25-Nov-2023

ସୁବର୍ଣ୍ଣପୁର (ମନୋରଞ୍ଜନ ତ୍ରିପାଠୀ)
ସୁବର୍ଣ୍ଣପୁର ଜିଲ୍ଲା ଘରୋଇ ବିଦ୍ୟାଳୟ ସଙ୍ଘ ତରଫରୁ ସ୍ଥାନୀୟ ରୟାଲ ପଡିଆଠାରେ ଏକ କବାଡି ଖେଳ ପ୍ରତିଯୋଗିତା ଅନୁଷ୍ଠିତ ହୋଇଥିଲା | ଉକ୍ତ ଖେଳର ପ୍ରାରମ୍ଭରେ ସୋନପୁର ଜିଲ୍ଲା ଶାରୀରିକ ଶିକ୍ଷା ନିରୀକ୍ଷକ ଶ୍ରୀଯୁକ୍ତ ସତ୍ୟନାରାୟଣ ତ୍ରିପାଠୀ ମୁଖ୍ୟ ଅତିଥି ଭାବରେ ଯୋଗଦେଇଥିବା ବେଳେ ସମ୍ମାନିତ ଅତିଥି ଭାବରେ ବିଶିଷ୍ଟ ସମାଜ ସେବି ଶ୍ରୀଯୁକ୍ତ ଶ୍ରୀବତ୍ସ ମଲ୍ଲିକ ସଙ୍ଘର ସମ୍ପାଦକ ଶିବ ପ୍ରସାଦ ପାତ୍ର ଯୋଗଦେଇ କାର୍ଯ୍ୟକ୍ରମ ଶୁଭାରମ୍ଭ କରିଥିଲେ | ତା ପରେ ଭିଭିନ୍ନ ବିଦ୍ୟାଳୟରୁ ଆସିଥିବା କବାଡି କୋଚ ମାନ ଖେଳ କରିଥିଲେ | ସର୍ବମୋଟ 8ଟି ବିଦ୍ୟାଳୟ ଏହି ଖେଳରେ ଭାଗ ନେଇଥିଲେ | ସେମି ଫାଇନାଲ ରେ କୋଶଳ ଉଚ୍ଚ ବିଦ୍ୟାଳୟ, ସାହାରା ଟ୍ରଷ୍ଟ ବିଦ୍ୟାଳୟ, ସାଇକୃପା ଶିକ୍ଷା ନିକେତନ ଓ ବିଶ୍ବ ଭାରତୀ ବିଦ୍ୟାଳୟ ହୋଇଥିବା ବେଳେ ଫାଇନାଲ ରେ ସାହାରା ଟ୍ରଷ୍ଟ ଉଚ୍ଚ ବିଦ୍ୟାଳୟ ରନର ହୋଇଥିଲେ ଓ ସାଇକୃପା ଶିକ୍ଷା ନିକେତନ ବିଜେତା ହୋଇଥିଲେ | ସମସ୍ତ ବିଦ୍ୟାଳୟ ପ୍ରତିଭାଗୀଙ୍କୁ ପୁରସ୍କାର ପ୍ରଦାନ କରିବା ସହ ବିଜେତା ବିଦ୍ୟାଳୟମାନଙ୍କୁ ମୁଖ୍ୟ ଅତିଥିଙ୍କ ଦ୍ୱାରା ଟ୍ରଫି ପ୍ରଦାନ କରାଯାଇଥିଲା |ଏହି ଖେଳକୁ ପରିଚାଳନା କରିବା ପାଇଁ ସୁବର୍ଣ୍ଣପୁର ଶିକ୍ଷା ଅଧିକାରୀଙ୍କ ନିର୍ଦ୍ଧେଶ କ୍ରମେ 7ଜଣ ଅଫିସିଆଲ  କଲିମ ମହମ୍ମଦ, ସନ୍ଧ୍ୟାରାଣୀ ଖେତୀ, ଯଶୋବନ୍ତ ପୁଟେଲ,ସୁକାନ୍ତ ବାଘ, ଡୋଲମଣୀ ପଧାନ, ସୁଜାତା ସାହୁ,ଶତ୍ରୁଘନ କର୍ମୀ ଉପସ୍ଥିତ ରହି ଖେଳ କରାଇଥିଲେ | ଖେଳ ପରେ ଉଦଯାପନୀ ସଭା ଅନୁଷ୍ଠିତ ହୋଇଥିଲା ଏହି ଉଦଯାପନୀ ସଭାରେ ସୁବର୍ଣ୍ଣପୁର ଆରକ୍ଷୀ ଅଧିକାରୀ ମାନନୀୟ ଶ୍ରୀଯୁକ୍ତ ଅମରେଶ ପଣ୍ଡା ଯୋଗଦେଇ ଖେଳରେ ମହତ୍ୱ ବିଷୟରେ କହିଥିଲେ | ଠିକ ସେହିପରି ସମ୍ମାନିତ ଅତିଥି ଭାବରେ ପୂର୍ବତନ ଶାରୀରିକ ଶିକ୍ଷା ନିରୀକ୍ଷକ ଶ୍ରୀଯୁକ୍ତ ଦୁର୍ୟୋଧନ ରାଉତ ମଧ୍ୟ ଉପସ୍ଥିତ ରହି ବେସରକାରୀ ବିଦ୍ୟାଳୟର ପ୍ରଚେଷ୍ଟାକୁ ଭୁରି ଭୁରି ପ୍ରଶଂସା କରିଥିଲେ | ସଙ୍ଘର ସଭାପତି ଶ୍ରୀଯୁକ୍ତ ଗତିକୃଷ୍ଣ ମିଶ୍ର ବୃତ୍ତ ପଠନ କରିବା ସହ ଉଦ୍ଧେଶ୍ୟ ଉପସ୍ଥାପନା କରିଥିଲେ | ଶ୍ରୀଯୁକ୍ତ କ୍ଷୀରସାଗର ବିଭାର ମଧ୍ୟ ସମ୍ମାନିତ ଅତିଥିଭାବରେ ଯୋଗଦେଇଥିଲେ | ଆଦ୍ୟରୁ ପ୍ରାନ୍ତ ପର୍ଯ୍ୟନ୍ତ କୋଶଳ ଉଚ୍ଚ ବିଦ୍ୟାଳୟର ସମ୍ପାଦକ ସଞ୍ଜୟ କୁମାର ସାହୁ ମଞ୍ଚ ପରିଚାଳନା କରିବା ସହ ସମସ୍ତ କାର୍ଯ୍ୟକ୍ରମର ସଂଯୋଜନା କରି ସମସ୍ତଙ୍କ ମନକୁ ଆକର୍ଷିତ କରିଥିଲେ | ଏହି କାର୍ଯ୍ୟକ୍ରମକୁ ଦିବ୍ୟରଞ୍ଜନ ସାହୁ, ଜିତୁ ଶଙ୍କର, ସନ୍ତୋଷ ପୁଝାରୀ, ସନ୍ତୋଷ ପ୍ରଧାନ, ପରମା ନାଏକ ଓ ଇନ ଫିନିଟି ଅନୁଷ୍ଠାନର କର୍ମକର୍ତାମାନେ ରହି ସାହାର୍ଯ୍ୟ କରିଥିଲେ | ସଭାକାର୍ଯ୍ୟ ପରେ କୋଶଳ ଉଚ୍ଚ ବିଦ୍ୟାଳୟ ର ଛାତ୍ରୀମାନଙ୍କ ଦ୍ୱାରା କିଛି ମନୋରଞ୍ଜନ ନୃତ୍ୟ ପ୍ରଦର୍ଶନ କରାଯାଇ ସମସ୍ତଙ୍କ ଦୃଷ୍ଟି ଆକର୍ଷଣ ହୋଇଥିଲେ | ପ୍ରଥମ କରି ଆୟୋଜିତ ହୋଇଥିବା ଏହି ବେସରକାରୀ ବିଦ୍ୟାଳୟର ସ୍ନେହପୂର୍ଣ୍ଣ ଖେଲଟି ବେଶ ଆନନ୍ଦିତ ହେବା ସହିତ ସଭିଙ୍କ ମନକୁ ଆଦୃତ କରିପାରିଛି ଓ ଏକତ୍ୱ ଭାବ ଆଣିଦେଇଛି |