17-Oct-2023

କଣ୍ଟାମାଳ(ପ୍ରେରଣା ଖବର): ଜିଲ୍ଲା ଆଇନ ସେବା ପ୍ରାଧିକାରଣ ବୌଦ୍ଧ ଦ୍ୱାରା ସତକାରୀ ଉଚ୍ଚ ବିଦ୍ୟାଳୟ, ଜହ୍ନlପଙ୍କ ଠାରେ ବୌଦ୍ଧ ଜିଲ୍ଲା ଆଇନ ସେବା ପ୍ରାଧିକରଣ ସଚିବ ଶ୍ରୀମତୀ ସାସ୍ୱତୀ ମିଶ୍ରଙ୍କ  ତତ୍ୱାବଧାନରେ ଯୌନ ଅପରାଧରୁ ଝିଅ ମାନଙ୍କ ସୁରକ୍ଷା, ଓଡିଶା ପୀଡିତା କ୍ଷତିପୂରଣ ଆଇନ,୨୦୧୮ ପୋକଶୋ ଆଇନ, ନାବାଳିକା ନ୍ୟାୟ (ଶିଶୁମନଙ୍କ ଯତ୍ନ ଏବଂ ସୁରକ୍ଷା )ଅଧିନିୟମ ୨୦୧୫ ଏବଂ ଶିଶୁ ମାନଙ୍କ ସୁରକ୍ଷା ସହ ଜଡିତ ବିଭିନ୍ନ ଆଇନ ଉପରେ ଏକ ସଚେତନତା କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି  l  ଏଥିରେ ଶିଶୁ କଲ୍ୟାଣ କମିଟିର ସଦସ୍ୟ ରାଜୀବ କୁମାର ନାୟକ, ଜହ୍ନପଙ୍କ ହାଇସ୍କୁଲ ପ୍ରଧାନଶିକ୍ଷକ ପ୍ରମୋଦ କୁମାର ଖମାରୀ ଏବଂ ବିଦ୍ୟାଳୟ ର ବରିଷ୍ଟ ଶିକ୍ଷକ ଆଦିତ୍ୟ କୁମାର ପ୍ରଧାନ ଆଦି ଉପସ୍ଥିତ ଥିଲେ l   ଯୌନ ଅପରାଧ ରୁ ପିଲାଙ୍କୁ ସୁରକ୍ଷା ଅଧିନିୟମ ୨୦୧୨ ମହିଳା ଏବଂ ଶିଶୁଙ୍କୁ କିପରି ସୁରକ୍ଷା ଦିଏ, ସେମାନେ ଯୌନ ନିର୍ଯ୍ୟାତନାର ଶିକାର ହେଲେ କେଉଁଠାରେ ଅଭିଯୋଗ କରିପାରିବେ, କଣ ଦଣ୍ଡ ବିଧାନ ରହିଁଛ, କ୍ଷତିପୂରଣ ବ୍ୟବସ୍ଥା, ପୋକଶୋ ଆକ୍ଟ, ନାବାଳକ ନ୍ୟାୟ (ଶିଶୁ ମାନଙ୍କ ଯତ୍ନ ଏବଂ ସୁରକ୍ଷା )ଅଧିନିୟମ, ୨୦୧୫ ଇତ୍ୟାଦି ବିଷୟରେ ବିସ୍ତୃତ ଭାବେ ବୁଝାଯାଇଥିଲା l  ଏଥିରେ ବିଦ୍ୟାଳୟ ର ଶିକ୍ଷକ ଶିକ୍ଷୟତ୍ରୀ ଓ ଛାତ୍ର ଛାତ୍ରୀ ଉପସ୍ଥିତ ରହି କାର୍ଯ୍ୟକ୍ରମକୁ ସାଫଲ୍ୟ ମଣ୍ଡିତ କରିଥିଲେ l