04-Nov-2023

ବଲାଙ୍ଗିର ଜିଲ୍ଲା ଏକ ଦାଦନ ପ୍ରବଣ ଜିଲ୍ଲା ଭାବେ ବେଶ୍ ପରିଚିତ। ପାଟଣାଗଡ଼,ଖପ୍ରାଖୋଲ, ବେଲପଡା, ଲାଠୋର, ତୁରେକେଲା, କଣ୍ଟାବାଞ୍ଜି, ମୁରିବାହାଲ, ବଙ୍ଗୋମୁଣ୍ଡା ଅଞ୍ଚଳ ହେଉଛି ଦାଦନ ଗଡ। ଏହି ଅଞ୍ଚଳ ରୁ ବେଆଇନ ଦାଦନ ଚାଲାଣ ସର୍ବାଧିକ ହୋଇଥାଏ । ସମସ୍ତ ଙ୍କ ଠାରୁ ପାଟଣାଗଡ଼ ପୋଲିସ ର ଭୂମିକା ଟିକିଏ କମ୍ ରହୁଥିବା ବେଳେ ଆଜି ପ୍ରଥମଥର ପାଇଁ ପାଟଣାଗଡ଼ ପୋଲିସ ଦାଦନ ଶ୍ରମିକ ଉଦ୍ଧାର କରି ଜଣକୁ ଗିରଫ କରିଥିବା ଜଣାପଡିଛି। ସୂଚନା ଅନୁସାରେ ଗତକାଲି ରାତିରେ ପାଟଣାଗଡ଼ ବ୍ଳକ କଦଳୀମୁଣ୍ଡା ଗାଁ ର ଦଲାଲ୍ ସନ୍ତୋଷ କୁମ୍ଭାର ୬ ଜଣ ଦାଦନ ଶ୍ରମିକ କୁ ଚାଲାଣ କରୁଥିବା ବେଳେ ପାଟଣାଗଡ଼ ଥାନା ପୋଲିସ୍ ଖବର ପାଇ

ପାଟଣାଗଡ଼ ସହରର ଗଡଭିତର ଠାରେ ଚଢ଼ାଉ କରିବା ସହ ଦଲାଲ୍ କୁ ଗିରଫ କରିଥିଲେ। ସନ୍ତୋଷ ନାଁ ରେ ପାଟଣାଗଡ଼ ଥାନା କେଶ୍ ନମ୍ବର ୨୭୭/୨୩ ମାମଲା ରୁଜୁ କରି କୋର୍ଟ ଚାଲାଣ କରିଥିବା ଅଧିକାରୀ ଅନନ୍ତ ପ୍ରଧାନ  ସୂଚନା ଦେଇଛନ୍ତି। ଅନ୍ୟାନ୍ୟ ଅଞ୍ଚଳର ସର୍ଦ୍ଦାର ମାନେ ପାଟଣାଗଡ଼ ଅଞ୍ଚଳରୁ ବେଆଇନ ଭାବେ ଦାଦନ ଶ୍ରମିକ ଆଣୁଛନ୍ତି ସେମାନଙ୍କ ପ୍ରତି ନଜର ରଖି ଧରିବାକୁ ଚେଷ୍ଟା କରନ୍ତୁ ବୋଲି ପାଟଣାଗଡ଼ ଅଞ୍ଚଳବାସୀ ଦାବି କରୁଛନ୍ତି।

(ପୂର୍ଣ୍ଣ ଶଶୀଶେଖର ରାଓ ଙ୍କ ରିପୋର୍ଟ )