14-Sep-2023

ସୋନପୁର (ମନୋରଞ୍ଜନ ତ୍ରିପାଠୀ): ମିନିମଲ ସାମ୍ନାରେ ଥିବା ନୁଆଁ ବସ୍ତିକୁ ଆସି  ସମଗ୍ର ଗ୍ରୀଡ଼କୋ କଲୋନୀର ଉପରି ମୁଣ୍ଡ ର ପାଣି  ଜମି ରହୁଥିବାରୁ  ଦୀର୍ଘ ୭ ରୁ ୮ ମାସ ଧରି ଏଇ କେତୋଟି ପରିବାର ନାହିଁ ନ ଥିବା ଅସୁବିଧା ଭୋଗୁଛନ୍ତି l ପୌର ପରିଷଦକୁ ଏ ଲୋକେ ବାରମ୍ବାର ଲିଖିତ ଅଭିଯୋଗ କରିବା ସତ୍ୱେ ମଧ୍ୟ ବିଭାଗ ଆଦୌ କର୍ଣ୍ଣପାତ କରୁ ନଥିବା ଜଣା ପଡିଛି l କେବଳ ଗ୍ରୀଡ଼କୋ ଅଞ୍ଚଳ ନୁହେଁ, ସହରର ବଡ଼ ବଜାର, ଗୋକୋନେଶ୍ୱର ପଡା, ରାମଜୀ ନଗର, ପ୍ରେସ କଲୋନୀ, ରାମକୃଷ୍ଣ ନଗର, ଆମ୍ବେଦକର ଛକରୁ ବ୍ଲକ ଛକ ରାସ୍ତା  ସମେତ ଅନେକ ଅଞ୍ଚଳରେ ଡ୍ରେନାଇଜ ସିଷ୍ଟମ ଫେଲ ମାରିଛି l ରାସ୍ତାରେ ପାଣି ଜମି ଘରେ ଘରେ ଡ୍ରେନ ପାଣି ପଶୁଛି ଏ ପରିକି  ବସଷ୍ଟାଣ୍ଡ ରେ ଥିବା ପଞ୍ଚରଥ ମନ୍ଦିରରେ ମଧ୍ୟ ବର୍ଷା ଅଧିକ ହେଲେ  ଡ୍ରେନ ପାଣି ଭର୍ତି ହେଇ ଯାଉଛି l  ଦୋକାନ ଗୃହ ହେଉ କିମ୍ବା ବାସ ଗୃହ ଏ ସବୁ ଘର ନିର୍ମାଣ ପୂର୍ବରୁ ପୌର ପରିଷଦର ପ୍ଳାନିଙ୍ଗ ଭିତରେ ପ୍ଲାନ ସବୁ ଜାଣି ଶୁଣି ଦିଗହରା କରା ଯାଇଛି l କେବଳ ହୋଲଡିଂ ଟ୍ୟାକ୍ସ ଲୋକଙ୍କ ଠାରୁ ସଂଗ୍ରହ କରିଦେଲେ ପୌର ପରିଷଦର ଦାୟିତ୍ୱ ଶେଷ  ମନେ ହେଉଛି l କିନ୍ତୁ ବିଗତ ବର୍ଷ ମାନଙ୍କର ପୌର ପରିଷଦର ଢିଲାପଣ ପାଇଁ ଆଜି ଅନେକ ବସ୍ତି ଲୋକେ ଡ୍ରେନ ପାଣି ପାଇଁ ଖୁବ ହଇରାଣ l ସେପଟେ ରାଜ୍ୟ ସରକାର ମ୍ୟାଲେରିଆ ଓ ଡେଙ୍ଗୁ  ରୋଗ ନିୟନ୍ତ୍ରଣ ପାଇଁ 

ସଚେତନତା ମାଧ୍ୟମ ରେ କୋଟି କୋଟି ଟଙ୍କା ଖର୍ଚ୍ଚ କରୁଥିବା ବେଳେ ଏ ପଟେ କିନ୍ତୁ ଭୁଲ ଡ୍ରେନାଇଜ  ସିଷ୍ଟମ ରେ ସୁଧାର କରି ନ ପାରି ଏବେ ମ୍ୟାଲେରିଆ, ଡାଏରୀଆ, ଡେଙ୍ଗୁ ରୋଗ କୁ ପୌର ପରିଷଦ ଆମନ୍ତ୍ରଣ କରୁଥିବା  ବିଷୟ ବୁଦ୍ଧିଜୀବୀ ଙ୍କୁ ଆଶ୍ଚର୍ଯ୍ୟ କରିଛି l ଏବଂ ପୌର ପ୍ରଶାସନ ଓ କାଉନସିଲ ମଧ୍ୟରେ ସମନ୍ୱୟ ର ଅଭାବ ନାହିଁ ତ ବୋଲି ଏମାନେ ପ୍ରଶ୍ନ କରିଛନ୍ତି l  ଏଣୁ ଖୁବ ଶୀଘ୍ର ଏ ସବୁ ସମସ୍ୟାର ସମାଧାନ ଦିଗରେ ଜିଲ୍ଲାପାଳ ଦୃଷ୍ଟି ଦେବାକୁ ସହରବାସୀ ଦାବୀ କରିଛନ୍ତି l