ ପ୍ରଧାନ,  ସଦାନନ୍ଦ ସାହୁ,  ସୁବ୍ରତ କ୍ଷେତି, ଭବେନ୍ଦ୍ର ପ୍ରଧାନ,  ଶଙ୍କର ସାହୁ ଏବଂ ବଳରାମ ମାଝି ମଧ୍ଯ ସର୍ବସମ୍ମତି କ୍ରମେ କାର୍ଯ୍ୟକାରିଣୀ କମିଟି ର ବିଭିନ୍ନ ପଦବୀରେ ଚୟନ ହୋଇଛନ୍ତି l

ନୂତନ ସଭାପତି ସୁନୀଲ କୁମାର ଗାଡ଼ତ୍ୟା ଓସାକା ର କାର୍ଯ୍ୟଭାର ଗ୍ରହଣ ସହ ତାଙ୍କର ସ୍ଵାଗତ ବକ୍ତବ୍ୟ ରେ ଆଗାମୀ ଦିନରେ ଓସାକା ସାଂସ୍କୃତିକ କାର୍ଯ୍ୟକ୍ରମ ସହ ପଶ୍ଚିମ ଓଡିଶା ରେ ବିଭିନ୍ନ ସଚେତନତା ମୂଳକ କାର୍ଯ୍ୟକ୍ରମ ତଥା ପଶ୍ଚିମ ଓଡିଶାର ବିଭିନ୍ନ ସଚେତନତା ମୂଳକ କାର୍ଯ୍ୟକ୍ରମ ତଥା ପଶ୍ଚିମ ଓଡିଶା ସମ୍ପର୍କିତ ଏକାଡେମୀକ ଆଲୋଚନା ଉପରେ ପ୍ରୋଗ୍ରାମ ଆୟୋଜନ କରିବାକୁ ଘୋଷଣା କରିଛନ୍ତି l ଆଗାମୀ 17  ଡିସେମ୍ବର୍ 2023 ଦିନ ହାଇଦ୍ରାବାଦରେ ପଶ୍ଚିମ ଓଡିଶାର ଏୈତିହ ଏବଂ ଉନ୍ନତି ଦିଗରେ ଆଲୋଚନା ପାଇଁ ସେମିନାର ଆୟୋଜନ କରିବାକୁ ମଧ୍ୟ ନୂଆ କମିଟି ସ୍ଥିର କରିଛନ୍ତି l ନବନିଯୁକ୍ତ ସାଧାରଣ ସମ୍ପାଦକ ସନ୍ଦୀପ ପାଣିଗ୍ରାହୀ ଶେଷ ରେ ଧନ୍ୟବାଦ୍ ଦେବା ସହ ପଶ୍ଚିମ ଓଡିଶା ର କିଛି ଗବେଷକ ଏବଂ ସଂଗଠକ ମାନଙ୍କୁ ନେଇ ପ୍ରଥମ ଥର ପାଇଁ ଆୟୋଜିତ ଏହି ସେମିନାର ର ସଫଳତା ସକାଶେ ସମସ୍ତଙ୍କର ସହଯୋଗ କାମନା କରିଛିନ୍ତି  l