05-Nov-2023

ବଲାଙ୍ଗିର (ପ୍ରେରଣା ଖବର ): ନାଟ୍ୟଭୂଷଣ ଜଗଦାନନ୍ଦ ଛୁରିଆ ଙ୍କ ଧର୍ମପତ୍ନୀ ଶ୍ରୀମତୀ  ହେମଲତା ଛୁରିଆ ଙ୍କ ୭୪ ବର୍ଷ ବୟସରେ ଆଜି ପୂର୍ବାହ୍ନ ରେ ଭୁବନେଶ୍ବର ଏମସ୍ ହସ୍ପିଟାଲ ଠାରେ ପରଲୋକ ହୋଇଯାଇଛି। ସେ ଗତ କିଛି ଦିନ ଧରି ଫୁସଫୁସ ଓ କିଡନୀ ସଂକ୍ରମଣ ଜନିତ ସମସ୍ୟା ଯୋଗୁଁ ପ୍ରଥମେ ବଲାଙ୍ଗୀର, ପରେ ବିକାଶ ହସ୍ପିଟାଲ, ବରଗଡ ଓ ଶେଷରେ ଭୁବନେଶ୍ବର ଠାରେ ଚିକିତ୍ସିତ ହେଉଥିଲେ।  ମୃତ୍ଯୁ ଶଯ୍ୟା ନିକଟରେ  ଦୁଇ ଝିଅ ସୁରଭି ଓ ପୂରବୀ,ଜ୍ବାଇଁ ଉଚ୍ଚାଟାନନ୍ଦ,ଅରବିନ୍ଦ, ନାତି ହେମନ୍ତ,ସ୍ବରୂପ,ଆୟୁଷ ଓ ଅରୂପ ଉପସ୍ଥିତ ଥିଲେ। ସ୍ବର୍ଗତା ହେମଲତା ଜଣେ ମିଷ୍ଟଭାଷିଣୀ, ଧର୍ମପରାୟଣା ମହିଳା ଥିଲେ। ତାଙ୍କର ତିରୋଧାନ ଖବର ପ୍ରଚାରିତ ହେବା ପରେ ସହରରେ ଶୋକର ଛାୟା ଖେଳିଯିବା ସହ ବହୁ ଆତ୍ମିୟ ସ୍ବଜନ ନାଟ୍ୟଭୂଷଣ ଜଗଦାନନ୍ଦ ଙ୍କ ମାଲପଡା ସ୍ଥିତ ବାସଭବନକୁ ଯାଇ ଅନ୍ତିମ ଦର୍ଶନ କରିବା ସହ ଶ୍ରଦ୍ଧାଞ୍ଜଳି ଅର୍ପଣ କରିଥିଲେ। ଏହା ସହ ବଲାଙ୍ଗିର ର ବିଭିନ୍ନ  ଅନୁଷ୍ଠାନ ତରଫରୁ ମଧ୍ଯ  ଶ୍ରୀମତୀ ହେମଲତା ଛୁରିଆ ଙ୍କ  ତିରୋଧାନରେ ଶୋକ ବ୍ୟକ୍ତ କରାଯାଇଛି।