11-Oct-2023

ବୌଦ୍ଧ, ତା.୧୧/୧୦ ( ପ୍ରେରଣା ଖବର) :  ବୌଦ୍ଧ ଜିଲ୍ଲା କଣ୍ଟାମାଳ  ବ୍ଲକ ଅନ୍ତର୍ଗତ  କଣ୍ଟାମାଳ ସରକାରୀ   ଉଚ୍ଚ ବିଦ୍ୟାଳୟରେ ଆନ୍ତର୍ଜାତିକ ବାଳିକା ଦିବସ ପାଳିତ ହୋଇଯାଇଛି। ବିଦ୍ୟାଳୟର  ଭାରପ୍ରାପ୍ତ ପ୍ରଧାନ ଶିକ୍ଷୟିତ୍ରୀ ଏମ. ମାଧୁରୀ ଦୋରଙ୍କର ପ୍ରତ୍ୟକ୍ଷ  ତତ୍ତ୍ଵାବଧାନରେ ଅନୁଷ୍ଠିତ କାର୍ଯ୍ୟକ୍ରମକୁ ଜୁନିୟର  ରେଡକ୍ରସ କାଉନସେଲର ବନମାଳୀ ମେହେର ସଂଯୋଜନା କରିଥିଲେ ।

ସାମ୍ପ୍ରତିକ ସମାଜରେ ବାଳିକା ମାନଙ୍କ ଅବଦାନ ଅତୁଳନୀୟ। ସମାଜର ସୃଷ୍ଟି ରୁ ଆରମ୍ଭ କରି ଶିକ୍ଷା, ବିଜ୍ଞାନ, ରାଜନୀତି, କ୍ରୀଡା, ସାହିତ୍ୟ, ପ୍ରଶାସନ ସାମସ୍ତ କ୍ଷେତ୍ରରେ ଆଜି ଅଗ୍ରଣୀ ଭୂମିକା ଗ୍ରହଣ କରିଛି।  ନିଜର ସ୍ବାସ୍ଥ୍ୟ ର ଯତ୍ନ ନେବା ସହ ପରିବେଶ ପ୍ରତି ସଚେତନ ରହିବା , ଶିକ୍ଷା ଲାଭ କରି ସମାଜକୁ ସୁଧାରିବା, ଓ କୁପୋଷଣ ର ଶିକାର ନ ହେବା ପାଇଁ  ସଚେତନତା ସୃଷ୍ଟି କରିବା ପାଇଁ ଅତିଥି ଗଣ ମତବ୍ୟକ୍ତ କରିଥିଲେ ।

କାର୍ଯ୍ୟକ୍ରମରେ ଶିକ୍ଷକ ଆଲୋକ ପରଡିଆ, ସୁଜିତ୍ କୁମାର ତରୀଆ,ଶିକ୍ଷୟିତ୍ରୀ  ଗୀତାଞ୍ଜଳି ପ୍ରଧାନ, ତଥା ଛାତ୍ରଛାତ୍ରୀ  ଉପସ୍ଥିତ ରହି ସହଯୋଗ କରିଥିଲେ । କାର୍ଯ୍ୟକ୍ରମକୁ ଆଲୋକ କୁମାର ପରଡ଼ିଆ  ପରିଚାଳନା କରିଥିଲା ବେଳେ ଶିକ୍ଷକ ଦୁଷ୍ମନ୍ତ ବିଶ୍ଵାଳ ଧନ୍ୟବାଦ ଅର୍ପଣ କରିଥିଲେ ।