13-Oct-2023

ମୁରିବାହାଲ(ସୁଦାମ ଚରଣ ବଘାର )- ବଲାଙ୍ଗୀର ଜିଲ୍ଲା ମୁରିବାହାଲ ସଦର ମହକୁମା ସ୍ଥିତ ଧନୁଯାତ୍ରା ପଡିଆ ଠାରେ ଶୁକ୍ରବାର  ବ୍ଲକସ୍ତରୀୟ ଯାଦବ ମହାସଭା ନୂଆଁଖାଈ ଭେଟଘାଟ ଅନୁଷ୍ଠିତ ହୋଇଯାଇଛି । ଘୁମୁରା ଓ ଗୌଡ଼ ବାଡି ସହ ପାରମ୍ପରିକ ନୃତ୍ୟ  ପରିବେଷଣ ହୋଇଥିଲା।  ଏହି ଅବସରରେ ଆୟୋଜିତ କାର୍ଯ୍ୟକ୍ରମରେ ମୁରିବାହାଲ ପଞ୍ଚାୟତ ସମିତି ହାଇସ୍କୁଲ ଠାରୁ ବିରାଟ ବାଇକ ରାଲି ରେ ବାହାରି ବ୍ଲକ ଛକ, ମୁରିବାହାଲ ବସ୍ତି, ଘଣ୍ଟବାହାଲ,ରେଲୱେ ଷ୍ଟେସନ,ଯାଦବ ଭବନ ଦେଇ ସଭାସ୍ଥଳ ରେ ପହଞ୍ଚି ଥିଲେ । ଆୟୋଜିତ କାର୍ଯ୍ୟକ୍ରମରେ ପ୍ରଥମେ ଚଣ୍ଡୀ ସମଲେଇ ଓ ସମଲେଶ୍ବରୀ ଙ୍କ ଫଟୋ ଚିତ୍ର ରେ ପୂଜାର୍ଚ୍ଚନା କରାଯିବା ପରେ ସଭାକାର୍ଯ୍ୟ ହୋଇଥିଲା। ଆୟୋଜିତ କାର୍ଯ୍ୟକ୍ରମରେ  ମୁରିବାହାଲ ବ୍ଲକ ଯୁବ ଯାଦବ ମହାସଭା ର ସଭାପତି ଗଙ୍ଗାଧର ହେର୍ଣା ଙ୍କ ଅଧ୍ୟକ୍ଷତାରେ ମୁଖ୍ୟ ଅତିଥି ଭାବେ ଉତ୍କଳ ଯାଦବ ମହାସଭା ସାଧାରଣ ସମ୍ପାଦକ ପ୍ରଦୀପ ବେହେରା, ମୁଖ୍ୟବକ୍ତା ଭାବେ କୋମନା ହାଇସ୍କୁଲ ଶିକ୍ଷକ ପ୍ରେମସିନ୍ଧୁ ହେର୍ଣା, ସମ୍ମାନୀୟ ଅତିଥି ଭାବେ ଉତ୍କଳ ଯାଦବ ମହାସଭା ପ୍ରକଳ୍ପ ବିଭାଗ ସଭାପତି ଲକ୍ଷ୍ମଣ ବାଗ,ଟିଟିଲାଗଡ଼ ସଭାପତି ଘିନୁ ଆଡ଼ଜୁଆଡ଼,ଯାଦବ ସମାଜ ଜିଲ୍ଲା ସଂଯୋଜକ ମନୋଜ ହାତୀ, ମୁରିବାହାଲ ବ୍ଲକ ସଭାପତି ତୀର୍ଥ ହାତୀ, ବଙ୍ଗୋମୁଣ୍ଡା ବ୍ଲକ ସଭାପତି ରାଧେଶ୍ୟାମ କେତକୀ, ତୁରେକେଲା ବ୍ଲକ ସଭାପତି ମକରନ୍ଦ ନିଆଲ,ବେଳପଡା ବ୍ଲକ ସଭାପତି ଗୋକୁଳ ଖର୍ସେଲ, ବଙ୍ଗୋମୁଣ୍ଡା ବ୍ଲକ ସାଧାରଣ ସମ୍ପାଦକ ମୁନିରାମ ନାଗ, ଜିଲ୍ଲା ସଭାପତି ପରମାନନ୍ଦ ହାତୀ, ପୂର୍ବତନ ପୋଷ୍ଟ ମାଷ୍ଟର ଘନଶ୍ୟାମ କରୁଆଁ, ତୁରେକେଲା ବ୍ଲକ ଉପ ସଭାପତି ଜୟଦେବ ଶାଣ୍ଢ,ଟିଟିଲାଗଡ଼ ଯାଦବ ମହାସଭା ର ସମ୍ପାଦକ କୁନା ଭାଟି,ମୁରିବାହାଲ ବ୍ଲକ ଉପାଧ୍ୟକ୍ଷା ଯାଜ୍ଞସେନି ହାତୀ, ସଭାନେତ୍ରୀ ଦେବକୀ ହଂସ ପ୍ରମୁଖ ଅତିଥି ଭାବେ ଯୋଗ ଦେଇ ଶିକ୍ଷା, ଆର୍ଥିକ ଓ ରାଜନୈତିକ ଅଧିକାର ଉପରେ ଗୁରୁତ୍ୱ ଦେବା ପାଇଁ ଅତିଥି ମାନେ ଆହ୍ୱାନ ଦେଇଥିଲେ । ଯାଦବ ସମାଜ ର ବିଭିନ୍ନ ବ୍ୟକ୍ତି ବିଶେଷ ସାମ୍ବାଦିକତା କ୍ଷେତ୍ରରେ ଅର୍ଗସ ଟିଭି ର କଣ୍ଟାବାଞ୍ଜି ପ୍ରତିନିଧି ହୁଲେଶ୍ୱର ହଂସ, କଳିଙ୍ଗ ଟିଭି ର କଣ୍ଟାବାଞ୍ଜି ପ୍ରତିନିଧି ଦୀପକ ଯାଦବ, ମାଟ୍ରିକ ଜିଲ୍ଲା ଟପ୍ପର ୟଶବର୍ଦ୍ଧନ ମହାକୁର, ଓଡ଼ିଆ ଅଧ୍ୟାପିକା କଳ୍ପନା ଷାଣ୍ଢ,ନିଟ ପରୀକ୍ଷା ରେ ଉତ୍ତୀର୍ଣ୍ଣ ପ୍ରଜ୍ଞପ୍ରତୀକ ନିଆଲ, ସୀମା ସୁରକ୍ଷା ବାହିନୀ ବନମାଳୀ ହାତୀ, ଦନାର୍ଦ୍ଦନ ବଗର୍ତ୍ତି, ମାନଭଞ୍ଜନ ପୋଡ଼ ପ୍ରମୁଖ ଙ୍କୁ ଯାଦବ ଗୌରବ ସମ୍ମାନ ରେ ମାନପତ୍ର ସହ ଉପଢୌକନ ଦେଇ ସମ୍ବର୍ଦ୍ଧିତ କରାଯାଇଥିଲା । ବିଭିନ୍ନ କ୍ଷେତ୍ରରେ କୃତୀ ଛାତ୍ର ଛାତ୍ରୀ ଯୁବକ ଯୁବତୀ ମାନଙ୍କୁ ମାନପତ୍ର ଦେଇ ସମ୍ବର୍ଦ୍ଧିତ କରିଥିଲେ । ତେଜୁରାମ ବାଗ ସ୍ୱାଗତ ଭାଷଣ ଦେଇଥିଲେ । ମୁରିବାହାଲ ବ୍ଲକ ଯାଦବ ସମାଜ ସାଧାରଣ ସମ୍ପାଦକ ତରୁଣ ପୋଢ଼ ସଭା ସଂଯୋଜନା କରିଥିଲେ ।ଶେଷ ରେ ଜନାର୍ଦ୍ଦନ ବଗର୍ତ୍ତି ଧନ୍ୟବାଦ ଅର୍ପଣ କରିଥିଲେ । ଫାଲଗୁନି ହାତୀ, ବଜରଙ୍ଗ ଷାଣ୍ଢ,ମନୁ ହଂସ, ସୁଧାଂଶୁ ପୋଡ଼ ,କରନ ଜାଲ, ସାମନ୍ତ ବାଗ, ଗିରିଧାରୀ ଛତ୍ରୀଆ,ଉଦିତ କଟା, ଅଜିତ ବାଗ, ପିଙ୍କୁ ହାତୀ ପ୍ରମୁଖ କାର୍ଯ୍ୟକ୍ରମ ରେ ସହଯୋଗ କରିଥିଲେ । ପରେ ବିଭିନ୍ନ ସାଂସ୍କୃତିକ କାର୍ଯ୍ୟକ୍ରମ ଗୁଡିକ ପରିବେଷଣ ହୋଇଥିଲା ।