10-Dec-2023

ଉଲୁଣ୍ଡା (ଗୌର ଚନ୍ଦ୍ର ପରିଛା): ଓଡିଶା ସରକାରଙ୍କର ବିଦ୍ୟାଳୟ ଓ ଗଣଶିକ୍ଷା ବିଭାଗ  ପ୍ରାୟୋଜିତ ସମନ୍ୱିତ ଯୁବ ବିକାଶ କାର୍ୟକ୍ରମ (ନୂଆ-ଓ) ର ସାହିତ୍ୟିକ ଓ ସାଂସ୍କ୍ରୁତିକ କାର୍ଯ୍ୟ ର ଅଦ୍ୟ ତା-୯.୧୨ .୨୩ ରିଖ ଶନିବାର ଦିନ ଉଲୁଣ୍ଡା ବ୍ଲକ୍  ର ସତ୍ୟବାଦୀ ଜୁନିଅର୍  କଲେଜ  ପରିସର ରେ ବିଭିନ୍ନ କାର୍ୟକ୍ରମର ଆୟୋଜନ କରାଯାଇଛି।ଏହି କ୍ରମରେ  ସର୍ବ

ପ୍ରଥମେ ଫାଷ୍ଟ ଏଡ୍ ଟ୍ରେନର୍ ତଥା ଅଧ୍ୟାପକ ଉଦ୍ଧବ ପଧାନ ଅନୁଷ୍ଠାନର ରେଡ୍ କ୍ରସ୍ କାଉନ୍ ସେଲର୍ ଶ୍ରୀଯୁକ୍ତ କିଶୋର୍ କୁମାର୍ ସାହୁ ଙ୍କ ସହଯୋଗରେ କୈାଣସି ଜରୁରିକାଳିନ ପରିସ୍ଥିତିରେ କିପରି ପ୍ରାଥମିକ ସହାୟତା ଯୋଗାଇ ଦିଆ ଯାଇପାରିବ ଶିକ୍ଷାର୍ଥୀ ମାନଙ୍କୁ ବିଭିନ୍ନ କୌଶଳ ଶିଖାଇ ଥିଲେ।

ପରବର୍ତ୍ତି ସମୟରେ ଛାତ୍ରଛାତ୍ରୀ ମାନଙ୍କ ମଧ୍ୟରେ ରଙ୍ଗୋଲି ,କବିତା ଆବ୍ରୁତ୍ତି ଓ ଫଟୋଗ୍ରାଫି ପ୍ରତିଯୋଗିତା ଅନୁଷ୍ଠିତ ହେଇଥିଲା।ଉକ୍ତ ସଭାରେ ପୈାରୋହିତ୍ୟ କରି ଅଧ୍ୟକ୍ଷ ଶ୍ରୀଯୁକ୍ତ ଶ୍ରୀକାନ୍ତ ପଧାନ ପ୍ରକ୍ରୁତି,ସମାଜ,ସମସ୍ୟା ସହ ମନସ୍ଥ ହେବାହିଁ ସୁସାହିତ୍ୟ ସ୍ରୁଷ୍ଟି କରେ ବୋଲି କହିଥିଲେ।ଅତିଥି ଭାବରେ ସୁସାହିତ୍ୟିକ ଶ୍ରୀଯୁକ୍ତ ଅକ୍ରୁର ହୋତା,କେନ୍ଦ୍ର ସାହିତ୍ୟ ଏକାଡେମି ଓ ଓଡିଶା ସାହିତ୍ୟ ଏକାଡେମି ପୁରସ୍କାରପ୍ରାପ୍ତ ଶ୍ରୀଯୁକ୍ତ ନରେନ୍ଦ୍ର କୁମାର ଭୋଇ,ଯୁବ ଗାଳ୍ପିକ ତଥା କବି ଶ୍ରୀଯୁକ୍ତ ଅବକାଶ ପ୍ରଧାନ ନିଜ ବକ୍ତବ୍ୟରେ ଦାରିଦ୍ର୍ୟ ଓ ପରିସ୍ଥିତି କେବେ ସଫଳତାକୁ ଛୁଇଁବାରେ ବାଧା ସ୍ରୁଷ୍ଟି କରି ପାରେ ନାହିଁ ଏବଂ ଗୁରୁମାନଙ୍କ ମାର୍ଗଦର୍ଶନରେ ଜୀବନକୁ ସରସ ସୁନ୍ଦର ଓ ଉଜ୍ୱଳ କରିବାକୁ ପରାମର୍ଶ ଦେଇଥିଲେ।ସଭା ପରେ ଛାତ୍ରଛାତ୍ରୀ ମାନେ ସ୍ୱରଚିତ କବିତା ଆବ୍ରୁତ୍ତି କରିଥିଲେ।ସଭାକୁ ଅଧ୍ୟାପିକା ଦେବଯାନୀ ମେଶୁଆ ପରିଚାଳନା କରିଥିବା ବେଳେ ଅଧ୍ୟାପକ କିଶୋର ସାହୁ ଧନ୍ୟବାଦ ଅର୍ପଣ କରିଥିଲେ।କାର୍ୟକ୍ରମକୁ ସଫଳ କରିବାରେ ଅନୁଷ୍ଠାନର ସମସ୍ତ କର୍ମଚାରୀ ସହଯୋଗ କରିଥିଲେ।