04-Oct-2020

ଫିଲ୍ମ ଇଣ୍ଡଷ୍ଟ୍ରି ପାଇଁ ପୁଣି ଆଉ ଏକ ଦୁଃଖଦ ଖବର । ୨୭ ବର୍ଷ ବୟସ୍କା ଅଭିନେତ୍ରୀ ମିଷ୍ଟି ମୁଖାର୍ଜୀଙ୍କ ପରଲୋକ ହୋଇଛି । ଅଭିନେତ୍ରୀ ମିଷ୍ଟି ମୁଖାର୍ଜୀ ଶୁକ୍ରବାର ଦିନ ବେଙ୍ଗାଲୁରୁର ଏକ ନର୍ସିଂହୋମ୍ ରେ ଶେଷ ନିଶ୍ବାସ ତ୍ୟାଗ କରିଛନ୍ତି । କିଡନୀ ଫେଲ୍ ହେବା ଯୋଗୁଁ ତାଙ୍କର ମୃତ୍ୟୁ ହୋଇଥିବା ସୂଚନା ମିଳିଛି । ସୂଚନା ମୁତାବିକ ମିଷ୍ଟି ବହୁ ଦିନ ଧରି କିଡନୀ ରୋଗରେ ପୀଡିତ ଥିଲେ । ସେଥିପାଇଁ ତାଙ୍କର ଚିକିତ୍ସା ମଧ୍ୟ ଚାଲିଥିଲା । ମାତ୍ର ସବୁ ପ୍ରୟାସ ବିଫଳ ହୋଇଛି!! କୁହାଯାଉଛି ଯେ, ଅଭିନେତ୍ରୀ ମିଷ୍ଟି କିଟୋ ଡାଏଟ୍ ନେଉଥିଲେ । ଏହାଦ୍ବାରା ଲିଭର ଏବଂ କିଡନୀ ଉପରେ ପ୍ରଭାବ ପଡିଥାଏ । ଶୁଣିବାକୁ ମିଳୁଛି ଯେ, ତାଙ୍କର ପୂର୍ବରୁ ହିଁ ସ୍ବାସ୍ଥ୍ୟାବସ୍ଥା ଠିକ୍ ନଥିଲା । ଯେବେଠାରୁ ସେ କିଟୋ ଡାଏଟ ନେବା ଆରମ୍ଭ କରିଥିଲେ ତାଙ୍କ ସ୍ବାସ୍ଥ୍ୟାବସ୍ଥା ଆହୁରି ଖରାପ ହୋଇଯାଇଥିଲା ଅଭିନେତ୍ରୀ ମିଷ୍ଟି ବେଙ୍ଗଲୀ ଫିଲ୍ମ ସହ ଅନ୍ୟ ଭାଷାର ଫିଲ୍ମରେ ମଧ୍ୟ ଅଭିନୟ କରିଥିଲେ । ମୈ କ୍ରିଷ୍ଣା ହୁଁ, ଲାଇଫ୍ କି ତୋ ଲଗ୍ ଗୟି ଭଳି ଫିଲ୍ମରେ ତାଙ୍କ ଅଭିନୟ ଦେଖିବାକୁ ମିଳିଥିଲା । ତାଙ୍କୁ ଅନେକ ଫିଲ୍ମରେ ଆଇଟମ୍ ଡ୍ୟାନ୍ସର ଭାବେ ଦେଖିବାକୁ ମିଳିଥିଲା । ସେ ଅନେକ ମ୍ୟୁଜିକ ଭିଡିଓରେ ମଧ୍ୟ ଅଭିନୟ କରିଛନ୍ତି