27-Nov-2023

ବଲାଙ୍ଗିର(ପ୍ରେରଣା ଖବର) ସ୍ୱାସ୍ଥ୍ୟ ବିଭାଗରେ କାର୍ଯ୍ୟରତ ପୁରୁଷ ଓ ମହିଳା ସ୍ୱାସ୍ଥ୍ୟ କର୍ମୀ ମାନଙ୍କର ଦାବି ମୁତାବକ କ୍ୟାଡର ପୁନଃର୍ଗଠନ ହୋଇଥିବାରୁ ବଲାଙ୍ଗୀର ଜିଲ୍ଲାରେ ଖୁସିର ଲହରୀ ଖେଳିଯାଇଛି ।

ବହୁ ଦିନର ଦାବିକୁ ସରକାର ପୂରଣ କରିଥିବାରୁ ରାଜ୍ୟ ବହୁମୁଖୀ ପୁରୁଷ ଓ ମହିଳା ସ୍ୱାସ୍ଥ୍ୟ କର୍ମୀ ସଂଘ, ବଲାଙ୍ଗୀର ଶାଖା ତରଫରୁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ, ୫-ଟି ସଚିବ ଭି.କେ ପାଣ୍ଡିଆନ ଓ ସ୍ୱାସ୍ଥ୍ୟ ସଚିବ ସାଲିନି ପଣ୍ଡତ ପ୍ରମୁଖଙ୍କୁ ଧନ୍ୟବାଦ ଜ୍ଞାପନ କରାଯାଇଛି । ସ୍ୱାସ୍ଥ୍ୟ କର୍ମୀ ମାନଙ୍କୁ କ୍ୟାଡର ୫ ରୁ ୧୨ ପର୍ଯ୍ୟନ୍ତ ଅର୍ଥାତ ସହକାରୀ ନିର୍ଦ୍ଦେଶକ ପଦବୀ ପର୍ଯ୍ୟନ୍ତ ପଦୋନ୍ନତି ରହିଛି । ସଂଗଠନ ତରଫରୁ ଏଥି ପାଇଁ ଅନେକ ଥର ଆନ୍ଦୋଳନ ହେଲା ପରେ ସରକାର ବର୍ତ୍ତମାନ ଏହି ଦାବିକୁ ପୂରଣ କରିଥିବାରୁ ଓଡ଼ିଶା ରାଜ୍ୟ ବହୁମୁଖୀ ପୁରୁଷ ଓ ମହିଳା ସ୍ୱାସ୍ଥ୍ୟ କର୍ମୀ ସଂଘ, ବଲାଙ୍ଗୀର ଶାଖା ତରଫରୁ ସରକାରଙ୍କୁ କୃତଜ୍ଞତା ଜ୍ଞାପନ କରାଯାଇଛି । ଦାବି ପୂରଣ ଦିଗରେ ରାଜ୍ୟ ସରକାର ଆନ୍ତରିକତା ପ୍ରଦର୍ଶନ କରିଥିବାରୁ ବଲାଙ୍ଗୀର ଶାଖାର ପ୍ରକାଶ ତାଣ୍ଡି, ସବିତା ପଣ୍ଡା, ପରିକ୍ଷୀତ ବେଜ୍ ସସ୍ମିତା ଶତପଥୀ, ରୀନା ମିଶ୍ର, କମଳିନୀ ଭଞ୍ଜ, ଗୋବିନ୍ଦ ବଲ୍ଲଭ ସାହୁ, ଦେବାଂଶୁ ମିଶ୍ର, ମହେନ୍ଦ୍ର କରନ୍‌, ସୁନୀତା ଷଡଙ୍ଗୀ, ବନୀତା ରାଜହଂସ, ରିଷଭ କୁମ୍ଭାର, ଅଶୋକ ସାହୁ, ଅଜିତ ତ୍ରିପାଠୀ, ବୀରେନ୍ଦ୍ର ବିଶି, ଦେବେଶ ରାଉତ, ବୈଷ୍ଣବ ପାଣିଗ୍ରାହୀ, ତୋପ୍ରସନ୍ନ ସାହୁ, ପ୍ରସନ୍ନ ମେହେର ପ୍ରମୁଖ ରାଜ୍ଯ ସରକାରଙ୍କୁ କୃତଜ୍ଞତା ଜ୍ଞାପନ କରିଛନ୍ତି ।