06-Oct-2023

ବଲାଙ୍ଗୀର(ପ୍ରେରଣା ଖବର ): ଆଜି ଦୂତି ବାମନ ଓଷା।ଯାହାକୁ ପୁଅ ଜିଉନ୍ତିଆ ମଧ୍ୟ କୁହାଯାଏ।ପୁଅ ମାନଙ୍କର ସୁସ୍ଥ ଏବଂ ଦୀର୍ଘାୟୁ ଜୀବନ ପାଇଁ ମା ମାନେ ସକାଳୁ ନିର୍ଜଳା ଉପବାସ କରିଥାନ୍ତି।ସନ୍ଧ୍ୟା ସମୟରେ ମନ୍ଦିର ସମ୍ମୁଖ କିମ୍ବା ଘର ସାମନା ରେ ଏହି ପୂଜା କରିଥାନ୍ତି।ପଡ଼ାର ମାଁ ମାନେ ଏକତ୍ରିତ ହୋଇ ପୂଜାରେ ଅନେକ ପ୍ରକାର ଭୋଗ ସହ ପୂଜା ବିଧି ଅନୁସାରେ ପାଳନ କରିଥାନ୍ତି।ଏହି ପୂଜାରେ ଅନେକ ପ୍ରକାରର ପନିପରିବା ପୂଜା ହେଲା ପରେ ତା ଆରଦିନ ସେହି ପନିପରିବା ର ଘାଣ୍ଟ ତିଆରି କରି ପ୍ରସାଦ ରୂପେ ବଣ୍ଟା ଯାଇଥାଏ।ଆଜି ଏହି ଓଷାରେ ରାମଜୀ ପଡ଼ା ତଥା ଆଖପାଖ ଅଞ୍ଚଳର ଅନେକ ମା ମାନେ ନିଜ ପୂଜା ସାମଗ୍ରୀ ସହ ଆସି ପୂଜା କରିଥିଲେ।ଶାନ୍ତି ଶୃଙ୍ଖଳା ସହ ପୂଜା ରାତ୍ରି ୧୦ ଟା ରେ ସମାପ୍ତ ହୋଇଥିଲା।ପୂଜକ ମାର୍କଣ୍ଡ କର ଓଷା ର ପୁସ୍ତକ ପଢିଥିବା ବେଳେ ମାମି ଷଡ଼ଙ୍ଗୀ ପୂଜା କରିଥିଲେ।ଏହି ପୂଜାରେ ସ୍ମିତା ଦର୍ଯି,କାନ୍ତି ଚୋପଦାର,କମଳିନୀ ଦର୍ଜି, ପ୍ରିୟ ସ୍ମିତା ଦର୍ଜି,ମୁନି ବେହେରା,ନାନୁ ବେହେରା,ସରୋଜିନୀ ବେହେରା, ଅଲ୍ଲାଦୀନି ବେହେରା,ନୁପୁର ବେହେରା,ମୀରା ବରାଇ, ପୁଷ୍ପା ବେହେରା,ନମିତା ବକ୍ସି,ପ୍ରଭାତୀ ବକ୍ସି,କୌଶଲ୍ୟା ମେହେର, ସୁନୀତା ବକ୍ସି ଏବଂ ଜଣେ ୭୦ ବର୍ଷ ବୟସ୍କ ମହିଳା ବିଜୟଲକ୍ଷ୍ମୀ ଚୋପଦାର୍  ସହ ପଡ଼ାର  ଆଉ ଅନେକ ମା ମାନେ ଉପବାସ କରି ଏହି ପୂଜାରେ ଯୋଗଦାନ କରି ନିଜ ସନ୍ତାନ ମାନଙ୍କର ଶୁଭ ମନାସି ଥିଲେ।ଶେଷରେ ପୂଜା ସାମଗ୍ରୀ କୁ ଆଶିଷ ଦର୍ଜି ନିକଟସ୍ଥ ଦେଉଳ ବନ୍ଧ କୁ ନେଇ ବିସର୍ଜନ କରିଥିଲେ।