15-Oct-2023

ବୋଡ଼େନ - ବୋଡ଼େନ ବିଜୁ ପଟ୍ଟନାୟକ ସ୍ନାତକ ମହାବିଦ୍ୟାଳୟରେ ଜାତୀୟ ସେବା ସଂସ୍ଥା ଓ ସାଇବର ସୁରକ୍ଷା ଅଭିଯାନର କର୍ମକର୍ତ୍ତାଙ୍କ ଦ୍ଵାରା ସାଇବର ଠକାମି ପ୍ରତି ସଚେତନ କରିବାର ସଭା ମହାବିଦ୍ୟାଳୟ ପରିସରରେ ଅନୁଷ୍ଠିତ ହୋଇଥିଲା । ସ୍ନାତକ ଡିଗ୍ରୀ କଲେଜ ଅଧ୍ୟକ୍ଷ ଅବନୀ ରଂଜନ ଖମାରୀ ସଭାପତିତ୍ବ କରିଥିବା ବେଳେ ବୋଡ଼େନ ବିଡିଓ ପ୍ରିୟ ରଂଜନ କୁମାର ମୁଖ୍ୟ ଅତିଥିରେ ଅଳଙ୍କୃତ ଥିଲେ । ସମ୍ମାନିତ ଅତିଥି ରୂପେ ରାଜ୍ୟ ସାଇବର ସଂଶାଧକ ସରୋଜ କୁମାର ବେହେରା, +୨ ବିଜୁ ପଟ୍ଟନାୟକ ମହାବିଦ୍ୟାଳୟ ଅଧ୍ୟକ୍ଷ ହେମନ୍ତ କୁମାର ମୁଣ୍ଡ, ସ୍ନାତକ ମହାବିଦ୍ୟାଳୟ ଅଧ୍ୟାପକ ତଥା ଜାତୀୟ ସେବା ସଂସ୍ଥା ପ୍ରୋଗ୍ରାମ ଅଫିସର ଡଃ କିଶୋର କୁମାର କର୍ଣ୍ଣ,ଥାନା ଭାରପ୍ରାପ୍ତ ଅଧିକାରୀ ଗୋବିନ୍ଦ ମାଝୀ, ଏସ ଆଇ ମଞ୍ଜୁଲତା ଖେଡଙ୍ଗା,ଏସ ବି ଆଇ ମ୍ୟାନେଜର ବୋଡ଼େନ, ଅଧ୍ୟାପିକା ପ୍ରୀତି ସୁଧା ପଣ୍ଡା ଏବଂ ଅଧ୍ୟାପକ ସନ୍ତୋଷ କୁମାର ମୁଣ୍ଡ ମଞ୍ଚାସୀନ ଥିଲେ । ଉଚ୍ଚ ବିଦ୍ୟାଳୟ ,+୨ କଳା ଓ ବିଜ୍ଞାନ ତଥା ସ୍ନାତକ ମହାବିଦ୍ୟାଳୟର ୬୦୦ ରୁ ଉର୍ଦ୍ଧ୍ବ ଛାତ୍ରଛାତ୍ରୀଙ୍କ ସମେତ ବ୍ଲକ, ଥାନା, ମହାବିଦ୍ୟାଳୟର ସମସ୍ତ କର୍ମଚାରୀ ଅଭିଯାନରେ ସାମିଲ ଥିଲେ । ଅତିଥିଙ୍କ ବକ୍ତବ୍ୟ ମାଧ୍ୟମରେ ତଥା ଭିଡିଓ ମାଧ୍ୟମରେ ସାଇବର ଠକାମିରୁ ବଞ୍ଚିବାକୁ ସମସ୍ତଙ୍କୁ ସଚେତନ କରାଯାଇଥିଲା । ସର୍ବସାଧାରଣ କିପରି ସାଇବର ଅପରାଧରୁ ସୁରକ୍ଷିତ ରହିବେ, ସୋସିଆଲ ମିଡ଼ିଆ ବ୍ୟବହାର କ୍ଷେତ୍ରରେ କିପରି ସତର୍କତା ଅବଲମ୍ବନ କରାଯାଇପାରିବ,ପିଲାଙ୍କୁ କିପରି ସାଇବର ଅପରାଧରୁ ସୁରକ୍ଷିତ ରଖାଯିବ, ଆର୍ଥିକ କାରବାର ସମୟର ସତର୍କତା, ଅନଲାଇନ ସପିଙ୍ଗରେ ସତର୍କତା, କେୱାସି /ଆଧାର/ପାନ କାର୍ଡ ସମ୍ପର୍କିତ ସତର୍କତା,ନିଯୁକ୍ତି ପାଇଁ ସତର୍କତା, ଲୋନ୍ ଆପ ନାମରେ ସତର୍କତା,ଜୀବନ ସାଥି ଚୟନରେ ମେଟ୍ରି ମୋନିଆଲ ସାଇଟ୍ ପାଇଁ ସତର୍କତା, ଅଜଣା କଲ୍ ପ୍ରତି ସତର୍କତା ଓ ଟାୱାର ବସାଇବାର ଠକାମି ପ୍ରତି ସତର୍କ କରାଯାଇଥିଲା । ସମ୍ପୂର୍ଣ୍ଣ ସଭାଟିରେ ଅଧ୍ୟାପକ ସନ୍ତୋଷ କୁମାର ମୁଣ୍ଡ ମଞ୍ଚ ପରିଚାଳନା କରିଥିଲେ ।ବର୍ତ୍ତମାନ ବିଭିନ୍ନ ଦିଗରୁ ଲୋକ ଠକାମୀ ର ଶିକାର ହେଉଛନ୍ତି ତେଣୁ ସାଇବର ସୁରକ୍ଷା ଅଭିଯାନ ଦ୍ଵାରା ସର୍ବସାଧାରଣଙ୍କୁ ସଚେତନ କରିବା ସହିତ ସତର୍କ କରି ଦିଆଯାଉଛି । (ନୂଆପଡା ଜ଼ିଲ୍ଲା ବୋଡେ଼ନ ବ୍ଲକ ରୁ ପ୍ରେରଣା ପ୍ରତିନିଧି ଡୋଲେସ୍ଵର ବାଗ ଙ୍କ ରିପୋର୍ଟ )