12-Dec-2023

ବଲାଙ୍ଗୀର(ପ୍ରେରଣା ଖବର): ପୁଇଁତଳା ବ୍ଳକ ମହିମୁଣ୍ଡା ଉଚ୍ଚ ମାଧ୍ୟମିକ ବିଦ୍ୟାଳୟଠାରେ ଯୁବ ଓଡ଼ିଶା ନବୀନ ଓଡ଼ିଶା ୨୦୨୩-୨୪ କାର୍ଯକ୍ରମ ଉଦଯାପିତ ହୋଇଯାଇଛି । ଦୀର୍ଘ ୮ ଦିନ ଧରି ଚାଲିଥିବା ଏହି କାର୍ଯକ୍ରମରେ ସାଂସ୍କୃତିକ, କ୍ରୀଡା, ସାମାଜିକ

ସଚେତନତା ପରି ବିଭିନ୍ନ କାର୍ଯକ୍ରମ ମହିମୁଣ୍ଡା ମାଧ୍ୟମିକ ବିଦ୍ୟାଳୟ ତରଫରୁ ଉଭୟ ଅନୁଷ୍ଠାନ ଏବଂ ପାଖ ଗାଁ ସିରାବାହାଲ, ମହିମୁଣ୍ଡା, ଡାହିମାଲରେ ଅନୁଷ୍ଠିତ ହୋଇଥିଲା । ବିଭିନ୍ନ ଦିନରେ ଅଞ୍ଚଳର ବୁଦ୍ଧିଜୀବୀ, ଶିକ୍ଷାବିତ ତଥା ଜନପ୍ରତିନିଧି ସରପଞ୍ଚ, ସମିତି ସଭ୍ୟ, ଜିଲ୍ଲା ପରିଷଦ, ବ୍ଲକ ଅଧ୍ୟକ୍ଷ ଯୋଗଦାନ କରି ଛାତ୍ରଛାତ୍ରୀଙ୍କୁ ଉତ୍ସାହିତ କରିବା ସହ ଅଞ୍ଚଳର ଶିକ୍ଷା ତଥା ଯୁବ ଓଡ଼ିଶା ନବୀନ ଓଡ଼ିଶା କାର୍ଯକ୍ରମର ମହତ୍ତ୍ଵ ଉପରେ ଆଲୋକପାତ କରିଥିଲେ । ଉଦଯାପନୀ ଉତ୍ସବରେ ବ୍ଲକ ଅଧ୍ୟକ୍ଷ ସରୋଜ ପଧାନ ଯୋଗ ଦେଇ ଶିକ୍ଷା ଉପରେ ଆଲୋକପାତ କରିବା ସହ ଉତ୍ତମ ମଣିଷ ହେବା ପାଇଁ ଛାତ୍ରଛାତ୍ରୀଙ୍କୁ ଶପଥ ପାଠ କରାଇ ଥିଲେ । ଅନ୍ୟତମ ସମ୍ମାନିତ ଅଥିତି ସରପଂଚ ଶ୍ରୀମତୀ ରଞ୍ଜିତା ଭୋଇ ସାମ୍ପ୍ରତିକ ସମାଜରେ ନାରୀର ଭୂମିକା ଉପରେ ମତବ୍ୟକ୍ତ କରିଥିଲେ । ଅନୁଷ୍ଠାନର ଅଧ୍ୟକ୍ଷ ଦୁର୍ଯୋଧନ ପ୍ରଧାନ ଏହି କାର୍ଯକ୍ରମର ଉଦ୍ଦେଶ୍ୟ କହିବା ସହ ଛାତ୍ରଛାତ୍ରୀମାନଙ୍କ ଭିତରେ ଥିବା ବିଭିନ୍ନ ପ୍ରତିଭାର ଖୁବ୍ ପ୍ରଶଂସା କରିଥିଲେ । ଅନୁଷ୍ଠାନର ନୋଡାଲ ଅଫିସର ଡ. ଜଗନ୍ନାଥ ସାହୁ ବିବରଣୀ ପାଠ

କରିଥିଲେ । କୃତୀ ପ୍ରତିଯୋଗୀଙ୍କୁ ପୁରସ୍କାର ଓ ମେଡାଲ ପ୍ରଦାନ କରାଯାଇଥିଲା ।ଏହି ଅନୁଷ୍ଠାନର ସମସ୍ତ କର୍ମଚାରୀ ତଥା ଛାତ୍ରଛାତ୍ରୀମାନଙ୍କ ପରିଶ୍ରମରେ କାର୍ଯକ୍ରମ ସଫଳ ହୋଇଥିବା ହେତୁ ସମସ୍ତେ ଖୁସି ବ୍ୟକ୍ତ କରିଥିଲେ । ଶେଷରେ ଅଧ୍ୟାପକ ସରୋଜ ବିଶି ଧନ୍ୟବାଦ ଜ୍ଞାପନ କରିଥିଲେ ।