08-Dec-2023

ବୀରମହାରାଜପୁର, (ବିନୋଦ ପାଣ୍ଡେ ): ବୀରମହାରାଜପୁର ବ୍ଲକ ଅନ୍ତର୍ଗତ ସୁବଳୟା ସ୍ଥିତ  ସରସ୍ବତୀ ଶିଶୁ ବିଦ୍ୟା ମନ୍ଦିର  ଠାରେ ୨୫ ତମ ବାର୍ଷିକ କ୍ରୀଡା ଉତ୍ସବ ଶୁକ୍ରବାର ଅନୁଷ୍ଠିତ ହୋଇ ଯାଇଅଛି। ଉକ୍ତ ଉତ୍ସବରେ  ବିଦ୍ୟାଳୟର ଖେଳ ଶିକ୍ଷକ  ପ୍ରଦୀପ କୁମାର ମହାନନ୍ଦ ମୁଖ୍ୟ ଅତିଥି ଭାବେ ଯୋଗଦେଇ  ଶୁଭାରମ୍ଭ କରିଥିଲେ। ବିଦ୍ୟାଳୟ ର ସଭାପତି  ଅନ୍ତର୍ଯ୍ୟାମୀ ରଥ, ଉପ ସଭାପତି  ଚନ୍ଦ୍ରମଣି ବାଘ ଶିକ୍ଷା କ୍ଷେତ୍ର ରେ ଖେଳ ର ଉପାଦେୟତା ଉପରେ ଗୁରୁତ୍ୱ ପ୍ରତିପାଦନ କରିଥିଲେ। ବିଦ୍ୟାଳୟର ପ୍ରଧାନ ଆଚାର୍ଯ୍ୟ  ବଳରାମ ପୂଜାରୀ ଅତିଥି  ପରିଚୟ ପ୍ରଦାନ କରିଥିବା ବେଳେ ଶାରୀରିକ ପ୍ରମୁଖ  ଗୋବିନ୍ଦ ହାତୀ ଖେଳ ପରିଚାଳନା ସହିତ ବୃତ୍ତ କଥନ କରିଥିଲେ। ସମାରୋପ କାର୍ଯ୍ୟକ୍ରମ ରେ ସ୍ଥାନୀୟ ସୁବଳୟା ଗ୍ରାମ ପଞ୍ଚାୟତର ସରପଞ୍ଚ  ପ୍ରମୋଦ କୁମାର ମହାପାତ୍ର ଯୋଗୋଦନ କରି ଖେଳାଳୀ ମାନଙ୍କୁ ପୁରସ୍କାର ବିତରଣ କରି ଉତ୍ସାହ ସୃଷ୍ଟି କରିଥିଲେ। ଶିଶୁ ବାଟିକା ପ୍ରମୁଖ  ସୁକାନ୍ତ କୁମାର ପୁରୋହିତ ବାଟିକା ବିଭାଗ ରେ ବେଲୁନ ଫଟା , ବେଙ୍ଗ ଡିଆଁ ଆଦି ଖେଳ ପରିଚାଳନା କରିଥିବା ବେଳେ ବିଦ୍ୟାଳୟ ର ସମସ୍ତ ଗୁରୁଜୀ ଗୁରୁମା, ବାହନ ଚାଳକ, ମାଉସୀ ମାନେ ସହଯୋଗ କରିଥିଲେ। ଚଳିତ ବର୍ଷର ଶ୍ରେଷ୍ଠ ଖେଳାଳୀ ଭାବରେ ,  ଶିବାଶିଷ ରଥ  ଓ ଆକାଶ କର୍ମୀ  ସ୍ଵତନ୍ତ୍ର ପୁରସ୍କାର ପ୍ରାପ୍ତ କରିଥିଲେ।