06-Nov-2023

ବଲାଙ୍ଗିର,ଆଜି ସ୍ଥାନିୟ ଟାଉନ ବାଳିକା ଉଚ୍ଚ ବିଦ୍ୟାଳୟ ଠାରେ ଭାରତ ମାଟିର ୭ଜଣ ମହାପୁରୁଷ ଜାତିର ପିତା ମହାତ୍ମା ଗାନ୍ଧୀ,ଉତ୍କଳମଣି ଗୋପବନ୍ଧୁ ଦାଶ, ଉତ୍କଳଗୌରବ ମଧୂସୂଦନ ଦାସ, ନେତାଜୀ ସୁବାଷ ଚନ୍ଦ୍ର ବୋଷ, ବୀର ସୁରେନ୍ଦ୍ର ସାଏ, ବି.ଆର୍ ଆମ୍ବେଦକର ଓ ସ୍ୱଭାବ କବି ଗଙ୍ଗାଧର ମେହେରଙ୍କ ପ୍ରତିମୂର୍ତ୍ତି ଅନାବରଣ ଉତ୍ସବ ଅନୁଷ୍ଠିତ ହୋଇଯାଇଛି । ଏଥିରେ ମୁଖ୍ୟ ଅତିଥି ଭାବରେ ବଲାଙ୍ଗୀର ବିଧାୟକ ନରସିଂହ ମିଶ୍ର ଯୋଗ ଦେଇ ବଲାଙ୍ଗୀର ଜିଲ୍ଲାରେ ଜନ୍ମଗ୍ରହଣ କରିଥିବା ସ୍ୱାଧୀନାତା ସଂଗ୍ରାମୀ ଓ ମହାପୁରୁଷ ମାନଙ୍କୁ ମଧ୍ୟ ଛାତ୍ରଛାତ୍ରୀ ମାନେ ମନେ ପକାଇବା ଉଚିତ ବୋଲି କହିଥିଲେ । ବଲାଙ୍ଗୀର ମାଟିର ବିକାଶ ମାନଙ୍କ ପାଇଁ ଏ ମାଟିର ମହାପୁରୁଷଙ୍କ ମହନୀୟ ଅବଦାନକୁ ପିଲା ମାନେ ମନେ ପକାଇଲେ ତାଙ୍କର

ଭବିଷ୍ୟତ ଉଜ୍ୱଳମୟ ହେବ ବୋଲି ବିଧାୟକ ଶ୍ରୀ ମିଶ୍ର କହିଥିଲେ । ବଲାଙ୍ଗିରରେ ପୂର୍ବରୁ ମଧ୍ଯ ଗଣତନ୍ତ୍ର କାର୍ଯ୍ୟ କରୁଥିଲା l ଏହି ଟାଉନ୍ଅ ବାଳିକା ଉଚ୍ଚ ବିଦ୍ୟାଳୟ ର ପ୍ରତିଷ୍ଠl ଦିଗରେ ମଧ୍ଯ ଏ ମାଟିର ଅନେକ ବରପୁତ୍ର ଙ୍କ ଅବଦାନ କୁ ମନେ ପକାଇବାକୁ ପଡିବ ବୋଲି ଶ୍ରୀ ମିଶ୍ର କହିଥିଲେ l ଅନ୍ୟତମ ଅତିଥି ଭାବରେ ଜିଲ୍ଲା ଶିକ୍ଷା ଅଧିକାରୀ ଧୃବଚରଣ ବେହେରା, ଉତ୍କଳ ସ୍ୱାଭିମାନ ମଂଚର ସଭାପତି ରାଧାକାନ୍ତ ଦାସ, ଯୁଗ୍ମ ସଂପାଦକ ବାସୁଦେବ ସାହୁ, ମଂଚର ଦକ୍ଷିଣ ଓଡ଼ିଶା ସଂଯୋଜକ ମୃତ୍ୟୁଞ୍ଜୟ ମିଶ୍ର, ବଲାଙ୍ଗୀର ନାଗରିକ କମିଟିର ସଭାପତି ଇଂ. ବେଲାରସିଂ ଭୋଇ ଓ ପଥରଚେପା ଆଦର୍ଶ ବିଦ୍ୟାଳୟର ପ୍ରଧାନଶିକ୍ଷକ କ୍ଷମାନିଧି ଝାଙ୍କର ପ୍ରମୁଖ ମଂଚାସୀନ ରହିଦେଇ ଛାତ୍ରଛାତ୍ରୀ ମାନଙ୍କୁ ଉଦ୍‌ବୋଧାନ ଦେଇଥିଲେ । ଅନାବରଣ ହୋଇଥିବା ବରପୁତ୍ର ମାନଙ୍କ ପ୍ରତିମୂର୍ତ୍ତି କୁ ଦେଖି ପିଲା ମାନେ ଏମାନଙ୍କ ଆଦର୍ଶ ଅନୁସରଣ କରି ତାଙ୍କ ଦୈନନ୍ଦିନ ଜୀବନରେ ଏହାକୁ ପ୍ରୟୋଗ କରିବାକୁ ହେବ ବୋଲି

ଅତିଥି ମାନେ କହିଥିଲେ । କାର୍ଯ୍ୟକ୍ରମକୁ ସଫଳ କରିବାରେ ସ୍କୁଲର ସମସ୍ତ ଶିକ୍ଷକ ଶିକ୍ଷୟିତ୍ରୀଙ୍କ ସମେତ ପୂର୍ବତନ ପ୍ରଧାନ ଶିକ୍ଷକ ତଥା ବଲାଙ୍ଗୀର ନାଗରିକ କମିଟି ର ସଂପାଦକ ମନୋରଂଜନ ସାହୁ ସହଯୋଗ କରିଥିଲେ ।  ସ୍କୁଲର ପ୍ରଧାନ ଶିକ୍ଷକ ନରେନ୍ଦ୍ର ନାଥ ମିଶ୍ରଙ୍କ ପରିଚାଳନାରେ ଆୟୋଜିୟତ ଏହି ସଭାକୁ ଶିକ୍ଷୟିତ୍ରୀ ନନ୍ଦିନୀ ସାହୁ ସଂଯୋଜନା କରିଥିଲେ । ଶେଷରେ ଶିକ୍ଷୟିତ୍ରୀ ଅରୁନ୍ଧତି ବଢ଼େଇ ଧନ୍ୟବାଦ ଅର୍ପଣ କରିଥିଲେ । ପରେ ପରେ ସ୍କୁଲର ଛାତ୍ରୀ ମାନଙ୍କ ଦ୍ୱାରା ସାଂସ୍କୃତିକ କାର୍ଯ୍ୟକ୍ରମ ପରିବେଷଣ ହୋଇଥିଲ।।