16-Oct-2023

ପାଟଣାଗଡ଼(ପୁର୍ଣ୍ଣ ଶଶୀ ଶେଖର ରାଓ):  ବଲାଙ୍ଗିର ଜିଲ୍ଲା ରେ ଏବେ ଦାଦନ ଋତୁ ଆରମ୍ଭ ହୋଇଯାଇଥିବା ବେଳେ ବେଆଇନ ଦାଦନ ଚାଲାଣ ଆରମ୍ଭ କଲେଣି। କିନ୍ତୁ ଗତକିଛି ଦିନ ତଳେ ଜିଲ୍ଲାପାଳ ଓ ଆରକ୍ଷୀ ଅଧିକ୍ଷକ ଙ୍କ ନିର୍ଦ୍ଦେଶନାରେ ଲାଠୋର ଠାରେ ବେଆଇନ ଦାଦନ ଚାଲାଣ ଉପରେ ସଚେତନତା କାର୍ଯ୍ୟକ୍ରମ କରାଯାଇଥିବାରୁ ତାର ପ୍ରଭାବରେ ଲାଠୋର, ବେଲପଡା, କଣ୍ଟାବାଞ୍ଜି ପୋଲିସ ଦାଦନ ଶ୍ରମିକ ଉଦ୍ଧାର କରି କୋର୍ଟ ଚାଲାଣ କରିଛନ୍ତି। କିନ୍ତୁ ସବୁବେଳେ ଚର୍ଚ୍ଚା ରେ ଥିବା ଖପ୍ରାଖୋଲ ଥାନା ଅଧିକାରୀ ରମାକାନ୍ତ ସାହୁ ତାଙ୍କ ଦାଦନ ଉଦ୍ଧାର ମିଶନ ଜାରି କରି ଦୁଇ ଥର ଦାଦନ ଉଦ୍ଧାର କରିସାରିଲେଣି। ସୂଚନା ଅନୁସାରେ ଶନିବାର ଦିନ ସନ୍ଧ୍ୟାରେ ପାଟଣାଗଡ଼ ଉପଖଣ୍ଡ ଖପ୍ରାଖୋଲ ଥାନା ଅନ୍ତର୍ଗତ ଜୁନାନୀବାହାଲ ଗାଁ ର ଦଲାଲ୍ ପଙ୍କଜ ଧରୁଆ (୨୩) ପିତା, ଦିବାକର ଧରୁଆ ଖପ୍ରାଖୋଲ ଥାନା ବାଞ୍ଜିପାଲି ଗାଁ ର ୫ ଜଣ ଦାଦନ ଶ୍ରମିକ ଙ୍କୁ ବାଇକ୍ ରେ ଆଣି ବେଙ୍ଗାଳୁରୁ ଚିକ୍କା ତିରୁପତି ପଠାଇବା ର ଯୋଜନା କରୁଥିବା ବେଳେ ଖପ୍ରାଖୋଲ ପୋଲିସ ମାଡ଼ି ବସିଥିଲେ। ଦାଦନ ଶ୍ରମିକ ଙ୍କୁ ଘର କୁ ପଠାଇ ଦେଇ ଦୁଇ ବାଇକ୍ ଜବତ କରି ଖପ୍ରାଖୋଲ ଥାନା କେଶ୍ ନମ୍ବର ୧୯୩ ତା.୧୪.୧୦.୨୩ ୟୁ, ଏସ୍ ୩୭୪,୩୭୦,୪୨୦ ଆଇ ପି ସି ଧାରା ଅନୁସାରେ ଆସାମୀ କୁ କୋର୍ଟ ଚାଲାଣ କରିଥିବା ଥାନା ଅଧିକାରୀ ରମାକାନ୍ତ ସାହୁ ସୂଚନା ଦେଇଛନ୍ତି। ଖପ୍ରାଖୋଲ ଥାନା ଅଧିକାରୀ ସାହୁ ଙ୍କ ଯୋଗଦାନ ପରେ ଅନେକ ଗୁଡ଼ିଏ ବେଆଇନ କାରବାର ରୋକ୍ ଲାଗିଥିବା ବେଳେ ବେଆଇନ ଦାଦନ ଚାଲାଣ ମଧ୍ୟ ରୋକ୍ ଲଗାଇ ସେ ବିଭିନ୍ନ ମହଳରୁ ପ୍ରଶଂସା ପାଉଛନ୍ତି। କିନ୍ତୁ ସ୍ଥାନୀୟ ଖପ୍ରାଖୋଲ ଗାଁ ର ଦାଦନ ସର୍ଦ୍ଦାର କ'ଣ ଏତେ ସଚ୍ଚୋଟ ରେ ଦାଦନ ଚାଲାଣ କରୁଛନ୍ତି ଯେ ଥାନା ଅଧିକାରୀ ସାହୁ ବାବୁ ଙ୍କ ହାବୁଡ଼ରେ ପଡୁନାହିଁ ବୋଲି ଜନସାଧାରଣରେ  ପ୍ରଶ୍ନ ଉଠୁଛି। ସେଥିପାଇଁ ଖପ୍ରାଖୋଲ ଥାନା ଅଧିକାରୀ ମହୋଦୟ ଆପଣଙ୍କ ଦୃଷ୍ଟି ଟିକିଏ ସ୍ଥାନୀୟ ଦଲାଲ୍ ଉପରେ ଦିଅନ୍ତୁ ବୋଲି ବିଭିନ୍ନ ମହଳରୁ ଦାବି ହେଉଛି।