14-Oct-2023

ବଲାଙ୍ଗୀର ଜିଲ୍ଲା ସିନ୍ଧେକେଲା ଅଞ୍ଚଳର ଇଷ୍ଟଦେବୀ ମାଁ ଦ୍ବାରସେହ୍ନୀଙ୍କ ପ୍ରସିଦ୍ଧ ଦଶହରା ଯାତ୍ରା ର ନବମ ଦିନରେ ଡେଙ୍ଗସର୍ଗି ଯାତ୍ରା ଅନୁଷ୍ଠିତ ହେବ। ଡେଙ୍ଗସର୍ଗି ବା କନିଆ ଅନା ଯାତ୍ରା ପାଇଁ ସିନ୍ଧେକେଲା ଝାପିତଳ ମନ୍ଦିର ରୁ ବୁଢାରଜା କାଳିସୀ ଦେହରେ ପ୍ରବେଶ କରି ଇଚଗାଁ ଦ୍ବାରସେହ୍ନୀ ମନ୍ଦିର ପର୍ଯ୍ୟନ୍ତ ୯ କି:ମି ପାଦରେ ଚାଳି ଚାଳି ଯାଇ ସେଠାରେ ବିବାହ ସମ୍ପନ୍ନ ହେବାପରେ କାଳିସୀ ଦେହରେ ମାଁ ଦ୍ବାରସେହ୍ନୀ ପ୍ରବେଶ କରି ସିନ୍ଧେକେଲା ପ୍ରତ୍ୟାବର୍ତ୍ତନ କରିବାର ପରମ୍ପରା ରହିଛି। ତେବେ କିଛିମାସ ହେବ ଟିଟିଲାଗଡ - ସିନ୍ଧେକେଲା ରାସ୍ତା କାମ ଚାଳିଛି ଓ ସେଥିପାଇଁ କାମ ପାଇଥିବା ଠିକାଦାର କୋଉଠି ପୋଲ ନିର୍ମାଣ ପାଇଁ ରାସ୍ତା ଖୋଲିଛନ୍ତି ତ କୋଉଠି ବାଳି ଗେଟି ପକାଇ ଫିଳିଙ୍ଗ କରୁଛନ୍ତି ଏପରି ସ୍ଥିତିରେ ଏହି ବିବାହ ଯାତ୍ରାରେ ସାମିଲ ହେବାପାଇଁ ଜିଲ୍ଲା ତଥା ଜିଲ୍ଲା ବାହାରୁ ବହୁ ଲୋକଙ୍କ ଜନସମାଗମ ହେବ ଏଥିରେ ସ୍ଥାନୀୟ ଜନ ପ୍ରତିନିଧି, ବିଧାୟକ, ମନ୍ତ୍ରୀଙ୍କ ଆଗମନ ବି ହୋଇଥାଏ। ଏଭଲି ସ୍ଥିତିରେ ବିଭାଗ ସଜାଗ ହେବା ପରିବର୍ତ୍ତେ ଖବରଲେଖା ଯିବା ପର୍ଯ୍ୟନ୍ତ ରାସ୍ତାର ବିଭିନ୍ନ ସ୍ଥାନରେ ବିଭିନ୍ନ ପ୍ରକାର କାମ ଚାଳିଛି ଓ ସେଥିପାଇଁ ମାଲ ମେଟେରିଆଲ ବି ରାସ୍ତାରେ ପଡିଛି। ଏହା ଦେଖି ଅଞ୍ଚଳର ଲୋକେ ଏବେ ଚିନ୍ତାରେ। କାହିଁକି ନା ୯ କି:ମି ପାଦରେ ଚାଳିଯାଇ ପୁଣି ଫେରିବା ସମୟରେ ରାସ୍ତା କାମରେ ବ୍ୟବହାର ହେଉଥିବା ଗେଟି ଓ ଚିପ୍ସ ଆଦି ପାଦରେ ମାଡି ହେଲେ ଅସହ୍ଯ ଦରଜ ହେବାସହ ପାଦରେ ଫୋଟକା ପଡିଯିବା ସହ ରକ୍ତ ବି ବାହାରିବା ସମ୍ଭାବନା କୁ ଏଡାଇ ଦିଆଯାଇ ନ ପାରେ। ଏହି ସମୟରେ ଶତାଧିକ ବାଇକ ଓ କାର, ହାଇୱା, ଟ୍ରାକ୍ଟର, ବସ ଗାଡି ମଧ୍ଯ ଆତଯାତ କରିଥାନ୍ତି ସେ ସମୟରେ ଛୋଟମୋଟ ଦୁର୍ଘଟଣା କୁ ବି ଏଡାଇ ଦିଆଯାଇ ନ ପାରେ ତେଣୁ ବିଭାଗିୟ ଅଧିକାରୀ ଓ ପ୍ରଶାସନିକ କଳ ଏ ଉପରେ ଶିଘ୍ର ଦୃଷ୍ଟି ଦେଇ ଆବଶ୍ୟକ ପଦକ୍ଷେପ ଗ୍ରହଣ କରୁ ବୋଳି ଅଞ୍ଚଳବାସୀ ଦାବୀ କରିଛନ୍ତି। ତେବେ ଏ ନେଇ  ପିଡବ୍ଲୁଡି ଏସଡିଓ ଡୋଳେଶ୍ବର ମାଝୀଙ୍କୁ ସମସ୍ୟା ବିଷୟରେ ଅବଗତ କରିବାରୁ ସେ ଡଷ୍ଟ ଗୁଣ୍ଡ ଓ ପାଣିଦେଇ ରାସ୍ତାକୁ ଲେବଲିଂ କରିଦେବୁ ବୋଳି କହିଛନ୍ତି।

(ସିନ୍ଧେକେଲା ରୁ ଅନୀଲ କୁମାର ତ୍ରିପାଠୀ ଙ୍କ ରିପୋର୍ଟ )