-+91-9937148622 |
prerana_bgr@rediffmail.com |
Wednesday 6th May 2026 |
R.N.I. Regd No. ODIODI/2010/46693
Breaking News
16-Dec-2020
(ପ୍ରେରଣା ଖବର) ଭୁବନେଶ୍ୱର : ଗୋପାଳପୁର ବିଧାୟକ ପ୍ରଦୀପ ପାଣିଗ୍ରାହୀ ଓ ତାଙ୍କର ଭାବୀ ଜ୍ୱାଇଁ ଆକାଶ ପାଠକଙ୍କୁ ମୁହାଁମୁହିଁ ଜେରା କରିପାରେ କ୍ରାଇମବ୍ରାଞ୍ଚ ଏସଆଇଟି । କଟକରେ ଥିବା କ୍ରାଇମବ୍ରାଞ୍ଚ ମୁଖ୍ୟାଳୟରେ ଉଭୟଙ୍କୁ ଜେରା କରାଯିବ ବୋଲି ସୂଚନା ମିଳିଛି । ଆଜି ପ୍ରଦୀପ ପାଣିଗ୍ରାହୀଙ୍କୁ କ୍ରାଇମବ୍ରାଞ୍ଚ ଏସଆଇଟି ୨ ଦିନିଆ ରିମାଣ୍ଡରେ ନେଇଛି । ଅଭିଯୋଗ ଅନୁସାରେ ଟାଟା ଏମ୍ଡି ଭାବେ ପରିଚୟ ଦେଇ ଲୋକଙ୍କଠାରୁ ଟଙ୍କା ଆଦାୟ କରୁଥିଲେ ଆକାଶ ।
ପିଲାଙ୍କୁ ଚାକିରି ଦେବାର ପ୍ରତିଶ୍ରୁତି ଦେଉଥିଲେ ଓ ମୋଟା ଅଙ୍କର ଟଙ୍କା ବି ନେଉଥିଲେ । ଏଥିରେ ପ୍ରଦୀପଙ୍କ ସିଧାସଳଖ ସଂପୃକ୍ତି ଅଛି କି, ପ୍ରଦୀପଙ୍କ ଆକାଉଣ୍ଟକୁ କେଉଁଠୁ କେତେ ଟଙ୍କା ଆସିଛି, କେମିତି ଆସୁଥିଲା, ପ୍ରଦୀପଙ୍କ ଆକାଉଣ୍ଟରୁ ଆକାଶଙ୍କ ଆକାଉଣ୍ଟକୁ କେତେ ଟଙ୍କା ଯାଇଛି, ଏସବୁର ଉତ୍ତର ଖୋଜିବ SIT । ଏହା ସହିତ ଏହି ଜାଲିଆତିରେ ଆଉ କିଏ କିଏ ସଂପୃକ୍ତ ଅଛନ୍ତି, କେମିତି କାଗଜପତ୍ର ଜାଲିଆତି କରାଯାଇଥିଲା ? ତାର ମଧ୍ୟ ଖିଅ ଖୋଜାଯିବ । ସେପଟେ ଆସନ୍ତାକାଲି ଆକାଶ ପାଠକଙ୍କ ରିମାଣ୍ଡ ସରୁଛି । ତେଣୁ ତାଙ୍କୁ ଆସନ୍ତାକାଲି କୋର୍ଟରେ ହାଜର କରାଯିବ ।