14-Oct-2023

ଡୁଙ୍ଗୁରିପାଲି(ଅରବିନ୍ଦ ମିଶ୍ର)- କୋସଲ ଅଂଚଳର ସମସ୍ତ ନେତା, ବିଭିନ୍ନ ଦଳର ନେତୃତ୍ୱ ନେଉଥିବା ନେତାମାନେ, ଲେଖକ, କବି, ସାମ୍ବାଦିକ, ସମାଜସେବୀ, ଯୁବବର୍ଗ କୋଶଲ ଅଂଚଳର ବିକାଶା ପାଇଁ ସ୍ୱର ଉତ୍ତୋଳନ କରାଯିବାର ସମୟ ଆସିଛି ବୋଲି   କୋସଲ କେନ୍ଦ୍ରୀୟ କ୍ରୀୟାନୁଷ୍ଠାନ କମିଟୀ ଅଧ୍ୟକ୍ଷ ପ୍ରମୋଦ ମିଶ୍ର ଆହ୍ୱାନ ଦେଇଛନ୍ତି । ଶୁଖା ଗ୍ଲୋ ଫାଉଣ୍ଡେସନ ପକ୍ଷରୁ ଆଜୋୟିତ ନୂଆଁଖାଇ ଭେଟଘାଟ କାର୍ଯ୍ୟକ୍ରମରେ ଶ୍ରୀଯୁକ୍ତ ମିଶ୍ର ମୁଖ୍ୟ ଅତିଥି ଭାବେ ଯୋଗ ଦେଇ କୋଶଲ ଆନ୍ଦୋଳନ, ସ୍ୱତନ୍ତ୍ର କୋଶଲ ରାଜ୍ୟର କଣ ଆବଶ୍ୟକତା ରହଛି ସେ ଉପରେ ଆଲୋକପାତ କରିଥିଲେ । ସମ୍ମାନିତ ଅତିଥି ଭାବେ ଆଇନଜୀବୀ ମିନା ଦାସ,  ନରେନ୍ଦ୍ର ହୋତା, ସୌମ୍ୟରଞ୍ଜନ ପୁଜାରୀ, ସୁବର୍ଣ୍ଣଜିଲ୍ଲାପରିଷଦ ଅଧ୍ୟକ୍ଷା ସୁପାର ଠେଲା, ତାଙ୍କ ସ୍ୱାମୀ ରଞ୍ଜମ ଠେଲା, ନିତେଇ ପାଳ, ବିକାଶ ଶତପଥି ପ୍ରମୁଖ  ମଞ୍ଚାସୀନ ଥିଲେ । ପଶ୍ଚିମ ଓଡିଶାର ସଂସ୍କୃତି, ନୁଆଖାଇର ପରମ୍ପରା, ଭାଇଚାର ଉପରେ ଆଲୋକପାତ କରିଥିଲେ । ଏହି ଅବସରରେ ସମ୍ବର୍ଦ୍ଧିତ ଅବସରପ୍ରାପ୍ତ ଅଧ୍ୟାପକ କିଶୋର ମେହେର ପ୍ରତ୍ୟେକ ପଞ୍ଚାୟତରେ ଏକ ଲାଇବ୍ରେରୀର ଆବଶ୍ୟକତା ଉପରେ ରଞ୍ଜନ ଠେଲା ପ୍ରତ୍ୟେକ ଗ୍ରାମରେ ଲାଇବ୍ରେରୀ ପାଇଁ  କୋଠାର ଛାତ ପଡିଥିବା କହିଥିଲେ ।  ସୁବର୍ଣ୍ଣପୁର ଜିଲ୍ଲାର ଶୁଖା ଗ୍ରାମ ସୁବର୍ଣ୍ଣପୁର ପରିଣତ ହୋଇଥିବା କହି ଗ୍ରାମର ଦାଦନ ଯାଇଥିବା ଯୁବକମାନଙ୍କୁ ଆଣି ଗାଁରେ ନିଯୁକ୍ତି ଦିଆଯିବ ବୋଲି ସେ ପ୍ରକାଶ କରିଥିଲେ । ଜିଲ୍ଲାପରିଷଦ ଅଧ୍ୟକ୍ଷା  ସରକାରଙ୍କ ଶିକ୍ଷାକ୍ଷେତ୍ରରେ ଚାଲିଥିବା ୫ଟି ଯୋଜନାରେ ସ୍କୁଲ ଗୁଡିକର ଉନ୍ନତି ଏକ ଯୁଗାନ୍ତକାରୀ ପଦକ୍ଷେପ ବୋଲି କହିଥିଲେ ।  ଏହି ଅବସରରେ ସମାଜ ସେବାର ନିଜକୁ ଉତ୍ସର୍ଗୀଗୃତ ସେବା ପାଇଁ ସୁରେଶ ସାହୁ,  ପ୍ରକୃତି ଗବେଷକ ଅଶୋକ କୁମାର ସାଣ୍ଡକୁ ସମ୍ମାନିତ କରାଯାଇଥିଲା । ଡୁଙ୍ଗୁରିପାଲି ବ୍ଲକ ସାମ୍ବାଦିକ ସଂଘ, ବିନିକା ମାହେଶ୍ୱରି ସେବା ସଂଘ, ବିଙ୍ଗହୂମ୍ୟାନ, ଲଲିତ ନାଏକ ସେବା ସଂଘ, ମାରୱାଡି ଯୁବାମଞ୍ଚ, ସେବା ଫାଉଣ୍ଡେସନ, ପ୍ରମୁଖ ସଂଘ ଗୁଡିକୁ ସମାଜସେବା ପାଇଁ ସମ୍ବର୍ଦ୍ଧିତ କରାଯାଇଥିଲା । ଗଣେଷ ଣେମହେର, ଅର୍ପଣ ପ୍ରମୁଖ ସଭା ସଂଯୋଜନା କରିଥିଲେ ।  ଶ୍ୱାଶତ ତ୍ରୀପାଠୀଙ୍କ ରୁମ୍‌କୁଝୁମାନା ଗୃପ ସାଂସ୍କୃତିକ କାର୍ଯ୍ୟକ୍ରମ ପରିବେଷଣ କରିଥିଲେ । ରସରକେଲି, ମାଏଲଜଡ, ଡାଲଖାଇ ଗୀତର ତାଳେ ତାଳେ ଦର୍ଶକମାନେ ଝୁମିଥିଲେ । ସମଗ୍ର କାର୍ଯ୍ୟକ୍ରମରେ ଗ୍ଲୋ ଫାଉଣ୍ଡେସନର ସଦସ୍ୟମାନେ ସହ ଯୋଗ କରିଥିଲେ ।