02-Dec-2023

ବଲାଙ୍ଗିର ( ପ୍ରେରଣା ଖବର ) :  ବଲାଙ୍ଗିର ଜିଲ୍ଲା ସଇଁନ୍ତଲା ବ୍ଲକ ଅନ୍ତର୍ଗତ ଡେଙ୍ଗ ସ୍ଥିତ ସରକାରୀ  ଉନ୍ନୀତ ଉଚ୍ଚ ବିଦ୍ୟାଳୟର ଜୁନିୟର ରେଡକ୍ରସ ୟୁନିଟ ତରଫରୁ ବିଶ୍ୱ ଏଡ୍‌ସ ଦିବସ ପାଳିତ ହୋଇଯାଇଛି । ବିଦ୍ୟାଳୟର ପ୍ରଧାନଶିକ୍ଷକ ଚାଣ୍ଡାଳ ମିଶ୍ରଙ୍କର ଅଧ୍ୟକ୍ଷତାରେ ହୋଇଥିବା ସଚେତନ ସଭାରେ କାର୍ଯ୍ୟକ୍ରମକୁ ଜୁନିୟର  ରେଡକ୍ରସ କାଉନସେଲର ରାମ ନାରାୟଣ ଦାଶ ସଂଯୋଜନା କରିଥିଲେ ।

ବିଜ୍ଞାନ ଶିକ୍ଷକ କୃପାସିନ୍ଧୁ ମିଶ୍ର ଓ ଲିଙ୍ଗରାଜ ନନ୍ଦ  ଚଳିତ ବର୍ଷର ବିଶ୍ବ ଏଡସ୍ ଦିବସ ର ବାର୍ତ୍ତା  " ଗୋଷ୍ଠୀ ସମୂହକୁ ନେତୃତ୍ଵ ଦିଅ" କହିବା ସହ ସଞ୍ଜମ ପୂର୍ଣ୍ଣ ଜୀବନଶୈଳୀ ଦ୍ବାରା ଏଡ଼ସ ନିରାକରଣ ସମ୍ଭବ ବୋଲି ମତ ଦେଇଥିଲେ।  ଏହି ଉପଲକ୍ଷେ ଅନୁଷ୍ଠିତ ପ୍ରବନ୍ଧ, ବକ୍ତୃତା, ପୋଷ୍ଟର ଓ ସାଧାରଣ ଜ୍ଞାନ ପ୍ରତିଯୋଗିତାର କୃତୀ ଛାତ୍ର ଛାତ୍ରୀ ମାମୁନି ପ୍ରଧାନ, ସୁପ୍ରିୟା ରାଣା , ସୋରଭ ବାରିକ, ଆଲୋକ ସୁଲିଆ, ଜୟନ୍ତ ରଣା ଏବଂ ପ୍ରିୟଙ୍କା ସାଗରଙ୍କୁ ପୁରସ୍କାର ପ୍ରଦାନ କରା ଯାଇଥିଲା ।

କାର୍ଯ୍ୟକ୍ରମରେ ଶିକ୍ଷକ ସମୀର ସେଠୀ, ହିମାଂଶୁ ଶେଖର ବିଶ୍ୱାଲ, ଦୀପକସେନ ଧରୁଆ,  ଶିକ୍ଷୟିତ୍ରୀ କାନ୍ତି୍  ଭୋଇ, ଦ୍ରୋପଦୀ ଭୋଇ ତଥା ଛାତ୍ରଛାତ୍ରୀ ଉପସ୍ଥିତ ଥିଲେ । କାର୍ଯ୍ୟକ୍ରମକୁ ଶିକ୍ଷୟିତ୍ରୀ  ରେଣୁକା ସାହୁ ପରିଚାଳନା କରିଥିଲା ବେଳେ ଶିକ୍ଷକ ସୁଦର୍ଶନ ଦାଶ ଧନ୍ୟବାଦ ଅର୍ପଣ କରିଥିଲେ ।