14-Dec-2020

ଭୁବନେଶ୍ୱର,(ଶୁଭାଶିଷ  ନାୟକ): ଭାରତ ଏବଂ ପାକିସ୍ଥାନରେ ପ୍ରାୟ  ୧ କୋଟିରୁ ଅଧିକ ଲୋକ କରୋନାରେ ସଂକ୍ରମିତ ହୋଇଛନ୍ତି । ଭାରତରେ ଏକ ଲକ୍ଷ ୪୩ ହଜାର ଲୋକ ପ୍ରାଣ ହରାଇଥିବା ବେଳେ ପାକିସ୍ତାନରେ ହଜାର ହଜାର ଲୋକ ପ୍ରାଣ ହରାଇଛନ୍ତି । ବର୍ତ୍ତମାନ ଉଭୟ ଦେଶ ୟୁରୋପ ଏବଂ ଆମେରିକାରେ ପ୍ରସ୍ତୁତ ହୋଇଥିବା ଟିକାକୁ ପାଇବା ପାଇଁ ଚେଷ୍ଟା କରୁଛନ୍ତି । ଏହି ଟୀକାକରଣର ପେଟେଣ୍ଟ ସମ୍ପର୍କରେ ଦକ୍ଷିଣ ଆଫ୍ରିକା ସହିତ ଅସ୍ଥାୟୀ ପରିବର୍ତ୍ତନ ପାଇଁ ଭାରତ ବିଶ୍ୱ ବାଣିଜ୍ୟ ସଂଗଠନ (WTO) କୁ ଏକ ପ୍ରସ୍ତାବ ଦେଇଛି । ତେବେ ଭାରତ ସହ ସବୁବେଳେ ବିବାଦରେ ରହୁଥିବା ଦେଶ ପାକିସ୍ତାନ ମଧ୍ୟ ଏହି ପ୍ରସ୍ତାବକୁ ସମର୍ଥନ କରିଛି ।  ଏହି ପ୍ରସ୍ତାବ ଗ୍ରହଣ କରାଗଲେ ଟୀକାକରଣର ମୂଲ୍ୟ ହ୍ରାସ ବୋଲି ଆଶା କରାଯାଇଛି । ଏହାର ଜବାବରେ ପାକିସ୍ତାନର ବୈଦେଶିକ ମନ୍ତ୍ରଣାଳୟ କହିଛି ଯେ ମହାମାରୀ ଆରମ୍ଭରୁ ପାକିସ୍ତାନ ଜୋର ଦେଉଥିଲା ଯେ କରୋନା ଟିକା ପ୍ରସ୍ତୁତ କରିବା ପାଇଁ ଆନ୍ତର୍ଜାତୀୟ ସ୍ତରରେ ଜ୍ଞାନକୌଶଳ ସହ ସମ୍ବଳକୁ ମଧ୍ୟ ସାମିଲ କରିବା ଉଚିତ ।  

ବୈଦେଶିକ ବ୍ୟାପାର ମନ୍ତ୍ରଣାଳୟ ଅନୁଯାୟୀ, କରୋନା ଭାଇରସ ଟିକା ପାଇଁ ବିଶ୍ୱ ସ୍ୱାସ୍ଥ୍ୟ ସଂଗଠନକୁ କପରାଯାଇଥିବା ଅନୁରୋଧର ଉଦ୍ଦେଶ୍ୟ ହେଉଛି ଫାର୍ମାସ୍ୟୁଟିକାଲ୍ କମ୍ପାନୀଗୁଡ଼ିକୁ ମୌଳିକ ଟିକା ସୂତ୍ର ଆଧାରରେ ଶସ୍ତା ଟିକା ପ୍ରସ୍ତୁତ କରିବାକୁ ଅନୁମତି ଦେବା । ଏହି ମାମଲାର ବିଚାର ଚାଲିଥିବା ବେଳେ ଆସନ୍ତା ବର୍ଷ ଆରମ୍ଭରେ ନିଷ୍ପତ୍ତି ନିଆଯିବ ବୋଲି ବୈଦେଶିକ ବ୍ୟାପାର ମନ୍ତ୍ରଣାଳୟ କହିଛି ।