01-Nov-2023

ବଲାଙ୍ଗିର (ପ୍ରେରଣା ଖବର ): ବଲାଙ୍ଗିର, ଆଜି ନଭେମ୍ବର ୧ ତାରିଖ କୁ ବଲାଙ୍ଗୀର ଦିନ୍ ଭାବେ ପାଳନ କରାଯାଉଛି । ଏହି ଆବସରରେ ଆଜି ଦିନ ବେଳା ଏକ ସାଂସ୍କୃତିକ ଶୋଭାଯାତ୍ରା ସହର ପରିକ୍ରମା କରିଥିଲା । ବିଭିନ୍ନ୍ ସାଂସ୍କୃତିକ ଦଳ ମାନେ ଏଥିରେ ଭାଗ ନେଇଥିଲେ । ବଲାଙ୍ଗୀର ଦିନ୍ ଆୟୋଜକ ମିଟିର ମୁଖ୍ୟ ସଂଯୋଜକ ଗୋପାଳଜୀ ପାଣିଗ୍ରାହୀଙ୍କ ନେତୃତତ୍ୱରେ ଅନୁଷ୍ଠିତ ଏହି ଶୋଭାଯାତ୍ରା ବଲାଙ୍ଗୀର କୋଶଳ

କଳାମଣ୍ଡଳ ପଡିଆରୁ ବାହାରି ଡେଲି ମାର୍କେଟ ରୋଡ, ସମଲେଶ୍ୱରୀ, ମନ୍ଦିର, ପାଟଣେଶ୍ୱରୀ ମନ୍ଦିର, ପୁରୁଣା ବସଷ୍ଟାଣ୍ଡ ଦେଇ କୋଶଳ କଳାମଣ୍ଡଳ ରେ ପହଂଚି ଥିଲା । ପାଟଣେଶ୍ୱରୀ ଓ ସମଲେଶ୍ୱରୀ ମନ୍ଦିରରେ ଦେବୀଙ୍କ ଠାରେ ଦୀପ ଜାଳି ବଲାଙ୍ଗୀର ଜିଲ୍ଲାର ଉନ୍ନତି କାମନା କରାଯାଇଥିଲା । ଆଜି ସଂଧ୍ୟାରେ ସ୍ଥାନୀୟ କୋଶଳ କଳାମଣ୍ଡଳ ପଡିଆ ନୁଆଁ ମଂଚରେ ବଲାଙ୍ଗୀର ଦିନ ଆୟୋଜକ କମିଟି ତରଫରୁ ସଭା ଓ ସାଂସ୍କୃତିକ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା । ସଭାରେ ବରେଣ୍ୟ ଅତିଥି ଭାବରେ କଂଟାବାଞ୍ଜି ବିଧାୟକ ସନ୍ତୋଷସିଂ ସାଲୁଜା, ବଲାଙ୍ଗୀର ସାଂସଦ ସଙ୍ଗୀତା କୁମାରୀ ସିଂଦେଓ, ଲୋଇସିଂହା ବିଧାୟକ ଡ. ମୁକେଶ ମହାଲିଙ୍ଗ, ଜିଲ୍ଲା ପରିଷଦ ଅଧ୍ୟକ୍ଷା ଦେବକୀ ସାହୁ, ବଲାଙ୍ଗୀର ମୁନିସିପାଲିଟି ପୌରାଧ୍ୟକ୍ଷା ଲିକା ସହୁ, ତୁଷୁରା ଏନ୍‌ଏସି ଅଧ୍ୟକ୍ଷ ଅଜୟ ଜୟସ୍ୱାଲ, ଷ୍ଟେଟ୍ ହାଉସିଙ୍ଗ ବୋର୍ଡର ଅଧ୍ୟକ୍ଷ କଳିକେଶ ନାରାୟଣ ସିଂଦେଓ, ବିଜେଡି ଯୁବ ନେତା ଅର୍କେଶ ନାରାୟଣ ସିଂଦେଓ, ପ୍ରମେୟ କେବିକେ ସଂସ୍କରଣ ମୁଖ୍ୟ ଅଖିଳ ହୋତା ଯୋଗ ଦେଇ ସାଂସ୍କୃତିକ ବାର୍ତ୍ତା ପ୍ରଦାନ କରିବା ସହ ସାଂସ୍କୃତିକ ଦଳ ମାନଙ୍କୁ ପୁରସ୍କୃତ କରିଥିଲେ । ପୂର୍ବରୁ ବଲାଙ୍ଗୀର ଦିନ ଆୟୋଜକ କମିଟି ତରଫରୁ ଝୋଟି,ରଙ୍ଗୋଲି, ପିଠାମଣ୍ଡା ପ୍ରତିଯୋଗିତା, ରକ୍ତଦାନ ଶିବିର, କବିତା ପାଠ  ଆଦି ବିଭିନ୍ନ କାର୍ଯ୍ୟକ୍ରମରେ ବହୁ ପ୍ରତିଯୋଗୀ ଭାଗ ନେଇଥିଲେ । ଏହି ଅବସରରେ ବିଭିନ୍ନ ସାଂଇସ୍କୃତିକ କାର୍ଯ୍ୟକ୍ରମକୁ ହଜାର ହଜାର ଦର୍ଶକ ଉପଭୋଗ କରିଥିଲେ । କାର୍ଯ୍ୟକ୍ରମକୁ ସଫଳ କରିବାରେ କମିଟିର ସଦସ୍ୟ ଲୋଟସ ଷଡଙ୍ଗୀ, ବିଧୂଭୂଷଣ ତ୍ରିପାଠୀ, ଦୀନେଶ

ଶର୍ମା, ବିନୋଦ କାଲସଏ, ଗୋପାଳ ପ୍ରଧାନ, ପ୍ରତାପ ରଥ, ସଙ୍ଗୀତା ଦାସ, ସୋମନାଥ ମିଶ୍ର, ନିରୂପମା ଉଦ୍‌ଗାତା, ପୂଜା ସାହୁ, ନୂତନ ଦାସ, ମାନସୀ ସାହୁ, ମୋନାଲିସା ସାଗର, ଅଷ୍ଟମୀ ନାଗଙ୍କ ସମେତ ଅନ୍ୟ ମାନେ ସହଯୋଗ କରିଥିଲେ ।