06-Nov-2023

କଳାହାଣ୍ଡି ,କୋକସର (ତ୍ରିନାଥ ବେଶ୍ରା )
 ଗ୍ରାମାଞ୍ଚଳ ମାନଙ୍କରେ ଆଦିମ କାଳରୁ ଦେବା ଦେବୀ ମାନଙ୍କ
ପ୍ରତି ବିଶ୍ଵାସ ରହିଆସିଛି। ଏହି ପରିପ୍ରେକ୍ଷୀରେ ପ୍ରତିବର୍ଷ ଭଳି ଏବର୍ଷ ମଧ୍ୟ ଅଶ୍ଵିନୀ ମାସ ପୁର୍ଣିମା ପରେ ଯେଉଁ ଶନିବାର ପଡିଥାଏ ସେହି ଦିନ  ଆମପାଣି ବୁଢ଼ାରଜା ଙ୍କ ଦଶହରା ହୋଇଥାଏ ।ଠିକ ତା ଆରଦିନ ରବିବାର ରେ ବଡପୋଡ଼ାଗୁଡ଼ା ଗ୍ରାମପଞ୍ଚାୟତ ଅଧିନସ୍ତ ତଲାଗାଁ ଠାରେ ଶ୍ରୀ ଶ୍ରୀ ବାହାଦି ଠାକୁର ଓ ମା ମାଉଲି ଙ୍କ ବାର୍ଷିକ ଦଶହରା ମହୋତ୍ସବ ବହୁ ଆଡମ୍ବର ସହକାରେ ପାଳନ ହୋଇଯାଇଛି ।
ଏଠାରେ ଅଞ୍ଚଳର ଦେବାଦେବୀ ମାନଙ୍କ ଲାଠି, କାଲିଶି ଆସି ବାହାଦୀ ଠାକୁରଙ୍କ ସହ ପୂଜା ପାଇଥାନ୍ତି । ଆଖ ପାଖ ଅଞ୍ଚଳରଶ୍ରଦ୍ଧାଳୁ ଦେବାଦେବୀ ପ୍ରୀୟ ଭକ୍ତମାନେ ଆସି ଦର୍ଶନ କରିବା ସହିତ ବାହାଦୀ ଠାକୁରଙ୍କ ଆଶିର୍ବାଦ ପାଇଥାନ୍ତି । ଉକ୍ତ ବାର୍ଷିକ ଦଶହରା ରେ  ପ୍ରତିବର୍ଷ ଭଳି ଏବର୍ଷ ମଧ୍ୟ ପ୍ରଥମେ ସାଂସ୍କୃତିକ କାର୍ଯ୍ୟକ୍ରମ ମାନ ହେବାପରେ ମଧ୍ୟ ରାତ୍ରୀରେ ମୁଖ୍ୟ ଆକର୍ଷକ ଘୁମୁରା ପ୍ରତିଯୋଗିତା ହୋଇଯାଇଛି । ହଜାର ହଜାର ଦର୍ଶକ ଏହି ମହୋତ୍ସବ ରେ ସାମିଲ ହୋଇ  ବେଶ୍ ଆନନ୍ଦ ସହକାରେ ଯାତ୍ରାକୁ ଉପଭୋଗ କରିଥିଲେ ।
ଏଠାରେ ପୁଜା କମିଟି ସଭାପତି ଧର୍ମାନନ୍ଦ ନାଏକ , ଉପ ସଭାପତି ଜଗଦୀଶ ନାଏକ ସମ୍ପାଦକ ଭଜମନ ନାଏକ,
କୋଷାଧ୍ୟକ୍ଷ ଧନବଳ ମାଝୀ, ମନ୍ଦିର ପୂଜକ ବଲଭଦ୍ର ପୁଝାରୀ, ଦେବ ପୂଝାରୀ,ସ୍ଥାନୀୟ ସରପଞ୍ଚ ଶ୍ରୀମତୀ ଯମୁନା ନାଏକ, ଲକ୍ଷ୍ମୀ ପୂଝାରୀ, ଅମର ନାଏକ, ହେମନ୍ତ ସୁନାନି ,ପରିଖିତ ବେଶ୍ରା , ହରିଶ୍ଚନ୍ଦ୍ର ନାଏକ ନରହରି ସୁନା, ଲାଲସିଂ ବାଗ , ଉଦ୍ଧବ ନାୟକ, ଚିନ୍ତାମଣି ପଟେଲ,ସହଦେବ ମାଝୀ, ନିରନ ଦିସlରି, ଶିବ ମାଝୀ ଙ୍କ ସମେତ ଗ୍ରାମ ବାସୀ ଉକ୍ତ ମହୋତ୍ସବ କୁ ପୁର୍ଣ୍ଣ ସହଯୋଗ କରିଥିଲେ ।