10-Nov-2023

କଣ୍ଟାମାଳ(ଜୟ କୁମାର ମହାରଣାଙ୍କ ରିପୋର୍ଟ): ଚଳିତ ବର୍ଷ କଣ୍ଟାମାଳ ବ୍ଲକ କଲରlକୋଠା  ମା'ଶ୍ୟାମା କାଳୀପୂଜାର ଆୟୋଜକ ୟୁଥ ଫ୍ରେଣ୍ଡସ ଆସୋସିଏସନ ତା'ର ୩୫ତମ ପୂଜା ପାଳନ କରିବାକୁ ଯାଉଛି  l   ଆଉ ଦିନକ ପରେ ପୁକା, ପ୍ରସ୍ତୁତି ଚୁଡାନ୍ତ ପର୍ଯ୍ୟାୟରେ  l  ପୁରୁଣା ଢାଞ୍ଚାରେ ନିର୍ମିତ ଏହି ମେଢ଼ଟି ପ୍ରତିବର୍ଷ ପରି ସମସ୍ତଙ୍କୁ ଆକର୍ଷିତ କରିଥାଏ l  ଏବର୍ଷ କାଳୀପୂଜା କିପରି ସୁରୁଖୁରୁରେ ଅନୁଷ୍ଠିତ ହେବ ସେଥିପାଇଁ

କମିଟି ସଜାଗ  l  ତେଲ ଲୁଣ ସଂସାର ମଧ୍ୟରେ ଜୀବନକୁ ମନଭରି ଉପଭୋଗ କରିବାର ପ୍ରକୃଷ୍ଟ ସମୟ ଏହି କଲରାକୋଠାର କାଳୀ ପୂଜା  l   କୃଷି ଭିତ୍ତିକ ଏହି ଅଭ୍ୟନ୍ତରୀଣ ଅଞ୍ଚଳରେ ଲୋକମାନେ ବର୍ଷର ଦଶହରା ପୂଜା ପରେ ପରେ କାଲି ଠାରୁ ୧୬ ତାରିଖ ପର୍ଯ୍ୟନ୍ତ ଦୀର୍ଘ ୬ ଦିନ ଧରି ଚାଲିବାକୁ ଥିବା ଏହି ପୂଜାକୁ ହର୍ଷ ଉଲ୍ଲାସ ଓ ମନଭରି ଉପଭୋଗ କରିଥାନ୍ତି ସମଗ୍ର ଅଞ୍ଚଳବାସୀ l  କଳା, ନୈପୂଣ୍ୟ ଓ ଗ୍ରାମାଞ୍ଚଳର ପରମ୍ପରାରେ ରୁଦ୍ଧିମନ୍ତ ଏହି ଅଭ୍ୟନ୍ତରୀଣ ଅଞ୍ଚଳରେ ସବୁଠୁ ବେଶୀ ଜନାଦୃତ ଉତ୍ସବ କହିଲେ କଣ୍ଟାମାଳ ବ୍ଲକ କଲରା କୋଠାର ଏହି ଶ୍ୟାମା କାଳୀପୂଜା କୁ ହିଁ ବୁଝାଇଥାଏ  l   
                 ପାରମ୍ପରିକ ରୀତିରେ ଏଠାରେ ଅଦ୍ୟାବଧି ପୂଜା ଚାଲୁ ରହିଛି  l  ଏହି ପୂଜା ମଣ୍ଡପରେ ମା'ଶ୍ୟାମା କାଳୀଙ୍କ ମୃଣ୍ମୟ  ପୂଜା ପାଆନ୍ତି l ଗତବର୍ଷ ପରି ଚଳିତ ବର୍ଷ ମଧ୍ୟ ସ୍ୱତନ୍ତ୍ର କାର୍ଯ୍ୟକ୍ରମ ଭାବେ ଦୈତ୍ୟରlଜ ମହିଷାସୁରଙ୍କ ରଙ୍ଗସଭା ର

ଆୟୋଜନ ସହ ମନୋରଞ୍ଜନ ପାଇଁ ରଙ୍ଗାରଙ୍ଗ ସାଂସ୍କୃତିକ କାର୍ଯ୍ୟକ୍ରମ ର ଆୟୋଜନ କରିଛି କମିଟି  l କଲିକତା (ପଶ୍ଚିମବଙ୍ଗ)ର ଡ୍ୟାନ୍ସ ଧମାକା ମୁଖ୍ୟଆକର୍ଷଣ ହେବ l ୬ ଦିନ ଧରି ହେଉଥିବା ପୂଜାର ପ୍ରତିଟି ସନ୍ଧ୍ୟା ମୀନାବଜ଼ାର ର ରଙ୍ଗବେରଙ୍ଗ ଦୋକାନ ବଜାର ସହ ଦୋଳି, ମିନିଟ୍ରେନ, ଗୁପଚୁପ, ଚାଟ, ଫାଷ୍ଟଫୁଡ, ଚଟପଟି ଖାଦ୍ୟ ପିଲା ଠାରୁ ବୁଢା ସମସ୍ତଙ୍କ ପାଇଁ ଭରପୁର ଆନନ୍ଦର ଖୋରାକ ଯୋଗାଉଥିବା ବେଳେ ମହିଷାସୁର ଦରବାର ରେ ମହିଷାସୁରଙ୍କ ରାଜତ୍ୱ କୁନେଇ ସମଗ୍ର ଅଂଚଳ ଲୋକାରଣ୍ୟ ଓ ଚଳଚଞ୍ଚଳ ହୋଇଉଠିବ l