02-Dec-2023

ବଲାଙ୍ଗୀର(ପ୍ରେରଣା ଖବର ): ଆଜି ବଲାଙ୍ଗିର ନାଗରିକ କମିଟି ପକ୍ଷରୁ ସାଧାରଣ ସଭା ଓ ସ୍ମରଣିକା ଉନ୍ମୋଚନ ଉତ୍ସବ ଅନୁଷ୍ଠିତ ହୋଇଯାଇଛି l ସ୍ଥାନୀୟ ଟାଉନ୍ ବାଳିକା ଉଚ୍ଚ ବିଦ୍ୟାଳୟ ପରିସରରେ କମିଟିର ସଭାପତି ଇଂ.ବେଲାର ସିଂ ଭୋଇଙ୍କ ସଭାପତିତ୍ଵରେ ଅନୁଷ୍ଠିତ ଏହି ଉତ୍ସବରେ ମୁଖ୍ୟ ଅତିଥି ଭାବେ ଶିକ୍ଷାବିତ୍ ଶ୍ରୀକାନ୍ତ ଚାଟାର୍ଜୀ ଯୋଗ ଦେଇ ତ୍ୟାଗ,ପରିଶ୍ରମ, ବଳରେ ସାଧାରଣ ମଣିଷ ଅସାଧାରଣ ପ୍ରତିଭା ର ଅଧିକାରୀ ହୋଇ ପାରେ ବୋଲି କହିଥିଲେ l
 

ବରେଣ୍ୟ ଅତିଥି ଭାବରେ ପ୍ରଫେସର ମଧୁସୂଦନ ପତି 
ନାଗରିକ କମିଟି ବହୁତ କିଛି କରିପାରିବ, କେବଳ ନିଜର ପାରଦର୍ଶିତା ଓ ଦକ୍ଷତା ଉପରେ ବିଶ୍ବାସ ରଖିବାକୁ ପଡିବ ବୋଲି କହିଥିଲେ l ଅନ୍ୟତମ ଅତିଥି ଭାବେ ପଦ୍ମଶ୍ରୀ ବିଦ୍ୟା ବାଚସ୍ପତି ଶ୍ରୀନିବାସ ଉଦ୍ ଗାତା ଯୋଗ ଦେଇ ନିଜର ଅଭିଭାଷଣ ପ୍ରଦାନ କରିଥିଲେ l କମିଟି ର ସମ୍ପାଦକ ମନୋରଞ୍ଜନ ସାହୁ ଅତିଥି ପରିଚୟ ପ୍ରଦାନ ସହ ସଭାକୁ ସଂଯୋଜନା କରିଥିଲେ l ପ୍ରାରମ୍ଭରେ ଗୋପଭୂଷଣ ନାଥ ସ୍ଵାଗତ ଭାଷଣ ଦେଇଥିଲେ l ଏହି ଅବସରରେ ନାଗରିକ କମିଟି ପକ୍ଷରୁ ଏକ ସ୍ମରଣିକା ସୌରଭ ଉନ୍ମୋଚିତ ହୋଇଥିଲା l ପୁସ୍ତକ ସମ୍ପର୍କରେ ସାମ୍ବାଦିକ ରଘୁ ନନ୍ଦନ ସିଂହ ସମୀକ୍ଷା କରିଥିଲେ l ସ୍ମରଣିକା କମିଟି ମୁଖ୍ୟ ପ୍ରମେୟ ଦୈନିକ ଖବର କାଗଜ ର କେବିକେ ସଂସ୍କରଣ ମୁଖ୍ୟ ଅଖିଳ ଚନ୍ଦ୍ର ହୋତାଙ୍କୁ ସମ୍ବର୍ଦ୍ଧିତ କରାଯାଇଥିଲା l ସମାଜର ବିଭିନ୍ନ୍ କ୍ଷେତ୍ରରେ ଉଲ୍ଲେଖନୀୟ ଅବଦାନ ପାଇଁ ପଦ୍ମଶ୍ରୀ ବିଦ୍ୟା ବାଚସ୍ପତି

ଶ୍ରୀନିବାସ ଉଦ୍ ଗାତା, ଖତୁ ଭରାସାଗର ଓ ରମେଶ ପୋଢ଼ ଙ୍କୁ ଉପାୟନ ଓ ମାନପତ୍ର ପ୍ରଦାନ ପୂର୍ବକ ସମ୍ବର୍ଦ୍ଧିତ କରାଯାଇଥିଲା l ନନ୍ଦିନୀ ସାହୁ ମାନପତ୍ର ପାଠ କରିଥିଲେ l
ଶେଷରେ ଆଇନଜୀବୀ ଜୟରାମ ମିଶ୍ର ଧନ୍ୟବାଦ ଅର୍ପଣ କରିଥିଲେ l ଏହି ବୈଠକ ରେ ସହରର ବହୁ ବୁଦ୍ଧିଜୀବୀ ଓ ସଚେତନ ନାଗରିକ ଯୋଗ ଦେଇଥିଲେ l