03-Nov-2023

ବଲାଙ୍ଗିର(ସନ୍ତୋଷ କୁମାର ଠାକୁର )ବଲାଙ୍ଗିର ସଦର ବ୍ଲକ ଅନ୍ତର୍ଗତ ବାରପୁଡୁଗିଆ ଗ୍ରାମର ଗଉଁନ୍ତିଆ  ଯଜେ୍ଞଶ୍ୱର ସାଏଙ୍କ ୮୦ ବର୍ଷ ବୟସରେ ସ୍ୱରାଜ ହସପିଟାଲ ରେ ହୃତଘାତରେ ପରଲୋକ ହୋଇଯାଇଛି । ତାଙ୍କ ମୃତ୍ୟୁ ସମୟରେ ତାଙ୍କ ସହଧର୍ମିଣି ନୂଆଦେଇ ସାଏ ଙ୍କ ସହ ତିନି ପୁତ୍ର ନୃପରାଜ, ବିଶ୍ୱରାଜ, ଇଂ. ବିଘ୍ନରାଜ ଏବଂ ଏକମାତ୍ର ଝିଅ ମମତା ଉପସ୍ଥିତ ଥିଲେ । ସେ ଜଣେ ଉଚ୍ଚ ଶିକ୍ଷିତ, ଧର୍ମପରାୟଣ, ମିଷ୍ଟଭାଷୀ ଏବଂ ଭଲ ଚାଷୀ ଭାବରେ ଅଂଚଳରେ ଖ୍ୟାତି ଅର୍ଜନ କରିଥିଲେ । ତାଙ୍କର ମୃତ୍ୟୁ ଖବର ରେ ଅଂଚଳରେ ଶୋକର ଛାୟା ଖେଳି ଯାଇଛି । ବହୁ ବିଶିଷ୍ଟ ବ୍ୟକ୍ତି ତାଙ୍କ ମୃତ୍ୟୁରେ ଶୋକ ପ୍ରକାଶ କରିଛନ୍ତି । ମାନ୍ୟବର ବିଧାୟକ ନରସିଂହ ମିଶ୍ର ଜଣେ ଭଲ ବନ୍ଧୁଙ୍କୁ ହରାଇଛି ବୋଲି ନିଜ ପ୍ରତିକ୍ରିୟାରେ କହିଛନ୍ତି ଏବଂ ଶୋକାକୂଳ ପରିବାରବର୍ଗଙ୍କୁ ସମବେଦନା ଜଣାଇଛନ୍ତି । ଇଂ. ବେଲାରସେନ ଭୋଇ, ଜଗଦାନନ୍ଦ ଛୁରିଆ, ଲୋକନାଥ କୁମୁରା, ଦିଗାମ୍ବର ନାଏକ, ପୂର୍ବତନ ବ୍ଲକ ଅଧ୍ୟକ୍ଷ ଘାସିରାମ ବେହେରା ପ୍ରମୁଖ ଶୋକବ୍ୟକ୍ତ କରିଛନ୍ତି ।  ତାଙ୍କର ଅନ୍ତେଷ୍ଟିକ୍ରିୟାରେ ଜୟକୃଷ୍ଣ ମିଶ୍ର, ଗୌତମ ମହଲା, ଚୈତନ୍ୟ ସା, ମଦନ ସାହୁ, ରମେଶ ମହଲା, ଭରତ ବରିହା, ସଦାନନ୍ଦ ମହଲା, ମଙ୍ଗଲୁ ସା, ସୁରେଶ , ପିଙ୍କୁ, ଅଚ୍ୟୁତ, ସୁନ୍ଦର, ଲବ, ପାଣ୍ଡବ, ଧୋବା ସହ ବହୁ ମାନ୍ୟଗନ୍ୟ ବ୍ୟକ୍ତି ଉପସ୍ଥିତ ଥିଲେ ।