03-Nov-2023

ନୂଆପଡ଼ା - (ଡୋଲେସ୍ଵର ବାଗ)
ନୂଆପଡ଼ା ଜିଲ୍ଲା ବୋଡ଼େନସ୍ଥିତ  ବିଜୁ ପଟ୍ଟନାୟକ ସ୍ନାତକ  ମହାବିଦ୍ୟାଳୟର ଜାତୀୟ ସେବା ସଂସ୍ଥା ଓ ସେଣ୍ଟର୍ ଫର୍ କେଟା ଲାଇଜିଂ ଚେଞ୍ଜ ନୂଆପଡାର ମିଳିତ ସହଯୋଗରେ ଏନ୍ ଏସ ଏସ ସ୍ୱେଚ୍ଛା ସେବିଙ୍କ ସ୍ବାସ୍ଥ୍ୟ ସମ୍ପର୍କିତ ଏକ କର୍ମଶାଳା ଅନୁଷ୍ଠିତ ହୋଇଥିଲା ।ଅଧ୍ୟକ୍ଷ  ଶ୍ରୀମାନ ଅବନୀ କୁମାର ଖମାରୀଙ୍କ ଅଧ୍ୟକ୍ଷତାରେ ଅନୁଷ୍ଠିତ ଏହି କର୍ମଶାଳାରେ କାର୍ଯ୍ୟକ୍ରମ ଅଧିକାରୀ ଡଃ କିଶୋର କୁମାର କର୍ଣ୍ଣ ,ଅଧ୍ୟାପକ ସନ୍ତୋଷ କୁମାର ମୁଣ୍ଡ, ଅଧ୍ୟାପକ ଅତିକ ଅହମ୍ମଦ ଖାନ ପ୍ରମୁଖ ସମ୍ମାନିତ ଅତିଥି ଭାବେ ଯୋଗଦାନ କରିଥିଲେ ।ସଂଶାଧାନ କର୍ମୀ ଭାବେ ପ୍ରବୀଣ କୁମାର ପଣ୍ଡା,ଆଶିଷ କୁମାର ବାରିକ ଓ ଏଲ ଏଚ ଭି ବୋଡ଼େନ ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ର ଲକ୍ଷ୍ମୀପ୍ରିୟା ମାଝୀ ଯୋଗଦାନ କରି ସ୍ଵାସ୍ଥ୍ୟ ସମ୍ପର୍କିତ ସମସ୍ତ ପ୍ରକାର ଅସୁବିଧା ଓ ତା'ର ସମାଧାନର ଉପାୟ ଆଲୋଚନା କରିଥିଲେ ।

ଏହି ଅବସରରେ ଛାତ୍ରଛାତ୍ରୀଙ୍କର ସ୍ବାସ୍ଥ୍ୟ ସମ୍ପର୍କିତ ବତ୍କୃତା ଓ କୁଇଜ୍ ଅନୁଷ୍ଠିତ କରାଯାଇଥିଲା ।କାର୍ଯ୍ୟକ୍ରମରେ ମହାବିଦ୍ୟାଳୟର ସମସ୍ତ କର୍ମଚାରୀ ତଥା ଜାତୀୟ ସେବା ସଂସ୍ଥାର ସ୍ଵେଚ୍ଛାସେବୀ ସକ୍ରିୟ ଅଂଶ ଗ୍ରହଣ କରିଥିଲେ ।