14-Oct-2023

ମୁରିବାହାଲ ,୧୪/୧୦, ( ପ୍ରେରଣା ଖବର ) : ବଲାଙ୍ଗିର ଜିଲ୍ଲା ମୁରିବାହାଲ ବ୍ଲକ ସଦରମହକୁମା ସ୍ଥିତ ମୁରିବାହାଲ କଲ୍ୟାଣ ମଣ୍ଡପ ଠାରେ ଲକ୍ଷେ ଘର ଗଣ୍ଡା ସମାଜ ମୁରିବାହଲ ଦ୍ଵାରା ଏକ ଜରୁରକାଳୀନ ବ୍ଲକ୍ ସ୍ତରୀୟ ବୈଠକ ଅନୁଷ୍ଠିତ ହୋଇଥିଲା। ମୁରିବାହାଲ ବ୍ଲକ  ଲକ୍ଷେ ଘର ଗଣ୍ଡା ସମାଜର ଉପ ସଭାପତି ଶ୍ରୀଯୁକ୍ତ ମଦନ ମୋହନ କୁମ୍ଭାର ଙ୍କ ଅଧ୍ୟକ୍ଷତା ରେ ଅନୁଷ୍ଠିତ କାର୍ଯ୍ୟକ୍ରମ ରେ ସହ ସମ୍ପାଦକ  ଶ୍ରୀଯୁକ୍ତ ବିଭୀଷଣ ମହାନନ୍ଦ ସଭା ପରିଚାଳନା କରିଥିଲେ ।
ସର୍ବ ପ୍ରଥମେ ପୂର୍ବତନ ସଭାପତି ସ୍ୱର୍ଗତ  ମଧୁସୂଦନ ମହାନନ୍ଦ ଙ୍କ ଉଦ୍ଦେଶ୍ୟ ରେ ୨ ମିନିଟ ନୀରବ ପ୍ରାର୍ଥନା କରି ଶ୍ରଦ୍ଧାଞ୍ଜଳି ଦେଇ  ସଭା କାର୍ଯ୍ୟ ଆରମ୍ଭ କରାଯାଇଥିଲା। ଏହି ସଭାରେ ମୁଖ୍ୟତଃ 
ଆସନ୍ତା ନଭେମ୍ବର ମାସ ୫ ତାରିଖ ଦିନ ନୂଆଖାଇ ଭେଟ ଘାଟ ହଳଦୀ ଗ୍ରାମ ରେ ଅନୁଷ୍ଠିତ କରିବା ପାଇଁ ସର୍ବ ସମ୍ମତି କ୍ରମେ ନିର୍ଧାରଣ ହୋଇଥିଲା । ନୂଆଖାଇ ଭେଟ ଘାଟ ର ସୁପରିଚାଳନା ପାଇଁ ଏକ କମିଟି ଚୟନ କରାଯାଇଥିଲା। ଏଥିରେ ଉପ ସଭାପତି  ଭାବେ ଶ୍ରୀଯୁକ୍ତ ଟୁନା ମଣି ମହାନନ୍ଦ,, ଶ୍ରୀଯୁକ୍ତ ବିଜୟଲାଳ ଦୀପ, ଶ୍ରୀଯୁକ୍ତ ଦୀନବନ୍ଧୁ ଟାକ୍ରି , ସମ୍ପାଦକ ଭାବରେ ଶ୍ରୀଯୁକ୍ତ ସୁରେନ୍ଦ୍ର ଛୁରା , ଉପ ସମ୍ପାଦକ ଭାବରେ ଶ୍ରୀଯୁକ୍ତ ଅଗସ୍ତି ବାଗ, କୋଷାଧ୍ୟକ୍ଷ ଭାବରେ ଶ୍ରୀଯୁକ୍ତ ଭଗତ ନାଗ ।ସହ କୋଷାଧ୍ୟକ୍ଷ ଭାବରେ ଶ୍ରୀଯୁକ୍ତ କ୍ଷେତ୍ର ବେନିଆ , ଚଥା ମୁଖ୍ୟ ଉପଦେଷ୍ଟା ଭାବରେ ଡ. ଗୋପାଳ କୃଷ୍ଣ ଦୀପ
ସହ ଉପଦେଷ୍ଟା ଭାବରେ  ଯଦୁମଣି ନାଗ, ହୀରା ନାଗ, ସଦାନନ୍ଦ ଦୀପ,  ଭୀମସେନ ବାଗ, ଦିଲୀପ ମହାନନ୍ଦ, କଳିଙ୍ଗ ସୁନା , ନଟ ସୁନା, ଯଦୁ ତାଣ୍ଡି ଙ୍କୁ ସର୍ବ ସମ୍ମତି ରେ ଚୟନ କରାଗଲା। ଆସନ୍ତା ନଭେମ୍ବର ମାସ ୫ ତାରିଖ ଦିନ ନୂଆଖାଇ ଭେଟ ଘାଟ ଉପରେ ଏହା ଏକ ପ୍ରାରମ୍ଭିକ ବୈଠକ ଥିଲା ।ଏହି କାର୍ଯ୍ୟକ୍ରମ ରେ ୨୨ ଟି ପଞ୍ଚାୟତ ରୁ ସମସ୍ତ କର୍ମକର୍ତ୍ତା, ବୁଦ୍ଧିଜୀବୀ,ସମାଜ ପ୍ରେମୀ ଅଂଶ ଗ୍ରହଣ କରିଥିଲେ।ସମାଜ ର ସର୍ବାଙ୍ଗୀନ ଉନ୍ନତି ପାଇଁ ସମସ୍ତେ ଏକ ସ୍ଵରରେ ମତ ପ୍ରକାଶ କରିଥିଲେ ।  ଆଗାମୀ ଦିନରେ ଆୟୋଜିତ ହେବା ନୂଆଖାଇ ଭେଟ ଘାଟ କୁ କିପରି ସୁନ୍ଦର୍  ଓ ଭବ୍ଯ ଭାବରେ ପାଳନ କରିବା ପାଇଁ ଆଜିର ପ୍ରସ୍ତୁତି ବୈଠକ ଅନୁଷ୍ଠିତ ହୋଇଥିଲା।
ଶେଷରେ ଲକ୍ଷେ ଘର ଗଣ୍ଡା ସମାଜ ମୁରିବହଲ ର ବ୍ଲକ୍ ସ୍ତରୀୟ ସମ୍ପାଦକ  ଦୀପକ ରଂଜନ ବାଗ ଧନ୍ୟବାଦ୍ ଅପର୍ଣ କରିଥିଲେ।