09-Oct-2023

ଆଗଲପୁର, (ବିନୋଦ କୁମାର ଦୀପ) ଆଗଲପୁର ବ୍ଲକ ଵାବୁଫାଷଡ ପଂଚାୟତ ଅନ୍ତର୍ଗତ ବାବୁପାଳୀ ଠାରେ ଥିବା ମାଆ ରାମଚଣ୍ଡୀ ମନ୍ଦିର ପ୍ରାଙ୍ଗଣରେ କୁଲତା ସମାଜର ଷଷ୍ଠ ତମ ନୂଆଖାଇ ଭେଟଘାଟ କାର୍ଯକ୍ରମ ଧୁମଧାମରେ ପାଳିତ ହୋଇଯାଇଛି।ଏହି ନୂଆଁଖାଇ ଭେଟଘାଟ କାର୍ଯକ୍ରମ ରେ କୁଲତା ସମାଜର ଆଞ୍ଚ୍ଚଲିକ ସଭାପତି ଶ୍ରୀ ଅଲେଖ ସାହୁ, ଆଞ୍ଚଳିକ ସମ୍ପାଦକ ହୃଷୀକେଶ ପଧାନ ଉପସ୍ଥିତ ଥିବାବେଳେ ସଭା ପରିଚାଳନା କରିଥିଲେ ଶ୍ରୀ ନାରାୟଣ ସାହୁ l ଏହି ନୁଆଁଖାଇ ଭେଟଘାଟ କାର୍ଯକ୍ରମ କୁ ଅତିଥି ଭାବରେ ସ୍ଥାନୀୟ ବିଧାୟକ ଡ଼. ମୁକେଶ ମହାଳିଙ୍ଗ,ବଲାଙ୍ଗିର କେନ୍ଦ୍ର ସମବାୟ ବ୍ୟାଙ୍କ ନିର୍ଦେଶକ ଶ୍ରୀ ଚିନ୍ତା ମଣି ଭୋଇ, ଆଗଲପୁର ପଞ୍ଚାୟତ ସମିତି ଅଧ୍ୟକ୍ଷା ଶ୍ରୀମତୀ ଗୀତାଞ୍ଜଳି ଦାସ, ପୁଇଁତଳା ବ୍ଲକ ଅଧ୍ୟକ୍ଷ ସରୋଜ ପଧାନ, ଜିଲ୍ଳା କୃଷକ ସଭାପତି ଶ୍ରୀ ଜ୍ୟୋତି ପଧାନ, ସମାଜ ସେବୀ ଶ୍ରୀ ଆକାଶ ମିଶ୍ର, ଆଗଲପୁର ଥାନା ଅଧିକାରୀ ଶ୍ରୀ ବାସୁଦେବ ଭୋଇ, ଡାକ୍ତର ଶ୍ରୀ ରଜତ ସାହୁ, ସମାଜ ସେବୀ ଶ୍ରୀ ସୁବ୍ରତ ସିଂ ଓ ବିଜେଡି ରାଜ୍ଯ ପରିଷଦ ସଦସ୍ୟ ଶ୍ରୀ ନୀହାର ରଞ୍ଜନ ବେହେରା ଯୋଗ ଦେଇଥିଲେ l ତା ସଙ୍ଗେ ସଙ୍ଗେ ଅଞ୍ଚଳର ଅନେକ ପଦାଧିକାରୀ, ମାନ୍ୟଗଣ୍ୟ ବ୍ୟକ୍ତି ବିଶେଷ ଅତିଥି ଭାବରେ ଯୋଗଦେଇ ଥିଲେ l ସମସ୍ତ ଅତିଥି ମାନଙ୍କୁ ଉତ୍ତରୀୟ ଓ ଫୁଲତୋଡ଼ା ଦେଇ ମଞ୍ଚାସିନ କରା ଯାଇଥିଲା l ସମସ୍ତ ଅତିଥି ମାନେ କୁଲତା ସମାଜର କୌଳିକ ବୃତ୍ତି ଚାଷ ଉପରେ ନିର୍ଭର କରୁଥିବା ଲୋକଙ୍କ ବିକାଶ କିପରି ଆଗକୁ ଆହୁରି ହୋଇପାରିବ ସେ ବିଷୟରେ ମତବ୍ୟକ୍ତ କରିଥିଲେ l ସମାଜର ଉନ୍ନତି କିପରି ହୋଇ ପାରିବ ସେ ବିଷୟରେ ନିଜ ନିଜର ସୁଚିନ୍ତିତ ମତାମତ ସହ ଆଗମୀ ଦିନରେ କିପରି ସମାଜର ଲୋକେ ସବୁ କ୍ଷେତ୍ରରେ ଆଗକୁ ବଢ଼ି ପାରିବେ, ଶିକ୍ଷା କ୍ଷେତ୍ରରେ ସମସ୍ତେ କିପରି ଭାବରେ ଆହୁରି ଅଗ୍ରସର ହୋଇ ପାରିବେ ସେ ବିଷୟରେ ମଧ୍ୟ ଆଲୋଚନା କରିଥିଲେ l ଆଲୋଚନା ସରିବା ପରେ ଏକ ରଙ୍ଗାରଙ୍ଗ ସାଂସ୍କୃତିକ କାର୍ଯକ୍ରମ ଅନୁଷ୍ଠିତ ହୋଇଥିଲା l ଉକ୍ତ କାର୍ଯ୍ୟକ୍ରମ କୁ ଲୋକେ ବେଶ୍ ଆନନ୍ଦରେ ଉପଭୋଗ କରିଥିଲେ। ପାଖାପାଖି ଅଞ୍ଚଳର ଦଶ ହଜାର ଲୋକଙ୍କ ସମାଗମ ହୋଇଥିବା ଦେଖିବାକୁ ମିଳିଥିଲା। ଶେଷରେ ସମସ୍ତ କଳାକାର ମାନଙ୍କୁ ମାନପତ୍ର ଦେଇ ସମ୍ମାନିତ କରାଯାଇଥିଲା l