11-Nov-2023

ନୂଆପଡା ଜିଲ୍ଲା କୋମନା ତହସିଲ ଅଫିସର ଜଣେ କାର୍ଯ୍ୟରତ କିରାଣୀ ଙ୍କ କାର୍ଯ୍ୟ କରୁଥିବା ବେଳେ ଆକସ୍ମିକ ମୃତ୍ୟୁ ହୋଇଥିବା ଭଳି ଏକ ଅଭାବନୀୟ ଘଟଣା ଘଟିଛି । ସୂଚନାରୁ ପ୍ରକାଶ ଯେ, ସେ ହେଉଛନ୍ତି କୁରେଶ୍ୱର ମାଝୀ(୫୧) ବୋଲି ଜଣା ପଡ଼ିଛି ।ଗତ ୨ ବର୍ଷ ଠାରୁ ସେ କୋମନା ତହସିଲ ଅଫିସରେ କାର୍ଯ୍ୟ କରି ଆସୁଥିବା ବେଳେ ଶୁକ୍ରବାର ୧୦ ଟା ସମୟରେ ଅଫିସ ଆସି ନିଜ କାର୍ଯ୍ୟ କରୁଥିଲେ । କିନ୍ତୁ ୧୧ ଟା ସମୟରେ ଶ୍ରୀ ମାଝୀଙ୍କୁ କିଛି ଅଫିସ କର୍ମଚାରୀ ଅଚେତ ଅବସ୍ଥାରେ ସୋଇଥିବା ଦେଖି ବାକୁ ପାଇଥିଲେ । ହେଲେ କିରାଣୀ ଜଣକ କୌଣସି କାରଣରୁ ସୋଇ ଥାଇ ପାରନ୍ତି ଭାବି ଗୁରୁତ୍ୱ ଦେଇନଥିଲେ । କିନ୍ତୁ ଅପରାହ୍ନ ୩ ଘଣ୍ଟା ପର୍ଯ୍ୟନ୍ତ ସେମିତି ଶୋଇ ରହିବାରୁ ଅଫିସ କର୍ମଚାରୀ ମାନେ ପାଖକୁ ଆସି ଦେଖି ୫ ଘଣ୍ଟା ସମୟରେ ଚିକତ୍ସା ପାଇଁ ହସ୍ପିଟାଲ ଅଣା ଯାଇଥିଲା ।ଉକ୍ତ ସମୟରେ ଡାକ୍ତର ଚିକିତ୍ସା କରି କିରାଣୀ ଙ୍କ ମୃତ୍ୟୁ ଘୋଷଣା କରିଥିଲେ । ଏନେଇ କୋମନା ପୋଲିସ ଖବର ପାଇ କୋମନା ହସ୍ପିଟାଲରେ ପହଂଚି ଘଟଣାର ତଦନ୍ତ କରୁଥିବା ଜଣା ପଡ଼ିଛି ।ଅପରପକ୍ଷରେ ଘଟଣା ବିଷୟରେ କୋମନା ତହସିଲଦାର ପ୍ରୟାସୀ ପ୍ରଧାନଙ୍କୁ ପଚାରିବାରୁ ସେ ମତାମତ ଦେବାକୁ ସିଧାସଳଖ ମନା କରିଦେଇଥିଲେ । (ବିଶି ଚନ୍ଦ୍ର ମାଝୀଙ୍କ ରିପୋର୍ଟ )